គ្រឹះស្ថានឧត្តមសិក្សានៅអាស៊ី កំពុងពង្រឹងកិត្យានុភាពយ៉ាងឆាប់រហ័ស នៅក្នុងតារាងចំណាត់ថ្នាក់សាកល

ឆ្នាំ២០២៥នេះ មានសាកលវិទ្យាល័យក្នុងទ្វីបអាស៊ីចំនួន ២២ ជាប់ចំណាត់ថ្នាក់ ក្នុងនាមជាសាកលវិទ្យាល័យកំពូលរបស់ពិភពលោក ទាំង ៥០ ដែលទិន្នន័យនេះ បង្ហាញពីការរីកចម្រើនដ៏អស្ចារ្យក្នុងរយៈពេល ១២ឆ្នាំចុងក្រោយ របស់ស្ថាប័នអប់រំកម្រិតឧត្តមសិក្សារបស់អាស៊ី នៅលើ Times Higher Education (THE) ។

ស្ថាប័នអប់រំរបស់អាស៊ី ១០ ក្នុងចំណោម ១៧ ក្នុងចំណាត់ថ្នាក់ ជាស្ថាប័នគោលដៅអភិវឌ្ឍប្រកបដោយនិរន្តរភាព (SDG) ដោយកើនឡើងទ្វេដងលើសឆ្នាំមុន ខណៈដែលសាកលវិទ្យាល័យកូរ៉េខាងត្បូង និងឥណ្ឌូនេស៊ី បានឈានចូលក្នុងចំណាត់ថ្នាក់កំពូលទាំង ១០។

THE Impact Rankings វាយតម្លៃសាកលវិទ្យាល័យ ដោយផ្អែកលើ SDGs របស់អង្គការសហប្រជាជាតិ។ គោលដៅទាំង ១៧នេះ រួមមាន គ្មានភាពក្រីក្រ, គ្មានភាពអត់ឃ្លាន, សុខភាព និងសុខុមាលភាពល្អ, ការអប់រំប្រកបដោយគុណភាព, សមភាពយេនឌ័រ, ទឹកស្អាត និងអនាម័យ, ថាមពលស្អាត និងតម្លៃសមរម្យ, ការងារសមរម្យ និងកំណើនសេដ្ឋកិច្ច, ឧស្សាហកម្មប្រកបដោយនវានុវត្តន៍ និងហេដ្ឋារចនាសម្ព័ន្ធ, ការកាត់បន្ថយវិសមភាព, ទីក្រុង និងសហគមន៍ប្រកបដោយនិរន្តរភាព, ការប្រើប្រាស់ និងផលិតប្រកបដោយទំនួលខុសត្រូវ, សកម្មភាពអាកាសធាតុ, ជីវិតនៅក្រោមទឹក, ជីវិតនៅលើដី, សន្តិភាព យុត្តិធម៌ និងស្ថាប័នរឹងមាំ និងភាពជាដៃគូសម្រាប់គោលដៅ។

ពិន្ទុចុងក្រោយរបស់សាកលវិទ្យាល័យមួយ ត្រូវបានគណនាដោយការបញ្ចូលពិន្ទុរបស់សាលានៅក្នុង SDG 17 ជាមួយនឹងពិន្ទុកំពូលទាំង ៣ របស់ខ្លួនពី 16 SDGs ដែលនៅសល់។ មានន័យថា សាកលវិទ្យាល័យ ត្រូវបានគេដាក់ពិន្ទុ ដោយផ្អែកលើ SDGs ផ្សេងៗគ្នា អាស្រ័យលើការផ្ដោតរបស់ពួកគេ។ ពិន្ទុកសម្រាប់ SDG នីមួយៗត្រូវបានកំណត់ ដោយកត្តាជាច្រើន រួមមាន ការស្រាវជ្រាវ ការគ្រប់គ្រង ការផ្សព្វផ្សាយ និងការបង្រៀន។

សាកលវិទ្យាល័យជាតិ Kyungpook របស់កូរ៉េខាងត្បូង (KNU) ជាប់ចំណាត់ថ្នាក់លេខ៣ ដោយឡើងពីចំណាត់ថ្នាក់ទី៣៩ កាលពីឆ្នាំមុន ដោយសារកិច្ចខិតខំប្រឹងប្រែងគួរឱ្យកត់សម្គាល់ ក្នុងការគាំទ្រសិស្ស ដែលមានប្រាក់ចំណូលទាប ព្រមទាំងការរួមចំណែកយ៉ាងសកម្មក្នុងការកាត់បន្ថយភាពក្រីក្រ។

Universitas Airlangga របស់ប្រទេសឥណ្ឌូនេស៊ីក៏បានរីកចម្រើនយ៉ាងខ្លាំងផងដែរ ដោយឈរនៅលេខរៀងទី ៩ បន្ទាប់ពីផ្ដោតលើ «ទីក្រុង និងសហគមន៍ប្រកបដោយនិរន្តរភាព» តាមរយៈគំនិតផ្ដួចផ្ដើម ដូចជា លំហបៃតងសាធារណៈ និងការផ្ដល់ជូនកង់អេឡិចត្រូនិចដោយឥតគិតថ្លៃ។

សរុបជារួម សាកលវិទ្យាល័យអាស៊ីបានកាន់កាប់កន្លែងចំនួន ២២ ក្នុងចំណោមសាកលវិទ្យាល័យកំពូលទាំង ៥០ ដែលកើនឡើងចំនួន ១២ បើធៀបនឹងឆ្នាំមុន លើសពីប្រទេសអូស្ដ្រាលី ដែលមានសាលាចំនួន ១១ អឺរ៉ុបចំនួន ៩ អាម៉េរិកខាងជើងចំនួន ៨ និងអាហ្រ្វិកចំនួន ១។

