តើយុវជនត្រូវត្រៀមខ្លួនបែបណា ដើម្បីចាប់យកឱកាសការងារក្នុងសម័យឌីជីថលនេះ?

បច្ចុប្បន្នពិភពលោកកំពុងតែមានការផ្លាស់ប្តូរ​មក​កាន់សម័យ​កាលឌីជីថល ដោយ​ប្រតិបត្តិការ​ការងារមួយចំនួនត្រូវផ្តោត​ទៅលើបច្ចេកវិទ្យា ។ ដូច្នេះ តើយុវជន សិស្ស និស្សិត គួរត្រៀម​លក្ខណៈបែបណា ដើម្បីចាប់យក​ឱកាស​ការងារក្នុងសម័យ​កាលឧស្សាហកម្មជំនាន់ទី៤នេះ?

លោក សាយ រតនៈ ប្រធាននាយករដ្ឋានបណ្តុះបណ្តាលធនធានមនុស្សក្រុមហ៊ុន RMA ដែលជាក្រុមហ៊ុន​នាំចូល និង​តម្លើងរថយន្តដ៏ធំនៅកម្ពុជា មានប្រសាសន៍ថា បើនិយាយពីការជ្រើសរើសបុគ្គលិក ​ក្រុមហ៊ុន​នីមួយៗតែងមើលទៅលើជំនាញ២ គឺជំនាញរឹង និងជំនាញទន់ ។ បើនិយាយពីជំនាញរឹង ឬ Hard Skill តាមលោក រតនៈ សិស្សានុសិស្ស ក៏​ដូចជាយុវជនយើងចាំបាច់ត្រូវ​តែចាប់យកជំនាញមួយច្បាស់លាស់សិន មិនថា គណនេយ្យករ ផ្នែកច្បាប់ ឬក៏ជាងជួសជុលរថយន្តនោះទេ តែ​ជំនាញនោះទៀតសោត ត្រូវ​តែធ្វើការ​អភិវឌ្ឍឱ្យទាន់សម័យកាលឌីជីថល និងសម័យបញ្ញាសប្បនិម្មិត (AI)។

លោក សាយ រតនៈ ប្រធាននាយករដ្ឋានបណ្តុះបណ្តាលធនធានមនុស្សក្រុមហ៊ុន RMA

តាមប្រសាសន៍របស់លោក សាយ រតនៈ ជំនាញវិជ្ជាជីវៈកាលពី១០ ឬ២០ឆ្នាំមុន គឺមិនអាចប្រើប្រាស់កើតទេនៅក្នុងសម័យថ្មី ឬអនាគត ៥ ទៅ១០ឆ្នាំខាងមុខទៀត ដោយសារតែវិស័យបច្ចេកវិទ្យាកាន់តែរីកចម្រើន ។ ដូច្នេះ តម្រូវ​ឱ្យ​យុវជន ក៏​ដូចជា​និយោជិត ត្រូវ​អភិវឌ្ឍជំនាញរឹងឱ្យទាន់សភាពការណ៍ ដោយត្រូវរៀនបន្ថែម មិនថាវគ្គខ្លី ឬវែង ធ្វើ​យ៉ាងណាបម្លែង​ខ្លួនឯង​ឱ្យ​ទៅជា​ពលរដ្ឋឌីជីថល ព្រោះថា ការងារសម័យថ្មីគឺផ្តោតទៅលើឌីជីថល។

…ជាងជួសជុលឡានពីសម័យមុន យើង​ប្រើដោយដៃ ប៉ុន្តែបច្ចុប្បន្នគេប្រើដោយកុំព្យូទ័រ… អញ្ចឹងគាត់ត្រូវតែ UpSkilling

លោក សាយ រតនៈ ប្រធាននាយកដ្ឋានបណ្តុះបណ្តាល និងធនធានមនុស្សក្រុមហ៊ុន RMA

ចំណែកជំនាញទន់វិញ បើតាមលោក សាយ រតនៈ យុវជន​ក៏​ចាំបាច់ត្រូវអភិវឌ្ឍផងដែរ ដោយ​លោកបញ្ជាក់ថា អ្វីដែលក្រុមហ៊ុនត្រូវការបំផុត គឺបុគ្គលិក​ដែលមាន​ឥរិយាបទល្អ ។ លោក រតនៈ មានប្រសាសន៍ថា ទោះជាយើងចេះប៉ុណ្ណាក៏ដោយ តែធ្វើការមិនចុះសម្រុង គ្មានការប្តេជ្ញាចិត្ត ឥរិយាបទឆ្គាំឆ្គង ក៏គេមិនត្រូវការដែរ ព្រោះក្រុមហ៊ុនគេគិតថា ជំនាញរឹង (Hard Skill) អាចបណ្តុះបណ្តាលបានភ្លាមៗ ប៉ុន្តែជំនាញទន់ (Soft Skill) ត្រូវការពេលវេលាច្រើន​ដើម្បីផ្លាស់ប្តូរ។

