នាយកសាលា TVET ៖ យុវជន​ដែល​ទទួលការបណ្តុះបណ្តាលជំនាញវិជ្ជាជីវៈ ១,៥លាននាក់ ផ្តើមចុះកម្មសិក្សា​នៅ​តាម​ក្រុមហ៊ុន ដើម្បីពង្រឹងសមត្ថភាព

ក្រោយ​ពី​សិក្សា​ជំនាញ​វិជ្ជាជីវៈ និង​បច្ចេកទេស​​អស់រយៈពេល​ជាង​៣ខែរួចមក ពេលនេះ​យុវជន​ដែល​ចូលរួម​ក្នុង​កម្មវិធី​បណ្តុះបណ្តាលជំនាញវិជ្ជាជីវៈ ១,៥លាននាក់ វគ្គទី១ របស់រាជរដ្ឋាភិបាល បានផ្តើម​ចុះ​កម្មសិក្សា​​នៅ​តាម​ក្រុមហ៊ុនឯកជនផ្សេងៗ ដើម្បីពង្រឹងសមត្ថភាពលើ​ការ​អនុវត្តផ្ទាល់ ផ្សារ​ភ្ជាប់​ជាមួយ​ការ​សិក្សា​ទ្រឹស្តី​នៅ​ក្នុងថ្នាក់រៀន។

លោក យ៉ោក សុទ្ធី នាយកវិទ្យាស្ថានជាតិបណ្តុះបណ្តាល​បច្ចេកទេស នៃក្រសួងការងារ និង​បណ្តុះបណ្តាលវិជ្ជាជីវៈ មានប្រសាសន៍ថា សិក្ខា​កាម​ដែល​កំពុង​សិក្សា​ក្នុង​កម្មវិធីបណ្តុះបណ្តាល​ជំនាញវិជ្ជាជីវៈ ១,៥លាននាក់ ត្រូវ​បាន​បញ្ជូន​ចុះ​កម្មសិក្សា​នៅ​តាម​ក្រុមហ៊ុនឯកជន និង​ការ​ដ្ឋាន​ជា​បណ្តើរៗហើយ ដោយ​លោកបញ្ជាក់ថា ការ​ចុះ​កម្មសិក្សា គឺមាន​សារ​សំខាន់​ណាស់សម្រាប់​សិក្ខាកាម​ដែលសិក្សា​ជំនាញវិជ្ជាជីវៈ និង​បច្ចេកទេស ពីព្រោះ​ការ​ចុះ​កម្មសិក្សា គឺជា​ការ​ផ្សារភ្ជាប់​ទៅនឹង​មេរៀនដែលបានសិក្សា​នៅក្នុងថ្នាក់ ហើយ​កម្មសិក្សា​ក៏​ជាផ្នែកមួយ​​លើ​ការ​ពង្រឹង​បន្ថែម​ពី​លើ​ការ​អនុវត្ត​នៅ​រោងជាង​ដែលមាន​ស្រាប់​នៅ​ក្នុងវិទ្យាស្ថានផងដែរ។

លោក យ៉ោក សុទ្ធី នាយកវិទ្យាស្ថានជាតិបណ្តុះបណ្តាល​បច្ចេកទេស

បើតាម​លោកនាយកវិទ្យាស្ថាន ការ​ចុះកម្មសិក្សា​នេះ សិក្ខា​កាម​ទទួលបាន​នូវ​ឱកាស​សំខាន់ចំនួន៣ គឺ ទី១ សិក្ខា​កាម​អាច​ពិនិត្យ​បរិស្ថានការងារ​នៅ​ជុំវិញ​ខ្លួន​ដែលជា​ក្រុមហ៊ុន​ឯកជន, ទី២ សិក្ខាកាម​អាច​ហាត់​ផ្ទាល់​ជាមួយ​ក្រុមហ៊ុន​ឯកជន និង​ ទី៣ សិក្ខាកាម​មាន​ឱកាស​ជ្រើសរើស​ធ្វើការ​នៅក្រុមហ៊ុន​ឯកជននោះ​តែម្តង​បន្ទាប់ពី​ហាត់ការរួច។

