ក្រសួងអប់រំហាមឃាត់ការ​បង្ហោះ​ប្រធានវិញ្ញាសាប្រឡងបាក់ឌុបនៅលើបណ្តាញសង្គម

ដើម្បីធានាបាននូវ​គោល​ការណ៍​ច្បាប់ យុវត្តិធម៌ តម្លាភាព និង​លទ្ធផល​ទទួល​យកបាន និង​ចៀសវាង​ការ​ដាក់ និង​ទទួល​ទណ្ឌកម្ម​នានា​ចំពោះ​បេក្ខជន អនុរក្ស គណៈមេប្រយោគ និង​គណៈកម្មការនានា ព្រមទាំង​សាធារណជន ក្នុង​អំឡុង​ពេល នៃដំណើរការ​សំណេរ នៃការ​ប្រឡង​សញ្ញាបត្រ​មធ្យមសិក្សា​ទុតិយភូមិ ក្រសួងអប់រំ​បានធ្វើការ​ណែនាំ​ទៅ​ដល់បេក្ខជន អនុរក្ស គណៈមេប្រយោគ ប្រធានមណ្ឌលប្រឡង និងគណៈកម្មការនានា ដោយ​ហាមឃាត់ការ​បង្ហោះ​ប្រធានវិញ្ញាសាតាម​គ្រប់រូបភាព​ចែកចាយនៅលើបណ្តាញសង្គម។

បើតាមសេចក្តីណែនាំនោះ ការបង្ហោះ​វិញ្ញាសាប្រឡង​នៅលើបណ្តាញសង្គម ជាអំពើហាមឃាត់ ហើយក៏​បានប្រាប់​ដល់​​ម្ចាស់​គណនីនៃបណ្តាញសង្គម​នានា​ដែលបានបង្ហោះ​វិញ្ញាសាប្រឡង​ទាំងអស់ ត្រូវ​លុបចេញជា​បន្ទាន់​មុនពេល​ក្រសួងមានវិធានការផ្លូវច្បាប់។

លោកជំទាវ ឃួន វិច្ឆិកា មានប្រសាសន៍ថា ក្នុងដំណើរការ នៃការប្រឡង ក្រសួងតែងតែចេញប្រកាស​ស្តីពីដំណើការប្រឡង បទប្បញ្ញត្តិ និង​កម្រិតវិន័យចំពោះបេក្ខជន​នៅក្នុងការប្រឡង ក៏​ដូចជា​បទប្បញ្ញត្តិ និង​កម្រិតវិន័យចំពោះគណៈមេប្រយោគនានា​ដែលចូលរួមនៅក្នុងដំណើរការ នៃការប្រឡង ហើយសេចក្តីប្រកាស​សម្រាប់បេក្ខជនទៀតសោត ក៏បានបញ្ជាក់អំពីអ្វីដែលបេក្ខជនត្រូវអនុវត្ត និង​អ្វីដែលបេក្ខជនមិន​ត្រូវ​អនុវត្ត​ជាដើម ក៏​ប៉ុន្តែកន្លងមក​ក្រសួងតែងតែសង្កេតមើលឃើញអំពីការសរសេរពីប្រធានវិញ្ញាសាក្រោយពេលប្រឡងរួចរាល់ ហើយ​ដាក់ចូលទៅក្នុងបណ្តាញសង្គមនានា។ លោកជំទាវបន្តថា កន្លងមក​ក្រសួងតែងតែធ្វើការដាស់តឿន ក៏​ដូចជា​ជូនព័ត៌មានជាបន្តបន្ទាប់ ដោយឡែកនៅក្នុងឆ្នាំនេះ ដើម្បីរឹតបន្តឹងនៅក្នុងការ​ផ្សព្វផ្សាយប្រធានវិញ្ញាសា ទោះបីក្រោយពេលប្រឡងក៏ដោយនោះ ក្រសួងបានរៀបចំ​ឱ្យ​ចេញជាសេចក្តីណែនាំនេះ ដើម្បីធ្វើយ៉ាងណារក្សានូវគោលការណ៍ច្បាប់ យុត្តិធម៌ តម្លាភាព លទ្ធផលអាចទទួលយកបាន ចៀសវាងនូវ​ការ​យល់ច្រឡំនានា​ពីសាធារណៈជន។

