ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សភាតំណាងរាស្ត្រម៉ាឡេស៊ី កាលពីសប្ដាហ៍មុន បានអនុម័តច្បាប់ប្រឆាំងនឹងការប៊ូលីឆ្នាំ២០២៥ ដែលមានគោលបំណងពង្រឹងសុវត្ថិភាពនៅក្នុងសាលារៀន ខណៈច្បាប់នេះមានសំឡេងគាំទ្រយ៉ាងច្រើន។
ច្បាប់ដែលបានស្នើឡើង មាន៥៤ប្រការ ដើម្បីទប់ស្កាត់ និងគ្រប់គ្រងការធ្វើបាប នៅក្នុងស្ថាប័នអប់រំ បង្កើតតុលាការប្រឆាំងនឹងការប៊ូលី និងផ្ដល់វិធានការពាក់ព័ន្ធ ដើម្បីដោះស្រាយបញ្ហានេះ។
រដ្ឋមន្ត្រីនៅក្នុងនាយកដ្ឋាននាយករដ្ឋមន្ត្រី (ច្បាប់ និងកំណែទម្រង់ស្ថាប័ន) ជាអ្នកដាក់ច្បាប់នេះឡើង, លោកស្រី Azalina Othman Said នឹងចាប់ផ្ដើមកិច្ចការនេះ តាមរយៈការដោះស្រាយករណីប៊ូលី អ្នកមានអាយុក្រោម ១៨ឆ្នាំ។
ច្បាប់នេះ បានកំណត់ឱ្យមានសំណង ២៥០,០០០ រីងហ្គីត (៦០,៧០០ ដុល្លារអាមេរិក) សម្រាប់ជនរងគ្រោះ។
លោកស្រី Azalina បានលើកឡើងថា ជាមធ្យមមានករណីប៊ូលីអ្នកដទៃជាង ១៤,០០០ ករណី ត្រូវបានរាយការណ៍ជារៀងរាល់ឆ្នាំនៅក្នុងសាលាបឋមសិក្សា និងមធ្យមសិក្សាម៉ាឡេស៊ី ចាប់តាំងពីឆ្នាំ២០១៩។
លោកស្រីបន្ថែមថា តួលេខដែលទទួលបានពីប្រព័ន្ធ Education Ministry’s Student Personality System បញ្ជាក់ថា សាលារៀន គឺជាទីតាំងចម្បង សម្រាប់ការប៊ូលី ហើយកុមារ គឺជាក្រុមដែលងាយរងគ្រោះបំផុត។
មន្ត្រីរូបនេះ លើកឡើងថា ចន្លោះពីខែសីហា ដល់ខែតុលា ឆ្នាំនេះ ប៉ូលីសបានកត់ត្រាករណីប៊ូលីចំនួន ១៦០ ករណី ដែលក្នុងនោះ មានទាំងការប៊ូលីលើរាងកាយ និងតាមអ៊ីនធឺណិត ដោយ ៧៨ភាគរយ នៃជនរងគ្រោះ មានអាយុចន្លោះពី ៦ ទៅ១៧ឆ្នាំ៕
