បច្ចេកវិទ្យាថ្មីៗ ៤ ប្រភេទកំពុងប្រើប្រាស់លើកកម្ពស់បរិយាបន្នសង្គម

ភ្នំពេញ – បច្ចុប្បន្នមានបច្ចេកវិទ្យាជាច្រើនបានបង្កើតឡើងដើម្បីលើកកម្ពស់បរិយាបន្នសង្គម ព្រមទាំងជួយសម្រួលដល់ក្រុមជនងាយរងគ្រោះឱ្យមានលទ្ធភាពចូលរួមសកម្មភាពសេដ្ឋកិច្ច និងសង្គមឱ្យកាន់តែប្រសើរ ។ បច្ចេកវិទ្យាដែលបានប្រើប្រាស់សម្រាប់លើកកម្ពស់បរិយាបន្នសង្គមទាំងនោះ រួមមាន បច្ចេកវិទ្យាជំនួយ, បច្ចេកវិទ្យាព័ត៌មាន និងទូរគមនាគមន៍, ស្វ័យប្រវត្តិកម្ម, និងប្រព័ន្ធអឺនធឺណិត ។ នេះបើតាមឯកសារបង្ហាញដោយមជ្ឈមណ្ឌលកម្ពុជា ៤.០ ។

១. បច្ចេកវិទ្យាជំនួយ (Assistive Technology) ៖ យោងតាមគេហទំព័រ Physiopedia «បច្ចេកវិទ្យាជំនួយ» សំដៅដល់ឧបករណ៍ ឬប្រព័ន្ធដែលបង្កើតឡើងជាជំនួយដល់ជនពិការ និងមនុស្សចាស់ក្នុងការបំពេញការងារនានាបានងាយស្រួលជាងមុន សំដៅបង្កើនសុខុមាលភាព ភាពឯករាជ្យ និងផលិតភាពការងារ។ ជាមួយនឹងវត្តមាននៃបច្ចេកវិទ្យាជំនួយ ក្រុមជនងាយរងគ្រោះទាំងនេះអាចចូលរួមក្នុងសកម្មភាពនានានៅក្នុងសង្គមបានដូចជនដទៃ មិនថាការធ្វើដំណើរ ការសិក្សារៀនសូត្រ ការបំពេញការងារនិងការទំនាក់ទំនងជាមួយមនុស្សជុំវិញខ្លួន។ បច្ចេកវិទ្យាជំនួយមានដូចជា រទេះរុញ កម្មវិធីអានអេក្រង់ (Screen Reader) ឧបករណ៍ជំនួយការស្តាប់ កម្មវិធីបំប្លែងសំឡេងទៅជាអត្ថបទ (Speech Recognition) និងសៀវភៅជាសំឡេង (Audio Book) ជាដើម ។

២. បច្ចេកវិទ្យាព័ត៌មាន និងទូរគមនាគមន៍ (Information and Communication Technology) ៖ យោងតាមគេហទំព័រ National Library of Medicine មនុស្សចាស់ភាគច្រើនមិនសូវចូលរួមក្នុងសកម្មភាពនានា និងមិនសូវមានការប្រាស្រ័យទាក់ទងនៅក្នុងសង្គម ដោយសារកត្តាសុខភាព ការបាត់បង់មិត្តភក្តិ ការឃ្លាតឆ្ងាយពីគ្រួសារ ។ លើសពីនេះ កង្វះការយល់ដឹងពីឱកាសដែលពួកគាត់អាចទទួលបានក្នុងសង្គម និងការមិនសូវយកចិត្តទុកដាក់ពីមនុស្សនៅក្នុងសហគមន៍ជាដើម ។

ក្នុងន័យនេះ បច្ចេកវិទ្យាព័ត៌មាន និងទូរគមនាគមន៍ ដូចជា ទូរស័ព្ទដៃវៃឆ្លាត,វេទិកាអនឡាញ, អ៊ីម៉ែល, កម្មវិធីជជែកផ្ទាល់ (Live Chat) និងកម្មវិធីខលជាវីដេអូជាដើម បានដើរតួនាទីយ៉ាងសំខាន់ក្នុងការរក្សាទំនាក់ទំនងរវាងមនុស្សវ័យចំណាស់ជាមួយក្រុមគ្រួសារ មិត្តភក្តិ និងមនុស្សក្នុងសហគមន៍។ លើសពីនេះ បច្ចេកវិទ្យាព័ត៌មាន និងទូរគមនាគមន៍ ដូចជា បណ្តាញសង្គម ប្លុក និងផតខាសមិនត្រឹមតែអាចជួយឱ្យជនចាស់ជរារក្សាទំនាក់ទំនងជាមួយមនុស្សជុំវិញខ្លួនប៉ុណ្ណោះទេ ថែមទាំងអាចឱ្យពួកគាត់ស្គាល់មនុស្សថ្មីៗ និងទទួលបាននូវព័ត៌មាននានាផងដែរ ។

