ឧកញ៉ា ប៉ិច បូឡែន ៖ ក្នុងនាមជាអ្នកអប់រំ មិនគ្រាន់តែបង្រៀនសិស្ស​ឱ្យឆ្លងភូមិសិក្សា​ទេ តែត្រូវកំណត់អត្តសញ្ញាណ និង​កសាងអត្តចរិតផ្នត់គំនិត ដល់យុវជនជំនាន់ក្រោយរបស់យើង

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

ក្នុងពិធីបើកទិវាចែករំលែក​ចំណេះដឹង​របស់គ្រូបង្រៀន​ប្រចាំ​ឆ្នាំ​លើកទី៧ ក្រោម​ប្រធានបទ “ការគិត​ឡើងវិញ​អំពីការ​បង្រៀន​ដោយ​ផ្តោត​លើនវានុវត្តន៍” រៀបចំ​ឡើង​ដោយ​ ក្រុមហ៊ុន​ វេសឡាញ អេឌ្យូខេសិន គ្រុប កាលពីចុងសប្តាហ៍​កន្លងទៅនេះ ឧកញ៉ាបណ្ឌិត ប៉ិច បូឡែន អគ្គនាយក និង​ជា​ប្រធាន​នាយក​ប្រតិបត្តិ នៃក្រុមហ៊ុនវេសឡាញ អេឌ្យូខេសិន គ្រុប បាន​លើកឡើងថា​ ការអប់រំមិនមែនគ្រាន់តែជាការបង្រៀនសិស្សឱ្យ​ឆ្លងផុតការសិក្សាក្នុងថ្នាក់នោះទេ តែសំខាន់ជាងនេះទៅទៀត គឺការកំណត់អត្តសញ្ញាណ កសាងអត្តចរិត និងផ្នត់គំនិតសម្រាប់យុវជនជំនាន់ក្រោយរបស់យើង។ គោលដៅចុងក្រោយនៃការអប់រំ គឺដើម្បីកសាងធនធានមនុស្សប្រកបដោយគុណភាព ដែលជាមូលដ្ឋានគ្រឹះដ៏សំខាន់សម្រាប់ជំរុញសេដ្ឋកិច្ចជាតិឱ្យរីកចម្រើន។

លោកឧកញ៉ាបណ្ឌិត ប៉ិច បូឡែន បានពន្យល់ថា ប្រទេសមួយដែលមានឯករាជ្យ និងទទួលបានការគោរពពីបណ្ដាប្រទេសដទៃ លុះត្រាតែមូលដ្ឋានធនធានមនុស្សរឹងមាំ។ លោកថា ធនធានមនុស្សនេះហើយដែលជួយជំរុញសេដ្ឋកិច្ច ការទូត និងវិស័យយោធាឱ្យ​រីកចម្រើន, គ្រប់វិស័យទាំងអស់នេះ សុទ្ធសឹងតែកើតចេញពីមូលដ្ឋាននៃការអប់រំ។ ដូច្នេះលោកយល់ថា ការអប់រំមិនគ្រាន់តែដើម្បីបង្រៀន​សិស្ស​ឱ្យ​បញ្ចប់ភូមិសិក្សាប៉ុណ្ណោះទេ តែដើម្បីកសាងយុវជនឱ្យ​ក្លាយជាធនធានមនុស្សដែលមាំទាំ ពូកែ មានផលិតភាពខ្ពស់ វាងវៃ ឆ្លាត រហ័ស លឿន និង​ធ្វើ​កិច្ច​បាន​ប្រសើរ​ទៅលើ​មូលដ្ឋានសេដ្ឋកិច្ច កាទូត និងយោធា។

