ព្រះមហាវិមលធម្ម ពិន សែម ៖ វិជ្ជាជាទ្រព្យសម្បត្តិដ៏ខ្ពង់ខ្ពស់របស់មនុស្សជាតិ

សៀមរាប – ព្រះមហាវិមលធម្ម សិរីសុវណ្ណោ ពិន សែម ព្រះគ្រូចៅអធិការវត្តរាជបូណ៌ ក្រុងសៀមរាប មានសង្ឃដីកាថា ការអប់រំរបស់ព្រះពុទ្ធសាសនា វិជ្ជាជាទ្រព្យសម្បត្តិខ្ពង់ខ្ពស់របស់មនុស្សជាតិ ហើយមនុស្សផងទាំងឡាយតែងឱ្យតម្លៃអ្នកមានវិជ្ជាច្រើនជាងបុគ្គលដែលមានតែទ្រព្យសម្បត្តិខ្សត់ខ្សោយវិជ្ជា ។

ព្រះមហាវិមលធម្ម ពិន សែម បានលើកពុំនោលកំណាព្យខ្មែរបុរាណដែលបានពោលថា អ្នករៀនទាំងឡាយ ប្រយ័ត្នរាយមាយ ព្រោះក្ដីសល់វ៉ល់ ត្រូវខាំមាត់រៀន ចំណេះសាកល ឱ្យត្រាតែដល់ត្រើយត្រាណវិទ្យា ។ វិទ្យាជាទ្រព្យ ប្រើបានគ្រប់សព្វ លើសទ្រព្យនានា អ្នកមានទ្រព្យស្រាប់ អាប់ឥតវិជា្ជ មិត្រភ័ក្ដិផងគ្នា គេច្រើនមើលងាយ ។

ទន្ទឹមគ្នានេះ ព្រះមហាវិមលធម្ម សិរីសុវណ្ណោ ព្រះគ្រូចៅអធិការវត្តរាជបូណ៌ បានពន្យល់បន្ថែមថា ៖

“មានទ្រព្យសម្បត្តិតែមិនសូវមានវិជ្ជា ក៏គង់តែគេមើលងាយ មិនសូវមានតម្លៃ ! អីចឹងបានតែថា វិជ្ជានេះជាទ្រព្យសម្បត្តិដ៏ខ្ពស់ខ្ពស់របស់មនុស្សជាតិនៅលើពិភពលោក។”

ព្រះមហាវិមលធម្មមានសង្ឃដីការដោយសង្កត់ធ្ងន់ថា មនុស្សកាលបើគ្រាន់តែជាមនុស្សធម្មតា គឺគ្មានតម្លៃអ្វីនោះទេ តែមនុស្សមានតម្លៃ គឺមនុស្សមានវិជ្ជា ! ព្រះពុទ្ធសាសនាចាត់ទុកថា វិជ្ជាជាដុំពេជ្រសម្រាប់មនុស្ស ។ មនុស្សដែលមានវិជ្ជាប្រៀបដូចជាដុំពេជ្រ ដោយសារដុំពេជ្រគេត្រូវការ និងចាត់ទុកជាវត្ថុដ៏មានតម្លៃ ។ ប៉ុន្តែអ្វីកើតឡើងទៅបានអាស្រ័យលើការខិតខំរៀនសូត្រ ព្រមទាំងជំរុញកូន និងពន្យល់កូនពីតម្លៃនៃការសិក្សា កុំឱ្យថយឱ្យសោះ ។

ព្រះមហាវិមលធម្ម ពិន សែម បានចាត់ទុកម្តាយឪពុកដែលពុំបានពន្យល់កូនឱ្យយល់ពីតម្លៃនៃការសិក្សា ហាក់បីដូចជារស់នៅដោយគ្មានការពន្យល់ ឬគ្មានបញ្ញាឆ្លុះបញ្ចាំង ព្រោះមិនបានគិតថា អ្នកចេះដឹងមានការគិតយ៉ាងដូចម្តេច ។ ជាមួយគ្នានេះដែរ កាលបើម្តាយឪពុកផ្តល់ឱកាសឱ្យកូនរៀនសូត្ររហូតចេះដឹង គឺប្រៀបដូចជាផ្តល់យស័ក្តិ និងទ្រព្យសម្បត្តិដល់កូនដោយមិនពិបាកព្រួយ ។

គួររំលឹកថា ពាក្យ “វិជ្ជា” និង “វិទ្យា” នៅក្នុងវចនានុក្រមខ្មែររបស់ពុទ្ធសាសនបណ្ឌិត្យ បានពន្យល់ថា សេចក្ដីដឹងច្បាស់ ការចេះដឹង ចំណេះដឹង… ។ ពាក្យវិជ្ជា និងវិទ្យា ដែលផ្សំជាមួយនឹងសព្ទដទៃជាសមាសនាម កវីងាយតែងតែជ្រើសរើសក្នុងការតាក់តែងកាព្យបានតាមត្រូវការ ដូចជាកាព្យថា អ្នកវិជ្ជាម័ទ ច្រើនតែវិបត្តិ ដោយក្ដីមើលងាយ អ្នកចេះផងគ្នា ថាជនសម្ទាយ ព្រោះក្ដីមាក់ងាយ គេស្អប់ជុំខ្លួន ។ បន្ថែមលើនេះ ឧទាហរណ៍ពាក្យ វិជ្ជាជីវៈ គឺមកពីពាក្យ វិជ្ជា + អាជីរ មានន័យថា មុខតំណែង, មុខការរបរសម្រាប់ចិញ្ចឹមជីវិត ដូចជា វិជ្ជាជីវៈរបស់អ្នករាជការ វិជ្ជាជីវៈខាងកសិកម្ម និងវិជ្ជាជីវៈសារព័ត៌មានជាដើម ៕ 




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សាច់ប្រាក់ពីមូលនិធិបុប្ផាគន្ធ សម្រាប់ថ្នាក់បរិញ្ញាបត្រចំនួន៥កន្លែង

ព័ត៌មានអាហារូបករណ៍, ព្រឹត្តិការណ៍

• 06/10/2025

ឱកាសទទួលបានអាហារូបករណ៍សាច់ប្រាក់សម្រាប់ការសិក្សាថ្នាក់បរិញ្ញាបត្រចំនួន ៤ឆ្នាំ នៅសាកលវិទ្យាល័យផ្សេងៗក្នុងទីក្រុងភ្នំពេញ ពីមូលនិធិ បុប្ផាគន្ធ ឆ្នាំសិក្សា២០២៥-២០២៦។

អាហារូបករណ៍ថ្នាក់បរិញ្ញាបត្ររង ចំនួន១០កន្លែង នៅវិទ្យាស្ថានបច្ចេកទេសឧស្សាហកម្ម ឆ្នាំសិក្សា២០២៦-២០២៧ ពីកម្មវិធីអាហារូបករណ៍អភិសន្តិបណ្ឌិត ស សុខា

ព័ត៌មានអាហារូបករណ៍, ព្រឹត្តិការណ៍

• 14/09/2026

អាហារូបករណ៍ជំនាញបច្ចេកទេស ចំនួន ១០កន្លែង កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) នៅវិទ្យាស្ថានបច្ចេកទេសឧស្សាហកម្ម (ITI) សម្រាប់ឆ្នាំសិក្សា ២០២៦-២០២៧។

ឱកាស​បន្ត​ការសិក្សាថ្នាក់អនុបណ្ឌិត ឬបណ្ឌិតនៅសហរដ្ឋអាមេរិក ជាមួយនឹងអាហារូបករណ៍ Fulbright

ព័ត៌មានអាហារូបករណ៍, ព្រឹត្តិការណ៍

• 03/02/2026

ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត)

ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 20/02/2025

កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង​ប្រទេសវៀតណាម​​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/04/2023

ភ្នំពេញ - សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ...

អាហារូបករណ៍សិល្បៈអមតៈ អាន ចនផន ផ្ដល់អាហារូបករណ៍សាច់ប្រាក់ សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 07/03/2025

តាមរយៈ កម្មវិធីអាហារូបករណ៍សិល្បៈអមតៈ អាន ចនផន កំពុងប្រកាសជ្រើសរើសបេក្ខជន បេក្ខនារី ឱ្យទទួលបានឱកាសអាហារូបករណ៍សាច់ប្រាក់ចំនួន១៥០០ដុល្លារក្នុងមួយឆ្នាំ។ អាហារូបករណ៍ផ្ដល់ជូនសម្រាប់ការសិក្សាអភិវឌ្ឍន៍ជំនាញសិល្បៈ និងអភិវឌ្ឍន៍ជំនាញ...

ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 05/06/2026

បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុង​​បើក​ទទួល​ពាក្យ​ស្នើសុំពីនិស្សិតមក​ពីប្រទេស​កំពុងអភិវឌ្ឍ រួមទាំងប្រទេសកម្ពុជាផងដែរ...

ក្រសួងអប់រំជ្រើសរើសគ្រូបង្រៀនមធ្យមសិក្សា ៥០០នាក់ ដើម្បីបណ្តុះបណ្តាលក្នុងកម្មវិធីលើក​កម្ពស់គុណវុឌ្ឍិគ្រូបង្រៀន ជំនាន់ទី១

ព័ត៌មានអាហារូបករណ៍, ព្រឹត្តិការណ៍

• 06/04/2026

ក្រសួងអប់រំ យុវជន និងកីឡា កំពុងប្រកាសជ្រើសរើស​លោកគ្រូ អ្នកគ្រូ នៃគ្រឹះស្ថាន​មធ្យមសិក្សា​ចំណេះទូទៅ​ក្នុង​សាលា​គោលដៅ និង​សាលា​ទទួលផលជះ នៃគម្រោង​កែលម្អការ​អប់រំចំណេះទូទៅ (GEIP និងGEIP-AF)

អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 18/09/2023

វិទ្យាស្ថានពហុបច្ចេកទេស​ខេត្តកំពង់ធំ (PIKT) ប្រកាស​ជ្រើសរើសសិស្ស-និស្សិតថ្នាក់អាហារូបករណ៍ សិក្សា​ជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូត​ដល់កម្រិតសញ្ញាបត្រជាន់ខ្ពស់បច្ចេកទេស...