ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យបច្ចេកវិទ្យាស៊ីដនី (UTS) ដ៏ល្បីល្បាញរបស់ប្រទេសអូស្ត្រាលីកំពុងផ្អាកការចូលរៀនវគ្គសិក្សាច្រើនជាង ១០០ រហូតដល់ចុងឆមាសរដូវស្លឹកឈើជ្រុះឆ្នាំ២០២៦ ដែលជាការសម្រេចចិត្តមួយដែលប៉ះពាល់ដល់ផែនការសិក្សានៅបរទេសសម្រាប់និស្សិតទូទាំងពិភពលោក។
ច្រើនជាង ៦០% នៃកម្មវិធីសិក្សា ដែលត្រូវបានផ្អាកគឺជាកម្មវិធីសិក្សាពាក់ព័ន្ធនឹងការឌីហ្សាញ និងការសិក្សាអំពីសង្គម ខណៈដែលកម្មវិធីសិក្សាដែលរងផលប៉ះពាល់ផ្សេងទៀត មានដូចជា វិស្វកម្ម អាជីវកម្ម សុខភាព ច្បាប់ វិទ្យាសាស្ត្រ និងផ្នែកអន្តរកម្មសិក្សា។
និស្សិតដែលកំពុងសិក្សានៅប្រទេសអូស្ត្រាលីបច្ចុប្បន្ន នឹងមិនរងផលប៉ះពាល់ដោយសារបញ្ហានេះទេ ហើយសាកលវិទ្យាល័យបានថ្លែងថា ការផ្អាកនេះ គឺមានគោលបំណងធ្វើឱ្យកម្មវិធីសិក្សាកាន់តែប្រសើរឡើង ដើម្បីបំពេញតម្រូវការនាពេលអនាគត។
សេចក្ដីសម្រេច ដែលត្រូវបានប្រកាសកាលពីថ្ងៃទី១៤ ខែសីហា នៅលើគេហទំព័តផ្លូវការរបស់ UTS ដែលកើតឡើងនៅពេលដែលសាលាកំពុងប្រឈមនឹងសម្ពាធផ្នែកហិរញ្ញវត្ថុ។ សារព័ត៌មាន Sydney Morning Herald បានរាយការណ៍ថា កាលពីដើមឆ្នាំនេះ ប្រព័ន្ធផ្សព្វផ្សាយក្នុងស្រុកបានរាយការណ៍ថា សាកលវិទ្យាល័យកំពុងកាត់បន្ថយការងារចំនួន ៤០០កន្លែង។ សាលាបានប្រកាសថា ការផ្អាកបណ្ដោះអាសន្ននេះ គឺដោយសារតែចំនួននិស្សិតចុះឈ្មោះមានចំនួនទាប។
ទោះបីជាមានបញ្ហាប្រឈមទាំងនេះក៏ដោយ UTS នៅតែជាប់ចំណាត់ថ្នាក់ជាសាកលវិទ្យាល័យកំពូលមួយរបស់ពិភពលោក ដោយជាប់ចំណាត់ថ្នាក់ទី១០០លើពិភពលោក និងទី៩ ក្នុងប្រទេសអូស្ត្រាលី, នេះបើយោងតាម QS World University Ranking 2026 ។ សាកលវិទ្យាល័យនេះ មាននិស្សិតចុះឈ្មោះប្រហែល ៥១,០០០នាក់ និងមានបុគ្គលិកច្រើនជាង ៤,០០០នាក់ ជាមួយតម្លៃសិក្សាចាប់ពី ៤ម៉ឺនដុល្លារអូស្ត្រាលី ដល់ ៥ម៉ឺនដុល្លារអូស្ត្រាលី (២៦,១០០ – ៣២,៦០០ ដុល្លារអាមេរិក)៕