កសាងអត្តសញ្ញាណ និងផ្នត់គំនិតសម្រាប់យុវជនកម្ពុជា

ដើម្បីសម្រេចគោលដៅនេះ លោកឧកញ៉ាបណ្ឌិត ប៉ិច បូឡែន បានអះអាងថា យើងចាំបាច់ត្រូវ​បណ្តុះផ្នត់គំនិតយុវជន​កម្ពុជា ឱ្យ​ស្គាល់ថា តើ​គាត់ជានរណា? លើសពីពណ៌សម្បុរជាតិសាសន៍ យុវជន​យើង​គួរ​តែមានភាពមាំទាំផ្លូវចិត្ត មានភាពពូកែវ័យឆ្លាត មានចំណេះដឹងបច្ចេកវិទ្យាខ្ពស់ ពូកែស្រាវជ្រាវ មានអត្តចរិតនៃការយកចិត្តទុកដាក់លើការងារ, លោកថា នេះជាអ្វីដែល​អ្នកអប់រំ​គួរ​នាំគ្នាកសាងអត្តសញ្ញាណដល់យុវជនកម្ពុជា ដោយ​លោកជឿថា កម្ពុជាមានអត្តសញ្ញាណបែបនេះ​រាប់ពាន់ឆ្នាំមកហើយ ប៉ុន្តែនៅពេល​ដែល​កាលៈទេសៈនយោបាយផ្លាស់ប្តូរជាបន្តបន្ទាប់ ពេលខ្លះ​យើង​មិនដឹងថា ខ្លួន​យើងជានរណា? ដូច្នេះ យើងគួរ​តែយកអត្តសញ្ញាណ​នេះត្រឡប់មកវិញ។

យ៉ាងណាក៏ដោយ ដើម្បីកសាងផ្នត់គំនិតនេះ បើតាម​ប្រសាសន៍របស់​លោកឧកញ៉ាបណ្ឌិត ប៉ិច បូឡែន បណ្ដាញសាលារៀនវេស្ទឡាញ បាននិងកំពុង​រៀបចំប្រព័ន្ធអប់រំផ្ទាល់ខ្លួនមួយ ដោយបញ្ចូលកម្មវិធីសិក្សាជាតិ និងកម្មវិធី​សិក្សា​អន្តរជាតិរួមគ្នា។ ប្រព័ន្ធនេះមានគោលបំណងកសាងមុខមាត់ថ្មីរបស់កម្ពុជាតាមរយៈការអភិវឌ្ឍកុមារជំនាន់ក្រោយ ដែលមានភាពជាម្ចាស់ការ និងមានទំនួលខុសត្រូវខ្ពស់ ចាប់តាំងពីវ័យកុមាររហូតដល់ពេញវ័យ។

យុទ្ធសាស្ត្រថ្មីក្នុងការអប់រំ និងការបណ្ដុះបណ្ដាល

លោកឧកញ៉ាបណ្ឌិត ប៉ិច បូឡែន បានលើកឡើងថា បណ្តាញ​សាលា​រៀន​វេសឡាញ បានត្រៀម​ខ្លួន​ដើម្បី​ដើរតាមគន្លងអប់រំថ្មី ដែល​នឹង​ដាក់ចេញ​ដោយ​ក្រសួងអប់រំក្នុងពេលខាងមុខនេះ មានគន្លងវិទ្យាសាស្រ្ត គន្លងវិទ្យាសាស្រ្ត​សង្គម និងគន្លង​វិជ្ជាជីវៈ។ ក្នុងនោះ​សិស្សពីថ្នាក់ទី៧ ដល់ទី៩ សាលា​នឹង​ធ្វើ​ការ​កំណត់នូវទេពកោសល្យ និង​ចំណេះដឹងរបស់​ពួកគេ​ឱ្យ​ច្បាស់ ហើយ​អាច​នឹង​មានការបំបែកកម្រិតថ្នាក់ជាបីគន្លង​នៅពេល​ពួកគេ​ឡើង​ដល់ថ្នាក់ទី១០ ដែលមានវិទ្យាសាស្រ្ត​ពិត ​វិទ្យាសាស្រ្តសង្គម និងគន្លងបណ្តុះបណ្តាលវិជ្ជាជីវៈ ដែលក្រសួងអប់រំ និងក្រសួងការងារបានរៀបចំឡើង។ “ប្រសិន​បើ​សិស្ស​មានទេពកោសល្យ បំណិនជំនាញ ដោយសារគាត់ទន្ទេញមេរៀនពិបាកចាំ តែគាត់ពូកែធ្វើ ដូច្នេះពេលហ្នឹងអាចនឹងមានកម្រិតវិទ្យាល័យ​បែបបណ្តុះបណ្តាលបច្ចេកទេស នៅ​ក្នុងកម្រិតណាមួយ…”។

