ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំឧត្តមសិក្សាម៉ាឡេស៊ី (MOHE) បានបង្ហាញអ្នកប្រឹក្សាផ្លូវចិត្តនិម្មិត ដែលមានសមត្ថភាពធ្វើអន្តរកម្មជាមួយបុគ្គល ដែលកំពុងប្រឈមមុខនឹងបញ្ហាផ្លូវចិត្ត ដោយឧបករណ៍នេះ មានឈ្មោះថា AI Menyantuni Insan (AIMI) ។
AIMI ត្រូវបានដាក់ដំណើរការជាលើកដំបូង នៅក្នុងកម្មវិធី Perak Madani Rakyat Program 2025 ដែលធ្វើឡើងនៅ Lumut Waterfront រដ្ឋ Perak សប្ដាហ៍មុន។
អគ្គនាយកដ្ឋានឧត្តមសិក្សា អ្នកស្រី Datuk Dr Azlinda Azman បាននិយាយថា AIMI ត្រូវបានបង្កើតឡើង ដើម្បីគាំទ្រដល់ប្រព័ន្ធថែទាំសុខភាព ក្នុងគោលដៅដោះស្រាយបញ្ហាសុខភាពផ្លូវចិត្ត ជាពិសេសក្នុងចំណោមនិស្សិតកំពុងសិក្សានៅក្នុងគ្រឹះស្ថានឧត្តមសិក្សា។ យ៉ាងណាក៏ដោយ ជំនួយការនិម្មិតនេះ នៅតែស្ថិតក្នុងដំណាក់កាលសាកល្បងនៅឡើយ។
ការបង្ហាញ AIMI ត្រូវបានចាត់ទុកថា ជាវិធីសាស្ត្រប្រកបដោយភាពច្នៃប្រឌិតរបស់ប្រទេសម៉ាឡេស៊ីក្នុងការដោះស្រាយភាពតានតឹង ការថប់បារម្ភ និងការធ្លាក់ទឹកចិត្តក្នុងចំណោមសិស្សដែលកំពុងទទួលការអប់រំកម្រិតឧត្តមសិក្សា។
បច្ចុប្បន្ន មានមនុស្សបីលាននាក់ នៅក្នុងប្រទេសម៉ាឡេស៊ីកំពុងទទួលរងបញ្ហាផ្លូវចិត្ត ប៉ុន្តែវាមានអ្នកប្រឹក្សាយោបល់ ដែលមានការទទួលស្គាល់ ត្រឹមតែ ១៨,០០០ នាក់ប៉ុណ្ណោះ។
លោកស្រីបានសង្កត់ធ្ងន់ថា នៅពេលដែលនរណាម្នាក់កំពុងជួបប្រទះភាពតានតឹង ការថប់បារម្ភ ឬជំងឺធ្លាក់ទឹកចិត្ត AIMI ដែលដើរតួជាមនុស្សស្រី មានសមត្ថភាពនិយាយទាំងភាសាម៉ាឡេ និងអង់គ្លេស អាចជួយសម្រួលដល់ការបញ្ចេញអារម្មណ៍របស់អ្នកកំពុងមានបញ្ហាផ្លូវចិត្ត តាមរយៈការប្រាស្រ័យទាក់ទង និងអន្តរកម្មតាមរយៈ AI ដែលបានបង្កើតឡើង។
នៅក្នុងកម្មវិធី Perak PMR ឆ្នាំ២០២៥, MOHE បានបង្ហាញគម្រូ AIMI ដល់សាធារណៈជនសម្រាប់ការធ្វើតេស្ត និងដើម្បីប្រមូលមតិកែលម្អលើតម្រូវការ ឬលក្ខណៈពិសេសមួយ ដែលត្រូវកែលម្អ មុនពេលដាក់ដំណើរការជាផ្លូវការនៅក្នុងវិចិ្ឆកា ខាងមុខនេះ៕