៣. ស្វ័យប្រវត្តិកម្ម (Automation) ៖ ស្ត្រីមួយចំនួនមិនបានចូលរួមនៅក្នុងសកម្មភាពសេដ្ឋកិច្ច សង្គមបានពេញលេញដូចបុរស ដោយសារតែពួកគាត់ត្រូវទទួលខុសត្រូវលើការងារ ដូចជា មើលថែផ្ទះ មើលថែកូន និងមនុស្សវ័យចំណាស់នៅក្នុងគ្រួសារជាដើម។ ជាក់ស្តែង យោងតាមការសិក្សាស្រាវជ្រាវរបស់អង្គការពលកម្មអន្តរជាតិ (ILO) លើប្រធានបទ «គម្លាតយេនឌ័រក្នុងវិស័យការងារ» នៅឆ្នាំ ២០២២ នេះ មានតែ ៤៧% នៃចំនួនស្ត្រីសរុបប៉ុណ្ណោះដែលចូលរួមក្នុងកម្លាំងពលកម្ម រីឯបុរសមានរហូតដល់៧២%។

ដូច្នេះ បច្ចេកវិទ្យាជាច្រើន ដូចជា មនុស្សយន្តកាត់ស្មៅ មនុស្សយន្តបូមធូលី និងជូតផ្ទះ ម៉ាស៊ីនអ៊ុត និងបត់ខោអាវវៃឆ្លាត និងមនុស្សយន្តសម្អាតបង្គន់ជាដើម បានដើរតួនាទីយ៉ាងសំខាន់ក្នុងការសម្រាលបន្ទុកការងាររបស់ស្ត្រី ដែលអាចជួយឱ្យពួកគាត់មានពេលវេលាគ្រប់គ្រាន់ក្នុងការចូលរួមក្នុងកម្លាំងពលកម្មសកម្មបានដូចបុរសដែរ។

៤. ប្រព័ន្ធអឺនធឺណិតនៃវត្ថុ (IoT)៖ យោងតាមរបាយការណ៍ស្តីពី «ការសម្រេចឱ្យបាននូវការអប់រំប្រកបដោយបរិយាបន្នដល់កុមារពិការនៅពេលក្រោយវិបត្តិជំងឺកូវីដ-១៩» របស់អង្គការ Handicap International ដែលបានចេញផ្សាយកាលពីខែវិច្ឆិកា ឆ្នាំ២០២០ បានបង្ហាញថាកុមារពិការនៅប្រទេសដែលមានប្រាក់ចំណូលទាប និងប្រទេសដែលមានប្រាក់ចំណូលមធ្យម ប្រមាណពាក់កណ្តាលមិនបានទទួលការអប់រំ។

ហេតុនេះហើយ បច្ចេកវិទ្យាប្រព័ន្ធអឺនធឺណិតនៃវត្ថុជាច្រើនបានបង្កើតឡើង ដើម្បីជួយឱ្យកុមារពិការអាចទទួលបាននូវការអប់រំដូចកុមារដទៃដែរ។ ជាឧទាហរណ៍ ស្រោមដៃមានភ្ជាប់សែនស័រ (Sensor-Connected Gloves) អាចបំប្លែងភាសាកាយវិការទៅជាសម្លេងបាន ដើម្បីឱ្យលោកគ្រូ អ្នកគ្រូអាចទំនាក់ទំនងជាមួយសិស្សគថ្លង់បាន។ មិនតែប៉ុណ្ណោះ លោកគ្រូ អ្នកគ្រូក៏អាចប្រើប្រាស់កម្មវិធីជំនួយសំឡេង (Voice Assistant) ដើម្បីឱ្យសិស្សពិការភ្នែកអាចស្តាប់មេរៀនបានដូចសិស្សដទៃទៀតបានដែរ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាសសម្រាប់សិស្សនិស្សិត ជាពិសេសគ្រូបង្រៀនភាសាចិន ពេលនេះតាមរយៈសមាគមនិស្សិតកម្ពុជាប្រចាំសាធាំរណរដ្ឋប្រជាមានិតចិន បានប្រកាសពីការផ្តល់អាហារូបករណ៍ថ្នាក់ភាសាចិនរយៈពេល១ឆ្នាំ...

