ក្រសួងអប់រំកំណត់មុខវិជ្ជាប្រវត្តិវិទ្យា និងផែនដីបរិស្ថានវិទ្យា ជាមុខវិជ្ជាជម្រើស សម្រាប់ការប្រឡងបាក់ឌុបឆ្នាំនេះ

សម្រាប់ការប្រឡងសញ្ញាបត្រមធ្យមសិក្សា​ទុតិយភូមិ ឬបាក់ឌុប ដែលគ្រោងនឹងប្រព្រឹត្ត​ទៅនៅថ្ងៃទី៦ ខែវិច្ឆិកា ឆ្នាំ២០២៣ខាងមុខ ក្រសួងអប់រំយុវជន និង​កីឡា បានកំណត់យកមុខវិជ្ជា ប្រវត្តិវិទ្យា សម្រាប់ថ្នាក់វិទ្យាសាស្រ្ត និង មុខ​វិជ្ជា ផែនដី និង​បរិស្ថានវិទ្យា សម្រាប់ថ្នាក់វិទ្យាសាស្រ្តសង្គម ជាវិញ្ញាសាជម្រើស​សម្រាប់​ការ​ប្រឡង​សញ្ញាបត្រមធ្យមសិក្សា​ទុតិយភូមិនាពេលខាងមុខនេះ។

បើយោង​តាម​ប្រកាស​ស្តីពីការរៀបចំ និង​ការប្រព្រឹត្ត​ទៅ​នៃការប្រឡងសញ្ញាបត្រមធ្យមសិក្សា​ទុតិយភូមិ សម្រាប់ឆ្នាំ​សិក្សា​២០២២-២០២៣ មុខវិជ្ជាជម្រើស​សម្រាប់ថ្នាក់វិទ្យាសាស្រ្ត គឺត្រូវ​ជ្រើសរើស​មួយ​មុខវិជ្ជា​ក្នុង​ចំណោមមុខវិជ្ជា​ភូមិវិទ្យា ប្រវត្តិវិទ្យា សីលធម៌-ពលរដ្ឋវិជ្ជា និង​ផែនដី និងបរិស្ថានវិទ្យា។ ដោយឡែកមុខវិជ្ជាជម្រើសថ្នាក់វិទ្យាសាស្រ្តសង្គម ត្រូវ​ជ្រើសរើស​មួយ​មុខ​វិជ្ជាក្នុងចំណោម​រូបវិទ្យា គីមីវិទ្យា ជីវវិទ្យា និង​ផែនដី និង​បរិស្ថានវិទ្យា។

គួរ​បញ្ជាក់ថា សម្រាប់ការប្រឡងសញ្ញាបត្រមធ្យមសិក្សា​ទុតិយភូមិ​សម្រាប់ឆ្នាំសិក្សា​២០២២-២០២៣ នឹងប្រព្រឹត្តទៅរយៈពេល​២ថ្ងៃ គឺនៅថ្ងៃទី៦ និង​ថ្ងៃទី៧ ខែវិច្ឆិកា ឆ្នាំ​២០២៣ ដោយវិញ្ញាសាសម្រាប់ថ្នាក់វិទ្យាសាស្រ្ត រួមមាន ៖ ១.មុខវិជ្ជាជម្រើស, ២.ជីវវិទ្យា, ៣.គីមីវិទ្យា, ៤.ភាសាបរទេស, ៥. អក្សរសាស្រ្តខ្មែរ, ៦.រូបវិទ្យា និង ៧.គណិតវិទ្យា។ ដោយ​ឡែក​មុខវិជ្ជាភាសាបរទេស ជាវិញ្ញាសាតាមស្ម័គ្រ។

សម្រាប់វិញ្ញាសាថ្នាក់វិទ្យាសាស្រ្តសង្គមវិញ រួមមាន ៖ ១.មុខវិជ្ជាជម្រើស, ២.ប្រវត្តិវិទ្យា, ៣.ភូមិវិទ្យា, ៤.ភាសាបរទេស, ៥.គណិតវិទ្យា, ៦.សីលធម៌-ពលរដ្ឋវិជ្ជា និង ៧.អក្សរសាស្រ្តខ្មែរ។ ដោយឡែកមុខវិជ្ជាភាសាបរទេស ក៏​ត្រូវ​បានចាត់ទុកថា ជាវិញ្ញាសាតាមស្ម័គ្រដូចគ្នា ដោយ​ត្រូវ​យក​ផលសងនៃពិន្ទុ ដែលសិស្ស​ធ្វើបាន ដកនឹង​២៥។

បើយោង​តាមសេចក្ដីណែនាំស្ដីពីដំណើរការនៃការប្រឡងបាក់ឌុប វិញ្ញាសាប្រឡងទាំងអស់ត្រូវបានជ្រើសរើស តាក់តែងរៀបចំ និងគ្រប់គ្រងដោយក្រសួងអប់រំ យុវជន និងកីឡា។ ការតាក់តែងរៀបចំ និងគ្រប់គ្រងវិញ្ញាសា យកតាមកម្មវិធីសិក្សាមធ្យមសិក្សាទុតិយភូមិ ។ ចំពោះវិញ្ញាសាសម្រាប់ចែកឱ្យបេក្ខជន រៀបចំទៅតាមចំនួនបេក្ខជន។ ដោយឡែក វិញ្ញាសាសម្រាប់ចម្លងដាក់លើក្ដារខៀន រៀបចំទៅតាមចំនួនបន្ទប់ប្រឡង។ 

ជាមួយគ្នានេះ វិញ្ញាសាសម្រាប់ថ្នាក់វិទ្យាសាស្រ្ត ត្រូវចែកឱ្យបេក្ខជនម្នាក់ៗ រួមមាន គណិតវិទ្យា គីមីវិទ្យា ជីវវិទ្យា រូបវិទ្យា និងភាសាបរទេស។ ដោយឡែកវិញ្ញាសាអក្សរសាស្រ្តខ្មែរ និងមុខវិជ្ជាជម្រើសប្រវត្តិវិទ្យា ជាវិញ្ញាសាដែលអនុរក្ស ត្រូវចម្លងដាក់លើក្ដារខៀន។ ចំណែក វិញ្ញាសាសម្រាប់ថ្នាក់វិទ្យាសាស្រ្តសង្គម ត្រូវចែកឱ្យបេក្ខជនម្នាក់ៗ រួមមាន គណិតវិទ្យា ភាសាបរទេស ។ ដោយឡែក វិញ្ញាសាអក្សរសាស្រ្តខ្មែរ ភូមិវិទ្យា ប្រវត្តិវិទ្យា សីលធម៌-ពលរដ្ឋវិជ្ជា រួមទាំង ផែនដីនិងបរិស្ថានវិទ្យា ជាវិញ្ញាសាដែលអនុរក្សត្រូវចម្លងដាក់លើក្ដារខៀន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានជាតិពហុបច្ចេកទេសអង្គរ ផ្ដល់ការសិក្សាជំនាញ TVET ២៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 03/06/2025

ឱកាសរៀនជំនាញវិជ្ជាជីវៈ (TVET) សម្រាប់សិស្សានុសិស្ស និងសាធារណៈជន ដោយឥតគិតថ្លៃចំនួន២៤០០កន្លែង នៅវិទ្យាស្ថានពហុបច្ចេកទេសអង្គរសម្រាប់វគ្គសិក្សាថ្មី។ អាហារូបករណ៍ផ្ដល់ឱ្យសិក្សាពេញលេញ ពីរាជរដ្ឋាភិបាល...

អាហារូបករណ៍សម្រាប់សិស្សនារី ដែលមានបំណងបន្តការ​សិក្សា​ថ្នាក់ឧត្តមសិក្សា​នៅ​រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 30/05/2024

មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្ស​នារី​ដែល​រស់​នៅ​តាម​បណ្តា​ខេត្ត​ដែលកំពុងសិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់

ព័ត៌មានអាហារូបករណ៍, ព្រឹត្តិការណ៍

• 29/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។

វិទ្យាស្ថានពហុបច្ចេកទេសខេត្តព្រះវិហារផ្ដល់អាហារូបករណ៍វគ្គជំនាញ ១២០កន្លែង ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 28/05/2025

វិទ្យាស្ថានពហុបច្ចេកទេសខេត្តព្រះវិហារ បានប្រកាសផ្ដល់ជូនអាហារូបករណ៍ ១០០% ក្រោមកម្មវិធីអប់រំបណ្ដុះបណ្ដាលបច្ចេកទេសនិងវិជ្ជាជីវៈ (TVET) ១.៥លាននាក់ ចំនួន១២០កន្លែង...

អាហារូបករណ៍ថ្នាក់បរិញ្ញាបត្រ និងថ្នាក់ក្រោយឧត្តម ទៅសិក្សា​នៅប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍

• 06/05/2026

សម្រាប់សិស្សនិស្សិត​ដែលចង់បន្តការសិក្សាថ្នាក់បរិញ្ញាបត្រ ក៏​ដូចជាថ្នាក់ក្រោយ​ឧត្តមសិក្សានៅ​ក្រៅប្រទេស, ពេលនេះ ក្រសួងអប់រំ យុវជន និងកីឡា បានប្រកាស​​ជ្រើសរើស​និស្សិត​អាហារូបករណ៍ដល់​ទៅ ១២០​កន្លែង...

Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 17/01/2023

កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...

ឱកាសអាហារូបករណ៍ទៅ​សិក្សានៅប្រទេសហូឡង់ សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 23/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Leiden ពីកម្មវិធីអាហារូបករណ៍ Minerva Scholarship Funds Foundation នៅប្រទេសហូឡង់...

CADT ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញ AI, Data Science និង Cybersecurity រហូតដល់ ១០០%

ព័ត៌មានអាហារូបករណ៍, ព្រឹត្តិការណ៍

• 24/08/2026

ត្រៀមខ្លួនដើម្បីក្លាយជាអ្នកដឹកនាំបច្ចេកវិទ្យាឌីជីថលនាពេលអនាគត៖ ការទទួលពាក្យចូលរៀនថ្នាក់បរិញ្ញាបត្រជាន់ខ្ពស់ផ្នែក បញ្ញាសិប្បនិម្មិត និងវិទ្យសាស្រ្តទិន្នន័យ (AI and Data Science)

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Leed នៃចក្រភពអង់គ្លេសឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់ឧត្តមសិក្សានៅសាកលវិទ្យាល័យLeed ពីកម្មវិធីអាហារូបករណ៍ Leed Scholarship 2024 សម្រាប់សិក្សាផ្នែកគណនេយ្យ ...