ដោយឡែកលោក ជិន តារ៉ា នាយកវិទ្យាស្ថាន​បច្ចេកទេស​ឧស្សាហកម្ម នៃក្រសួងការងារ និង​បណ្តុះបណ្តាលវិជ្ជាជីវៈ ក៏​បានលើកឡើងដែរថា សម្រាប់វិទ្យាស្ថានរបស់លោក​ ក៏​បានបញ្ជូនសិក្ខាកាម​ចុះ​ទៅ​ធ្វើកម្មសិក្សា​នៅ​តាម​ក្រុមហ៊ុន​ដូចគ្នា​ដែរ ក្រោយ​ពីធ្វើការ​បណ្តុះបណ្តាល​អស់​រយៈពេល​ប្រមាណជាង៣ខែមកនេះ ។ លោក ជិន តារ៉ា មានប្រសាសន៍ថា ការចុះកម្មសិក្សាពិតជាមានសារសំខាន់ណាស់សម្រាប់សិក្ខាកាមសិក្សាជំនាញ ហើយវាក៏ជាឱកាសសិក្សាមួយសំខាន់បន្ថែមពីលើការអនុវត្តដែលមានស្រាប់នៅក្នុងថ្នាក់។

លោក ជិន តារ៉ា នាយកវិទ្យាស្ថាន​បច្ចេកទេស​ឧស្សាហកម្ម

នាយកវិទ្យាស្ថានបច្ចេកទេសឧស្សាហកម្មបន្ថែមថា ក្រុមហ៊ុនឯកជននឹងធ្វើការជ្រើសរើសសិក្ខាកាមចុះកម្មសិក្សាទាំងឡាយណាដែលមានឥរិយាបទការងារល្អអំឡុងពេលហាត់ការ ចូលធ្វើការជាបុគ្គលិកក្រុមហ៊ុននោះពេញសិទ្ធិផងដែរ។ ដូច្នេះសិក្ខាកាមដែលចុះកម្មសិក្សាត្រូវតែធ្វើយ៉ាងណាខិតខំយកចិត្តទុកដាក់រៀនសូត្រ ដើម្បីទាក់ចិត្តក្រុមហ៊ុនឯកជននោះ។

គួរ​បញ្ជាក់ថា កម្មវិធីបណ្តុះបណ្តាលជំនាញវិជ្ជាជីវៈ និង​បច្ចេកទេស​ដល់យុវជន​មក​ពី​គ្រួសារក្រីក្រ និង​គ្រួសារងាយរងហានិភ័យ ១,៥លាននាក់ បានបើកបវេសនកាល​វគ្គទី១ កាលពីថ្ងៃទី១៥ ខែមករា ឆ្នាំ​២០២៤ ក្រោយ​ពីប្រកាស​ដាក់​ឱ្យ​ដំណើរការ​ ដោយ​សម្តេចធិបតី ហ៊ុន ម៉ាណែត នាយករដ្ឋមន្រ្តី កាលពីថ្ងៃទី១៤ វិច្ឆិកា ឆ្នាំ២០២៣ ។ កម្មវិធីនេះ មានចក្ខុវិស័យក្នុងការផ្តល់​នូវ​ជំនាញ​ប្រចាំជីវិត​ពិតប្រាកដ​ដល់យុវជន​មក​ពី​គ្រួសារក្រីក្រ និង​គ្រួសារ​ងាយរងហានិភ័យ ដើម្បី​ទទួលបាន​ឱកាស​ការងារ និង​បង្កើត​ការងារ​ដោយ​ខ្លួន​ឯង​ប្រកបដោយ​ភាពម្ចាស់ការ មានគុណភាព និង​ផលិតភាពខ្ពស់ សម្រាប់ផ្គត់ផ្គង់ និង​ឆ្លើយតប​បាន​តាម​តម្រូវការ​ទីផ្សារការងារ ។ ជារួម​កម្មវិធីនេះ នឹងលើក​កម្ពស់កម្រិតជីវភាពរស់នៅ​របស់គ្រួសារ នៃយុវជន​គោលដៅ​ឱ្យ​បានល្អប្រសើរ និង​ចាកផុតពីបន្ទាត់ នៃភាពក្រីក្រ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន៦៥៥នាក់