ឱកាសអាហារូបករណ៍នៅសាកលវិទ្យាល័យ Freiburg ឆ្នាំសិក្សា២០២៥ នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 02/06/2025

កម្មវិធីអាហារូបករណ៍ University of Freiburg Scholarships in Germany 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Freiburg និងសាកលវិទ្យាល័យជាដៃគូ សម្រាប់និស្សិតអន្តរជាតិ សិក្សាថ្នាក់ឧត្ដមសិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី Open Doors Russian Government Scholarship 2025

ព័ត៌មានអាហារូបករណ៍, ព្រឹត្តិការណ៍

• 05/11/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសរុស្សីក្រោមកម្មវិធី Open Doors Russian Government Scholarship 2025 សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាបរិញ្ញាបត្រជាន់ខ្ពស់ និងថ្នាក់បណ្ឌិត...

ឱកាសសិក្សាអាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលអូទ្រីស ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 20/05/2025

កម្មវិធីអាហារូបករណ៍រដ្ឋាភិបាលអូទ្រីស ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត សម្រាប់និស្សិតអន្តរជាតិ ឆ្នាំសិក្សា២០២៦។ កម្មវិធីសិក្សាផ្ដល់អាហារូបករណ៍៣ប្រភេទសម្រាប់សិក្សា...

សាលាមធ្យមវិចិត្រសិល្បៈជ្រើសរើសសិស្សចូលរៀនឥតគិតថ្លៃសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 27/09/2023

សាលាមធ្យមសិក្សាវិចិត្រសិល្បៈនៃក្រសួងវប្បធម៌ និងវិចិត្រសិល្បៈប្រកាសប្រលងជ្រើសរើសសិស្សានុសិស្សសិក្សាជំនាញសិល្បៈឥតគិតថ្លៃឆ្នាំសិក្សា ២០២៣-២០២៤...

ក្រសួងអប់រំ ប្រកាសជ្រើសរើសសិស្សចូលរៀនផ្នែកអប់រំបច្ចេកទេស

ព័ត៌មានអាហារូបករណ៍, ព្រឹត្តិការណ៍

• 04/07/2024

ក្រសួងអប់រំ យុវជន និងកីឡា កាលពីសប្តាហ៍កន្លងទៅនេះ ប្រកាសដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាបឋមភូមិ ឬសញ្ញាបត្រមានតម្លៃសមមូល ពីការជ្រើសរើសសិស្សឱ្យចូលរៀននៅតាម...

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei

ព័ត៌មានអាហារូបករណ៍, ព្រឹត្តិការណ៍

• 12/05/2025

កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...

ឱកាសអាហារូបករណ៍សិក្សានៅប្រទេសអូស្ត្រាលី ពី Macquarie University International Scholarship សម្រាប់និស្សិតពីតំបន់អាស៊ាន

ព័ត៌មានអាហារូបករណ៍, ព្រឹត្តិការណ៍

• 30/12/2025

សាកលវិទ្យាល័យ Macquarie ដែលជាគ្រឹះស្ថានសិក្សាលំដាប់ថ្នាក់អន្តរជាតិមួយក្នុងប្រទេសអូស្ត្រាលី កំពុងប្រកាសផ្តល់អាហារូបករណ៍ Vice-Chancellor's International Scholarship សម្រាប់និស្សិតឆ្នើមមកពីបណ្តា...

វគ្គបណ្តុះបណ្តាល “អក្ខរកម្មបញ្ញាសិប្បនិម្មិត (AI Literacy)” ដោយឥតគិតថ្លៃ សម្រាប់យុវជនកម្ពុជា

ព័ត៌មានអាហារូបករណ៍, ព្រឹត្តិការណ៍

• 11/02/2026

ដើម្បីឆ្លើយតបទៅនឹងការរីកចម្រើន នៃបច្ចេកវិទ្យាឌីជីថល អង្គការខេប (KAPE) តាមរយៈគ្រូបង្គោល AI Ready ASEAN សហការជាមួយ នាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា និង ក្រុមប្រឹក្សាយុវជនអង្គការសហប្រជាជាតិ (UNYAP)