ជាមួយ​គ្នា​ដើម្បីអភិវឌ្ឍសិស្ស​ឱ្យ​ទទួលបានជោគជ័យ សាលាក៏​​នឹងពិនិត្យ​​មើលសិស្ស​ចាប់តាំងពីថ្នាក់បឋមសិក្សា​ទៅ ដោយ​បណ្តាញ​សាលា​រៀនវេសឡាញន៍ បាន​អនុវត្ត​ចាប់តាំងពីឆ្នាំ២០២៥តទៅ ក្នុង​ន័យជួយ​សិស្សឱ្យទទួលបាននិទ្ទេស​ល្អ​ក្នុង​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ពោល​គឺ​សិស្សនៃបណ្តាញ​សាលា​រៀនវេសឡាញ ពួកគេ​នឹងទទួល​បានកម្រិតនិទ្ទេស C ឡើង ជាមួយ​ជំនាញភាសាអង់គ្លេសស្ទាត់ជំនាញ ចេះភាសាចិនប្រើប្រាស់បាន និងមានចំណេះដឹងបច្ចេកវិទ្យា។

ហេតុនេះហើយ នៅ​ក្នុង​កំណែទម្រង់​កម្មវិធី​សិក្សា​របស់បណ្តាញ​សាលា​រៀនវេសឡាញន៍បច្ចុប្បន្ន គឺមាន​ការ​ដាក់បញ្ចូល​ភាសាចិន​តាំងពីថ្នាក់មត្តេយ្យ ហើយ​ក៏​មាន​ការ​ចាប់ផ្តើម​ជា​បណ្តើរៗ​នូវ​ប្រព័ន្ធអប់រំ​ចំណេះទូទៅ ៣ភាសា មាន​ភាសាខ្មែរ អង់គ្លេស និងចិន, ហើយ​ដើម្បីបំពេញ​នូវ​បំណិនជំនាញ​មួយ​ដែលសិស្ស​ត្រូវការសម្រាប់ជីវិតរបស់ពួកគេនៅថ្ងៃអនាគត ទាំងការសិក្សា និង​ការងារ យើងបានដាក់បន្ថែម​នូវ​កម្មវិធីអន្តរជាតិចំនួន៣ជាគោលរួមមានចំណេះដឹងហិរញ្ញវត្ថុ ភាពជាអ្នកដឹកនាំ និងបច្ចេកវិទ្យា។

“យើងជំរុញ​ភាសាអង់គ្លេស​ឱ្យ​ល្អបំផុត ដើម្បីគាត់អាចទៅរៀននៅក្រៅប្រទេស​ក៏បាន ហើយ​ក្នុងនោះ​យើង​ក៏​ត្រៀម​លក្ខណៈ​ក្នុងការ​បង្រៀនមុខវិជ្ជាគណិតវិទ្យា និង​វិទ្យាសាស្រ្ត​ជាភាសាអង់គ្លេសបន្ថែម ដើម្បី​ឱ្យ​សិស្ស​អាច​ត្រៀម​លក្ខណៈ​ទៅ​រៀន​នៅ​ក្រៅប្រទេស​បាន…”

យ៉ាងណាក៏ដោយ តាមរយៈកំណែទម្រង់នេះ លោកឧកញ៉ា ប៉ិច បូឡែន ជឿជាក់ថា នឹងធ្វើ​យុវជនកម្ពុជា​ជំនាន់ក្រោយ​ពូកែ ឆ្លាតវៃ មានចំណេះដឹងអាច​ប្រកួតប្រជែងជាមួយបរទេសបាន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

RUPP ប្រកាសជ្រើសរើសនិស្សិតចូលរួមវគ្គបណ្ដុះបណ្ដាល ស្ត្រីក្នុងបរិបទឌីជីថល និងសហគ្រិនភាព សម្រាប់និស្សិតនារី