សរុបមកវិញ លោក សាយ រតនៈ ប្រធាននាយករដ្ឋានបណ្តុះបណ្តាលធនធានមនុស្សក្រុមហ៊ុន RMA ស្នើដល់សិស្ស និស្សិត យុវជន ត្រូវមានជំនាញមួយ​ឱ្យខ្លាំង ហើយឥរិយាបទគឺកាន់តែសំខាន់ទៀត ដោយសារតែក្រុមហ៊ុន​នីមួយៗគេចង់ឱ្យបុគ្គលិកចេះមានគំនិតផ្តួចផ្តើម, មានគំនិតក្នុងការដោះស្រាយបញ្ហា, មានសេចក្តីក្លាហាន និង​មានការប្តេជ្ញាចិត្តខ្ពស់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកវិទ្យាកម្ពុជា (ITC) មណ្ឌលវិមានឈ្នះ-ឈ្នះ ផ្តល់អាហារូបករណ៍ ១០០% ចំនួន ៤០កន្លែង

ព័ត៌មានអាហារូបករណ៍, ព្រឹត្តិការណ៍

• 11/09/2026

វិទ្យាស្ថានបច្ចេកវិទ្យាកម្ពុជា (សាលាតិចណូ - ITC) នឹងប្រឡងជ្រើសរើសនិស្សិតកម្រិតវិស្វករ នៅ មណ្ឌលវិមានឈ្នះ-ឈ្នះ ដោយផ្តល់ជូននូវអាហារូបករណ៍ពេញ ១០០% ចំនួន ៤០កន្លែង។

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/03/2025

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...

សាកលវិទ្យាល័យខេមតិចផ្ដល់អាហារូបករណ៍ ១០០% និង៧៥% សម្រាប់និស្សិតស្រ្តី និងនិស្សិតមកពីខេត្តដាច់ស្រយាល

ព័ត៌មានអាហារូបករណ៍, ព្រឹត្តិការណ៍

• 10/01/2023

សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ...

អាហារូបករណ៍ថ្នាក់បណ្ឌិត សិក្សា​នៅសាកលវិទ្យាល័យ Standford សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 01/08/2024

កម្មវិធីអាហារូបករណ៍ Knight-Hennessy បានប្រកាស​ផ្តល់អាហារូបករណ៍​១០០% សម្រាប់ថ្នាក់បណ្ឌិតចំនួន១០០កន្លែង ទៅសិក្សា​នៅសាកលវិទ្យាល័យ Stanford សហរដ្ឋអាមេរិក ដោយ​មានផ្តល់​ថ្លៃសិក្សា...

សហភាពអឺរ៉ុបផ្តល់អាហារូបករណ៍ពេញថ្លៃ ៣០កន្លែង លើជំនាញវិស័យទឹក ទៅសិក្សានៅសាកលវិទ្យាល័យក្នុងតំបន់អឺរ៉ុប

ព័ត៌មានអាហារូបករណ៍, ព្រឹត្តិការណ៍

• 02/10/2026

សហភាពអឺរ៉ុប (EU) ប្រចាំនៅកម្ពុជា បានប្រកាសផ្ដល់អាហារូបករណ៍ពេញថ្លៃចំនួន ៣០ កន្លែង ក្រោមគម្រោង «European Global Gateway Scholarships on Water Professions»

ឱកាសសិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ឆ្នាំង ចំនួន១៥០កន្លែង

ព័ត៌មានអាហារូបករណ៍, ព្រឹត្តិការណ៍

• 08/02/2024

វិទ្យាស្ថានពហុបច្ចេកទេសកំពង់ឆ្នាំងប្រកាសជ្រើសរើស យុវជន យុវនារី ឱ្យសិក្សាជំនាញវិជ្ជាជីវៈចំនួន១៥០នាក់ទៅសិក្សាលើជំនាញចំនួនប្រាំរយៈពេលសិក្សា៤ខែ។

អាហារូបករណ៍ថ្នាក់បរិញ្ញាបត្រជាន់ខ្ពស់ ពី ADB-KFP ឆ្នាំ២០២៦ ទៅសិក្សានៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 13/01/2026

ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School)

៤គន្លឹះ អាចជួយអ្នកឱ្យ​ទទួលបានអាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 18/04/2025

ការទទួលបានអាហារូបករណ៍គឺជាឱកាសដ៏ល្អសម្រាប់សិស្សានុសិស្សដែលចង់បន្តការសិក្សាទាំងក្នុង ឬក្រៅប្រទេស។ ទោះជាអាហារូបករណ៍មានការប្រកួតប្រជែងខ្ពស់ក៏ដោយ តែការត្រៀម​ខ្លួន​ឱ្យ​រួចរាល់ អាចជួយពង្រីកឱកាសដល់អ្នកបាន...

វិទ្យាស្ថានសិក្សា​បច្ចេកទេស​ធនាគារ ផ្តល់អាហារូបករណ៍ ១០០% ដល់និស្សិត​ដែលមានគ្រួសារ​ជាយុទ្ធជនពលីជីវិត​ដើម្បីបុព្វហេតុការពារជាតិ

ព័ត៌មានអាហារូបករណ៍, ព្រឹត្តិការណ៍

• 30/07/2025

ដើម្បីចូលរួមចំណែកជាមួយ​រាជរដ្ឋាភិបាល​កម្ពុជា ក្នុងការ​អភិវឌ្ឍ​ធនធាន​ម​នុស្ស និង​ចូលរួម​សម្រាល​បន្ទុកហិរញ្ញវត្ថុ​ក្នុងគ្រួសារយុទ្ធជន​ពលី វិទ្យាស្ថាន​សិក្សា​បច្ចេកទេស​ធនាគារ (វ.ប.ធ.) បានប្រកាស​ផ្តល់អាហារូបករណ៍...