ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រ៉ូបូតចំនួន១៤ដែលជាប់ជើងឯងនៅក្នុងប្រទេសរបស់ខ្លួននីមួយៗ បានដឹកជញ្ជូនតាមជើងយន្តហោះមកកាន់ប្រទេសកម្ពុជាហើយ ដើម្បីចូលរួមប្រកួតប្រជែងរ៉ូបូតថ្នាក់អន្តរជាតិ ABU Robocon 2023 ដែលកម្ពុជាធ្វើជាម្ចាស់ផ្ទះ នៅចុងខែសីហានេះ។
ព្រឹត្តិការណ៍ ABU Robocon 2023 ជាកម្មវិធីប្រកួតរ៉ូបូតក្របខណ្ឌនិស្សិតធំជាងគេនៅតំបន់អាស៊ីប៉ាស៊ីភិក នឹងប្រារព្ធធ្វើនៅថ្ងៃទី២៧ ខែសីហា ឆ្នាំ២០២៣ ឯពហុកីឡដ្ឋានជាតិមរតកតេជោ ដោយមានរ៉ូបូតពី១៣ប្រទេសចូលរួម ក្នុងនោះក៏មានក្រុមកម្ពុជាចំនួន២ក្រុមផងដែរ ដែលបានជ្រើសរើសចេញពីការប្រកួតរ៉ូបូតថ្នាក់ជាតិកាលពីពាក់កណ្តាលខែមិថុនា គឺក្រុម NPIC02 មកពីវិទ្យាស្ថានជាតិពហុបច្ចេកទេសកម្ពុជា និងក្រុម ITC02 មកពីវិទ្យាស្ថានបច្ចេកវិទ្យាកម្ពុជា។
គួរបញ្ជាក់ថា កម្មវិធីប្រកួតប្រជែងរ៉ូបូត ABU Robocon បានបង្កើតឡើងតាំងពីឆ្នាំ២០០២ ក្នុងគោលបំណងផ្តល់ឱកាសឱ្យយុវជនបង្ហាញពីជំនាញបង្កើតមនុស្សយន្តលើឆាកអន្ដរជាតិ ដើម្បីជួយជំរុញវិស័យវិស្វកម្ម និងបច្ចេកវិទ្យានៅក្នុងតំបន់ ក៏ដូចជាការបង្កើតមិត្តភាព។
ដោយឡែកសម្រាប់ការប្រកួតនៅកម្ពុជា តាមការគ្រោងទុក គណៈប្រតិភូនឹងអញ្ជើញចូលរួមមុនរយៈពេល៤ថ្ងៃ ព្រោះមុនការប្រកួតផ្តាច់ព្រាត់ តម្រូវឱ្យក្រុមរ៉ូបូតទាំងអស់ធ្វើតេស្តសាកល្បង ដើម្បីជ្រើសរើសពូល។ ក្រៅពីនេះ ក៏មានដំណើរទស្សនកិច្ចវប្បធម៌ រយៈពេល១ថ្ងៃផងដែរ៕