ព័ត៌មានអាហារូបករណ៍, ព្រឹត្តិការណ៍

• 16/06/2025

សាកលវិទ្យាល័យភូមិភ្នំពេញ ប្រកាសជ្រើសរើស សិស្ស និស្សិត ឱ្យ​ចូលសិក្សាវគ្គបណ្ដុះបណ្ដាល «ស្ត្រីក្នុងបរិបទឌីជីថល និងសហគ្រិនភាព» សម្រាប់និស្សិតនារី។ កម្មវិធីបណ្ដុះបណ្ដាលត្រូវបានរៀបចំដោយសាកលវិទ្យាល័យភូមិន្ទភ្នំពេញ

ឱកាសសម្រាប់យុវតីកម្ពុជា អាហារូបករណ៍ SHE-CAN ផ្តើម​ទទួលពាក្យឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/07/2026

អាហារូបករណ៍ពេញថ្លៃសម្រាប់យុវតីកម្ពុជា សិក្សាថ្នាក់បរិញ្ញាបត្រនៅអាមេរិក ឆ្នាំសិក្សា២០២៦-២០២៧

ឱកាសសិក្សា​អាហារូបករណ៍​ថ្នាក់បរិញ្ញាបត្រ​៣០កន្លែងនៅសាកលវិទ្យាល័យ​សៅសអ៉ីសថ៍អេយសៀខេត្តសៀមរាប ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 04/12/2023

កម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិប្រកាសផ្ដល់អាហារូបករណ៍ដល់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យ សៅសអ៉ីសថ៍...

បណ្ឌិត្យសភានគរបាលកម្ពុជា ជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់វិទ្យាសាស្ត្រនគរបាល ជំនាន់ទី១៣

ព័ត៌មានអាហារូបករណ៍, ព្រឹត្តិការណ៍

• 10/03/2025

បណ្ឌិតសភានគរបាលកម្ពុជា នៃក្រសួងមហាផ្ទៃ ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ វិទ្យាសាស្ត្រនគរបាល ជំនាន់ទី១៣ សិក្សារយៈពេល២ឆ្នាំ។ ការសិក្សាផ្ដោតលើជំនាញចំនួន២ គឺ ជំនាញស៊ើបអង្កេតព្រហ្មទណ្ឌ ជំនាញគ្រប់គ្រង...

អាហារូបករណ៍សាច់ប្រាក់ ពីកម្មវិធីអាហារូបករណ៍សិល្បៈអមតៈ​អាន ចនផន ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 29/03/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។

អាហារូបករណ៍ថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិត​នៅសាធារណរដ្ឋប្រជាមានិតចិន ក្រោម​កម្មវិធី MOFCOM

ព័ត៌មានអាហារូបករណ៍, ព្រឹត្តិការណ៍

• 06/05/2024

សម្រាប់ឆ្នាំ​២០២៤នេះ ​កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍​ជាច្រើន​កន្លែង​សម្រាប់​ថ្នាក់បរិញ្ញាបត្រ​ជាន់ខ្ពស់ សិក្សា​រយៈពេល១-២ឆ្នាំ និង​ថ្នាក់បណ្ឌិត សិក្សា​រយៈពេល៣ឆ្នាំ...

សាកលវិទ្យាល័យបូណាម៉ារី ផ្តល់អាហារូបករណ៍១០០% សម្រាប់ថ្នាក់បរិញ្ញាបត្រ ដល់​កូនៗ​របស់​វីរកងទ័ពពលី និង​ពិការ

ព័ត៌មានអាហារូបករណ៍, ព្រឹត្តិការណ៍

• 22/08/2025

ដើម្បី​ចូលរួម​ចំណែក​ជាមួយ​រាជរដ្ឋាភិបាល​កម្ពុជា​ក្នុងការ​អភិវឌ្ឍធនធាន​មនុស្ស និង​ដើម្បី​ចូលរួម​សម្រាល​បន្ទុក​ហិរញ្ញវត្ថុ​ក្នុង​គ្រួសារ​វីរកងទ័ព សាកលវិទ្យាល័យ​បូណាម៉ារី (BMU) បានប្រកាស​ថា សាកលវិទ្យាល័យនឹង​ផ្តល់អាហារូបករណ៍ ១០០%



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *