ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
IELTS ជាការតេស្តសមត្ថភាពភាសាអង់គ្លេសដើម្បីយកទៅប្រើប្រាស់បានដូចជា ការស្នើពាក្យអាហារូបករណ៍ទៅសិក្សា សុំទិដ្ឋាការសិក្សា ឬរស់នៅក្រៅប្រទេស និងការប្រើប្រាស់ចាំបាច់មួយចំនួនទៀត ។ លោក Luyen Quang Kien ជាបុរសជនជាតិវៀតណាមដំបូងគេបង្អស់ដែលធ្វើតេស្ត IELTS ទទួលបានលំដាប់ពិន្ទុ ៩.០ និងបានធ្វើការចែករំលែកទៅកាន់សារព័ត៌មាន Vietnam Express International និង សារព័ត៌មាន Thanh Nien អំពីបទពិសោធន៍សិក្សាមុនប្រលងIELTS ។
លោក Luyen Quang Kien ជាគ្រូបង្រៀនភាសាអង់គ្លេស លោកបានធ្វើតេស្ត IELTS លើកទី១នៅឆ្នាំ២០១៤ ដើម្បីបំពេញប្រវត្តិរូបការងារដោយទទួលបានលទ្ធផល ៧.៥ ហើយក៏ជាពេលដែលលោកផ្លាស់ប្ដូរពីការបង្រៀនទំនាក់ទំនងភាសាអង់គ្លេស ទៅជាការត្រៀមប្រឡងសញ្ញាបត្រអន្តរជាតិវិញនៅឆ្នាំ២០១៧ ។ ដោយឡែកថ្មីៗនេះ លោក Luyen Quang Kien ទើបតែទទួលបានលទ្ធផលតេស្តIELTS ៩.០ ដែលខ្ពស់ជាងគេក្នុងប្រទេសវៀតណាមរួមមានលទ្ធផល ៩.០ផ្នែកអាន និងសរសេរ, ៨.៥ ផ្នែកស្ដាប់, ៨.៥ផ្នែកនិយាយ ។
បុរសវ័យ ៣១ឆ្នាំរូបនេះបានលើកឡើងនូវគន្លឹះខ្លះៗផ្ទាល់ខ្លួនក្នុងការត្រៀមខ្លួនពេលធ្វើតេស្ត IELTS ដូចខាងក្រោម ៖
+ ជំនាញស្ដាប់ និងអានភាសាអង់គ្លេស ៖ អ្នករៀនត្រៀមអាចរៀនបញ្ចេញសំឡេងតាមរយៈការរៀនពី YouTube តាមការសន្ទនាក្នុងកម្មវិធីទូរទស្សន៍ ព័ត៌មាន ខ្សែរភាពយន្ត ដោយចំណាយពេលពី២០នាទី ទៅ៣០នាទីក្នុងមួយថ្ងៃ ។ លោក Kien បានបន្តថា នៅពេលវាក្យសព្ទ និងការបញ្ចេញសំឡេងត្រូវបានពង្រឹង នោះជំនាញស្ដាប់ក៏ត្រូវបានអភិវឌ្ឍដែរ ។
ចាប់តាំងពីឆ្នាំ២០១៧ ខ្ញុំបានដឹងថា សំនួរក្នុងការប្រលង IELTS មានច្រើនប្រភេទ ព្រោះខ្ញុំបានប្រលង៥ ទៅ១០ដងក្នុងមួយឆ្នាំ ហើយការប្រលងនេះក៏អាចទុកជាបទពិសោធន៍ដើម្បីយកទៅបង្រៀនសិស្សរបស់ខ្ញុំផងដែរ
លោក Luyen Quang Kien
+ ជំនាញក្នុងការនិយាយ ៖ លោក Kien បានអនុវត្តន៍ជំនាញក្នុងការនិយាយរបស់ខ្លួនតាមរយៈការសន្ទនាជាច្រើន ការច្រៀង និងរ៉េបដោយខ្លួនឯងនៅផ្ទះជាភាសាអង់គ្លេសដើម្បីរៀនពីរបៀបកាត់បន្ថយសំឡេងឆ្គង កន្លែងលើកដាក់ និងភាពបត់បែននៃសំឡេងឱ្យដូចសំឡេងធម្មជាតិ ។ ការអនុវត្តន៍និយាយភាសាអង់គ្លេសត្រូវអាន និងប្រើប្រាស់សំឡេកឱ្យបានច្បាស់ និងខ្លាំងៗដើម្បីអាចកំណត់ចំណុចខ្សោយ ឬភាពខ្វះចន្លោះរបស់ខ្លួនឯងបាន ។
+ជំនាញសរសេរ ៖ លោក Kien យល់ថា ការសរសេរត្រូវទាមទារសមត្ថភាពក្នុងការគិតពាក្យបែបតក្កវិជ្ជាដោយសង្កេតលើបញ្ហាចម្រុះ និងសរសេរដោយមានភាពត្រឹមត្រូវ និងមានភាពស្មុគ្រស្មាញ ។ គាត់បន្ថែមថា ក្នុងការធ្វើតេស្តលោកស្ទើរតែប្រើវាក្យសព្ទកម្រិតខ្ពស់ កម្រ ឬប្រយោគវែង និងស្មុគ្រស្មាញ និងផ្ដោតលើការជ្រើសរើសពាក្យ វេយ្យាករណ៍ដែលសង្កត់ន័យធ្ងន់ ។ ជាមួយគ្នានេះ បេក្ខជនប្រឡងត្រូវរៀនពីរបៀបដោះស្រាយបញ្ហានីមួយៗ ដោយផ្នែកទី១ ប្រភេទសំនួរជាមួយទិន្នន័យ លោក Kien ណែនាំឱ្យបេក្ខជនធ្វើការសង្ខេបព័ត៌មាន បន្ថែមទិន្នន័យ ដើម្បីបញ្ជាក់ និងប្រៀបធៀបចំណុចចាំបាច់ និងផ្នែកទី២ ផ្នែកអត្ថបទបេក្ខជនត្រូវដឹងពីរបៀបដកស្រង់ភស្តុតាង និងទាញសេចក្តីសន្និដ្ឋានឱ្យបានជាក់លាក់ ។
លោក Luyen Quang Kien បានបន្ថែមថា គន្លឹះដើម្បីយកឈ្នះពិន្ទុដ៏ល្អឥតខ្ចោះ គឺការអាន និងពីយល់សំណួរ ។ នៅក្នុងផ្នែកនៃការអាន បេក្ខជនមានវិធីសាស្រ្តជាច្រើនដូចជាការអានអត្ថបទទាំងមូលរួចស្វែងរកចម្លើយ ឬ skimming និង scanning (ការស្កែន) ឬអានឱ្យបានច្រើនដង ។ លោក Kien បញ្ជាក់ថា “វិធីសាស្រ្តនីមួយៗមានគុណសម្បត្តិរៀងៗខ្លួន ហើយបេក្ខជនគួរតែអនុវត្តវិធីសាស្រ្តនីមួយៗដើម្បីមើលថា អ្វីដែលត្រូវនឹងចំណូលចិត្តសិក្សារបស់ពួកគេ ៕