ព័ត៌មានអាហារូបករណ៍, ព្រឹត្តិការណ៍

• 24/01/2025

ឱកាសសិក្សាជំនាញបច្ចេកទេស និងវិជ្ជាជីវៈចំនួន៦៥៥កន្លែង នៅវិទ្យាស្ថានពហុបច្ចេកទេសកំពង់ឆ្នាំង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាជំនាញថ្នាក់សញ្ញាបត្រជាន់ខ្ពស់បច្ចេកទស (បរិញ្ញាបត្ររង)...

ឱកាសសិក្សាអាហារូបករណ៍១០០% លើជំនាញបច្ចេកវិទ្យានៅថ្នាក់បណ្ដុះបណ្ដាលបច្ចេកវិទ្យា អាន-ANT

ព័ត៌មានអាហារូបករណ៍, ព្រឹត្តិការណ៍

• 21/12/2023

ថ្នាក់បណ្ដុះបណ្ដាលបច្ចេកវិទ្យាអាន-ANT ប្រកាសផ្ដល់អាហារូបករណ៍សិក្សាជំនាញបច្ចេកវិទ្យាវគ្គខ្លីចំនួន៧៥កន្លែ។ ការសិក្សាមានរយៈពេល១១ខែ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Sydney ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 01/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Sydney នៃប្រទេសអូស្ដ្រាលីឆ្នាំសិក្សា២០២៣ ។ការសិក្សាផ្ដល់ដោយកម្មវិធី...

មជ្ឈមណ្ឌលបុប្ផាណា រើសសិស្សអាហារូបករណ៍ ១២នាក់ លើជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ

ព័ត៌មានអាហារូបករណ៍, ព្រឹត្តិការណ៍

• 23/01/2026

មជ្ឈមណ្ឌលធនធានសោតទស្សន៍បុប្ផាណា (Bophana Center) បានប្រកាសទទួលពាក្យសុំចូលរៀនវគ្គបណ្តុះបណ្តាលផ្នែក «ផលិតភាពយន្តឯកសារ និងពហុប្រព័ន្ធផ្សព្វផ្សាយ» សម្រាប់ឆ្នាំសិក្សា ២០២៦-២០២៧...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

វិទ្យាស្ថានពហុបច្ចេកទេសខេត្តបន្ទាយមានជ័យ ជ្រើសរើសយុវជនចូលរៀនជំនាញ​ឥតគិតថ្លៃចំនួន ១២៦០នាក់

ព័ត៌មានអាហារូបករណ៍, ព្រឹត្តិការណ៍

• 22/08/2024

ជាឱកាសសម្រាប់​បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុក​ដែល​មក​ពី​គ្រួសារ​ក្រីក្រ គ្រួសារ​ងាយរងហានិភ័យ គ្រួសារ​ដែល​មានបណ្ណសម្គាល់ជនមានពិការភាព មានបណ្ណមូលនិធិសមធម៌សុខាភិបាល...

ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 12/11/2025

វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបរកណ៍ Tech Girls សម្រាប់សិស្សវិទ្យាល័យឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសផ្លាស់ប្ដូរការសិក្សារយៈពេលខ្លីពីកម្មវិធីអាហារូបករណ៍TechGirlsនៅសហរដ្ឋអាមេរិកឆ្នាំសិក្សា២០២៤ សម្រាប់ក្មេងស្រីដែលកំពុងសិក្សានៅថ្នាក់វិទ្យាល័យ...

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី ផ្តល់​ការ​សិក្សា​ជំនាញ១១ ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី បានប្រកាស​ផ្តល់​ការ​សិក្សា​ជំនាញ​ចំនួន១១ ដោយ​ឥតគិតថ្លៃ ដល់យុវជន​មក​ពី​គ្រួសារ​ក្រីក្រ និងគ្រួសារ​ងាយ​រង​ហានិភ័យ​ ក៏​ដូចជា​កម្មករ​និយោជិក​ក្រៅ​ប្រព័ន្ធ។