ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដោយមានកិច្ចសហការជាមួយវិទ្យាស្ថានវិញ្ញាបនបត្រគណិតវិទ្យានៃប្រទេសជប៉ុន និងសហគមន៍អ្នកគណិតវិទ្យាកម្ពុជា, ក្រសួងអប់រំយុវជន យុវជន និងកីឡា នឹងរៀបចំការប្រឡងវាស់ស្ទង់សមត្ថភាពគណិតវិទ្យាអន្តរជាតិស្តង់ដាប្រទេសជប៉ុន សម្រាប់សិស្សពីថ្នាក់ទី៤ ដល់ថ្នាក់ទី១២ និងកម្រិតសាកលវិទ្យាល័យ។
ការប្រឡងនឹងប្រព្រឹត្តទៅនៅថ្ងៃអាទិត្យ ទី២៨ ខែកញ្ញា ឆ្នាំ២០២៥ វេលាម៉ោង៨ព្រឹក នៅវិទ្យាស្ថានជាតិអប់រំ។
បើតាមក្រសួងអប់រំ ការប្រឡងនេះ រៀបចំឡើងក្នុងគោលបំណងចូលរួមពង្រឹងសមត្ថភាពសិស្ស ព្រមទាំងប្រសិទ្ធភាព នៃការរៀន ការបង្រៀន ការសិក្សាស្រាវជ្រាវ និងលើកកម្ពស់គុណភាពអប់រំគណិតវិទ្យានៅកម្ពុជា ហើយបេក្ខជនដែលចូលរួមប្រឡង នឹងទទួលបានវិញ្ញាបនបត្របញ្ជាក់លទ្ធផល នៃការប្រឡងចេញដោយវិទ្យាស្ថានវិញ្ញាបនបត្រ គណិតវិទ្យា នៃប្រទេសជប៉ុន, មេដាយមាស មេដាយប្រាក់ និងមេដាយសំរឹទ្ធ សម្រាប់គ្រប់កម្រិតថ្នាក់ ចំពោះអ្នកដែលទទួលបានពិន្ទុតាមការកំណត់។
សម្រាប់សិស្ស និស្សិតដែលមានចំណាប់អារម្មណ៍ សូមមកចុះឈ្មោះចូលរួមប្រឡងនៅអគារ «I» មជ្ឈមណ្ឌលស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ ឬតាមតំណភ្ជាប់ ចុះឈ្មោះ៖ https://forms.gle/7UXAWwqA4YZsqA4JA ចាប់ពីថ្ងៃផ្សាយដំណឹងនេះ រហូតដល់ថ្ងៃទី១៥ ខែកញ្ញា ឆ្នាំ២០២៥ វេលាម៉ោង៥ល្ងាចជាកំណត់។
សម្រាប់ព័ត៌មានលម្អិត សូមទំនាក់ទំនង និងសាកសួរដោយផ្ទាល់នៅមជ្ឈមណ្ឌលស្រាវជ្រាវគរុកោសល្យជំនាន់ថ្មី ឬអាចទាក់ទងតាមរយៈតេឡេក្រាម https://t.me/sukentestcambodia ៕