គួររំលឹកដែរថា កាលពីឆ្នាំ​២០២៣កន្លងទៅនេះ បុរសម្នាក់ត្រូវឃាត់ខ្លួន ក្រោយពីបង្កើតទំព័រហ្វេសប៊ុក និងធ្វើការបង្ហោះវិញ្ញាសាដែលទទួលបានពីភពមិនច្បាស់លាស់ ចែកចាយនៅលើបណ្តាញសង្គម។ បុរសម្នាក់នោះ​ត្រូវ​បានចោទប្រកាន់ថា បានធ្វើ​ឱ្យ​ប៉ះពាល់​ដល់ដំណើរការ នៃការប្រឡង​បាក់ឌុប​នៅ​ក្នុងឆ្នាំនោះ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សានៅប្រទេសអាល្លឺម៉ង់ពីកម្មវិធីអាហារូបករណ៍ Konrad Adenauer Stiftung ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 17/03/2023

កម្មវិធី Konrad Adenauer Stiftung ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សិក្សា​នៅប្រទេសអាល្លឺម៉ង់សម្រាប់ឆ្នាំសិក្សា២០២៣ ។ ...

ក្រសួងអប់រំជ្រើសរើស​សិក្ខាកាម​ចូលរួមវគ្គ​បណ្តុះបណ្តាល​​នវានុវត្តន៍​បច្ចេកវិទ្យាអប់រំឌីជីថល ជំនួយ​លើ​វិធីសាស្រ្ត​បង្រៀន និង​រៀន​ក្នុង​បរិបទថ្មី

ព័ត៌មានអាហារូបករណ៍, ព្រឹត្តិការណ៍

• 15/07/2025

ក្រសួងអប់រំ យុវជន និងកីឡា បាន​ប្រកាស​ជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...

អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia

ព័ត៌មានអាហារូបករណ៍, ព្រឹត្តិការណ៍

• 01/09/2023

ជាឱកាស​សម្រាប់ប្អូនៗជា​សិស្ស​ថ្នាក់ទី៩ ដល់និស្សិតមហាវិទ្យាល័យ (ពិសេស​ប្អូនៗ​ដែល​ចង់រៀនខាងមេកានិក) ពេលនេះ​ មានការ​ផ្តល់អាហារូបករណ៍​សម្រាប់​ការ​សិក្សា​វិស្វកម្ម​ឌីហ្សាញ 3D Design & 3D Printing ...

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DAAD MIDE ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 19/06/2024

កម្មវិធីអាហារូបករណ៍ DAAD ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ចំនួន៣ឆមាស នៅសាកលវិទ្យាល័យ Berlin នៃប្រទេសអាល្លឺម៉ង់។ ...

វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈ​ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/06/2025

ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធី​បណ្តុះបណ្តាលជំនាញ​វិជ្ជាជីវៈ និង​បច្ចេកទេស របស់​រាជរដ្ឋាភិបាល

អាហារូបករណ៍ ៧០% សិក្សាវគ្គខ្លីនៅ ADITI Academy

ព័ត៌មានអាហារូបករណ៍, ព្រឹត្តិការណ៍

• 21/08/2025

ឱកាសសិក្សាវគ្គខ្លីផ្នែកព័ត៌មានវិទ្យានៅ ADITI Academy សម្រាប់សិស្សានុសិស្សចូលសិក្សារយៈពេល៣ខែ ដោយភ្ជាប់ការសិក្សាទ្រឹស្ដី និងការអនុវត្តជាក់ស្ដែង។

អាហារូបករណ៍អាស៊ានសិស្សថ្នាក់វិទ្យាល័យសម្រាប់ប្រទេសកម្ពុជា-សឹង្ហបុរី ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 13/02/2024

ឱកាសសិក្សាអាហារូបករណ៍អាស៊ានសម្រាប់សិស្សវិទ្យាល័យសិក្សានៅប្រទេសសឹង្ហបុរីឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្សកម្ពុជាដែលកំពុង...

ក្រសួងការបរទេសកូរ៉េ ជ្រើសរើសយុវជនអាស៊ាន ចូលរួមកម្មវិធីបោះជំរំ YCAFE 2026

ព័ត៌មានអាហារូបករណ៍, ព្រឹត្តិការណ៍

• 01/07/2026

ក្នុង​គោលដៅ​ដើម្បីពង្រឹងកិច្ចសហប្រតិបត្តិការក្នុងតំបន់ ការយល់ដឹងអន្តរវប្បធម៌ និងភាពជាអ្នកដឹកនាំរវាងយុវជន និងយុវជន ក្រសួង​ការ​បរទេស​នៃ​សាធារណរដ្ឋ​កូរ៉េ បានកំពុង​​​ប្រកាស​ជ្រើសរើស​យុវជន​ពី​បណ្តា​ប្រទេស​អាស៊ាន...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *