ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំអាម៉េរិក បានប្រកាសកាលពីថ្ងៃចន្ទថា ក្រសួងកំពុងចាប់ផ្ដើមប្រមូលប្រាក់កម្ចីរបស់និស្សិតសហព័ន្ធ ដែលសងមិនទាន់អស់ឡើងវិញ ហើយការប្រមូលប្រាក់កម្ចីនេះ នឹងធ្វើឡើង បើទោះជាមិនមានការស្ម័គ្រចិត្ត ពីអ្នកខ្ចីក៏ដោយ, នេះបើយោងតាមសារព័ត៌មាន NBC ។
ការបង់ប្រាក់សងត្រឡប់ត្រូវបានផ្អាកនៅអំឡុងពេលការកាន់ដំណែកជាប្រធានាធិបតីក្នុងអាណត្តិទី១ របស់លោក ដូណាល់ ត្រាំ ក្នុងឆ្នាំ២០២០ ជាការឆ្លើយតបទៅនឹងជំងឺរាតត្បាតកូវីដ-១៩។
ក្រសួងអប់រំអាម៉េរិកបានបញ្ជាក់នៅក្នុងសេចក្ដីថ្លែងការណ៍ថា «ចាប់ពីថ្ងៃទី៥ ខែឧសភា ក្រសួងនឹងចាប់ផ្ដើមការប្រមូលប្រាក់ជំពាក់ដោយមិនស្ម័គ្រ តាមរយៈកម្មវិធីទូទាត់សងរបស់ក្រសួងរតនាគារ ដែលមិនព្រមបង់ប្រាក់ឱ្យរដ្ឋាភិបាល រួមទាំង ការបង្វិលសងពន្ធ ប្រាក់ខែសហព័ន្ធ និងអត្ថប្រយោជន៍ផ្សេងទៀតជាច្រើន រាប់ចាប់ពី អ្នកដែលមានបំណុលហួសកាលកំណត់ រហូតដល់រដ្ឋាភិបាល»។ សេចក្ដីប្រកាសបន្ថែមថា ការបង់ប្រាក់ប្រចាំខែ នឹងត្រូវរៀបចំឡើង បន្ទាប់ពីការព្រមានរយៈពេល ៣០ថ្ងៃ។
បច្ចុប្បន្ន អ្នកខ្ចីប្រមាណ ៥,៣ លាននាក់ កំពុងស្ថិតក្នុងបញ្ជីខកខានសងប្រាក់កម្ចីនិស្សិតសហព័ន្ធនេះ បើទោះបីជាក្រសួងបានបញ្ជាក់ថា ចំនួនអ្នកខ្ចីអាចកើនដល់ ១០លាននាក់ ក្នុងរយៈពេល ២ ទៅ៣ខែក៏ដោយ។ ក្រសួងអប់រំ បានបង្ហាញនៅក្នុងសេចក្ដីថ្លែងការណ៍ថា ការទូទាត់សងនឹងត្រូវគ្រប់គ្រងដោយក្រសួងរតនាគារសហរដ្ឋអាម៉េរិក ហើយអ្នកខ្ចីដែលមានឈ្មោះត្រូវសងត្រឡប់ទាំងអស់ នឹងទទួលបានការជូនដំណឹងក្នុងរយៈពេល ២សប្ដាហ៍ខាងមុខ។
រដ្ឋបាលរបស់ប្រធានាធិបតី Joe Biden បានបន្តផ្អាកការសងប្រាក់ ក្រោមការសន្យានៃយុទ្ធនាការ ដើម្បីបន្ធូរបន្ថយបំណុលនិស្សិត ប៉ុន្តែតុលាកំពូលរបស់សហរដ្ឋអាម៉េរិកបានសម្រេចនៅឆ្នាំ២០២៣ ថា ផែនការរបស់គាត់ មិនមានក្នុងរដ្ឋធម្មនុញ្ញនោះទេ ព្រោះផែនការនេះមិនស្ថិតនៅក្រោមការយល់ព្រមពីសភា៕