ស្ថាប័នអប់រំលំដាប់ខ្ពស់ផ្សេងទៀតរបស់អាស៊ី គឺសាកលវិទ្យាល័យជាតិ Pusan របស់កូរ៉េខាងត្បូង នៅលេខរៀងទី១៣, សាកលវិទ្យាល័យជាតិតៃវ៉ាន់ (NTU) និងសាកលវិទ្យាល័យ Sains Malaysia ស្ថិតនៅលេខរៀងទី១៤ ដូចគ្នា និងសាកលវិទ្យាល័យ Kyung Hee របស់កូរ៉េខាងត្បូង និងសាកលវិទ្យាល័យវិទ្យាសាស្ត្រ និងបច្ចេកវិទ្យាហុងកុង នៅលេខរៀងទី១៩ ដូចគ្នា។

សាកលវិទ្យាល័យទាំងនេះ ត្រូវបានទទួលស្គាល់ សម្រាប់វឌ្ឍនភាពដ៏អស្ចារ្យរបស់ពួកគេ នៅក្នុងគំនិតផ្ដួចផ្ដើមប្រកបដោយនិរន្តរភាព, នេះបើយោងតាម THE ។

ការកើនឡើងសមត្ថភាពរបស់សាកលវិទ្យាល័យនៅអាស៊ីបូព៌ា និងអាស៊ីអាគ្នេយ៍ កំពុងកើនឡើងជាលំដាប់។ ខណៈអាស៊ីជាប់ចំណាត់ថ្នាក់ ជាទ្វីបដែលមានសាកលវិទ្យាល័យជាប់ចំណាត់ថ្នាក់ច្រើនបំផុត នៅក្នុងតារាងចំណាត់ថ្នាក់សាកលវិទ្យាល័យ ចាប់តាំងពីឆ្នាំ២០១៩ ប៉ុន្តែនេះជាឆ្នាំដំបូង ដែលសាកលវិទ្យាល័យនៅអាស៊ីមានភាគរយច្រើន (៥២%) ក្នុងតារាង កើនឡើងពី ៤៩% កាលពីឆ្នាំមុន និង ៤២% ក្នុងឆ្នាំ២០២០។

លោក Futao Huang សាស្ត្រាចារ្យ នៃវិទ្យាស្ថានស្រាវជ្រាវឧត្តមសិក្សា នៃសាកលវិទ្យាល័យ Hiroshima បានលើកឡើងថា ភាពខ្លាំងទាំងនេះ ស្របគ្នានឹងការរំពឹងទុកសម្រាប់តំបន់។

លោក Huang បានប្រាប់ THE ថា លទ្ធផលនេះឆ្លុះបញ្ចាំងពីអាទិភាពជាតិ និងស្ថាប័នដែលមានតាំងពីយូរណាស់មកហើយ ផ្ដោតលើការកាត់បន្ថយភាពក្រីក្រ លទ្ធភាពទទួលបានការអប់រំ និងការអភិវឌ្ឍសេដ្ឋកិច្ច ដែលចំណុចទាំងនេះ ជាចំណុច ដែលសាកលវិទ្យាល័យអាស៊ីជាច្រើន បានកំណត់យ៉ាងសកម្មក្នុងបេសកកម្ម និងយុទ្ធសាស្ត្ររបស់ខ្លួន។

ទន្ទឹមនឹងនេះ សាកលវិទ្យាល័យមកពីអាម៉េរិក ចក្រភពអង់គ្លេស កាណាដា និងអូស្ត្រាលីបាននាំមុខក្នុងតារាង SDG តិចជាងឆ្នាំមុន ដោយធ្លាក់ចុះពី ១១ កាលពីឆ្នាំមុន មកត្រឹម ៧ នៅឆ្នាំ ២០២៥នេះ។ អ្នកជំនាញណែនាំថា នេះជាការឆ្លុះបញ្ចាំងពីការកាត់បន្ថយការគាំទ្រផ្នែកនយោបាយ សម្រាប់គំនិតផ្ដួចផ្ដើម SDGs នៅតំបន់ទាំងនេះ។

សាកលវិទ្យាល័យ Western Sydney ក្នុងប្រទេសអូស្ត្រាលី នៅតែជាសាកលវិទ្យាល័យជាប់ចំណាត់ថ្នាក់ទី១​ក្នុង​រយៈពេល៤ឆ្នាំជាប់ៗគ្នា ហើយចំណាត់ថ្នាក់ទី២ គឺសាកលវិទ្យាល័យ Manchester (U.K.) ខណៈដែលសាកលវិទ្យាល័យ Griffith និងសាកលវិទ្យាល័យ Tasmania (ទាំង ២នៅក្នុងប្រទេសអូស្ត្រាលី) នៅចំណាត់ថ្នាក់ទី ៤ ដូចគ្នា។

ចំណាត់ថ្នាក់ THE Impact Rankings 2025 មានការចូលរួមពីសាកលវិទ្យាល័យចំនួន ២,៥២៦ មកពីប្រទេសចំនួន ១៣០ ជុំវិញពិភពលោក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ Dr Goh Keng Swee (GKS) សម្រាប់ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 06/01/2025

អាហារូបករណ៍ Dr Goh Keng Swee (GKS) ដែល​ជាអាហារូបករណ៍ឯកជនគ្រប់គ្រងដោយសមាគមធនាគារនៅសិង្ហបុរី។ ជារៀងរាល់ឆ្នាំ អាហារូបករណ៍តែងតែផ្តល់ជូនដល់បុគ្គល​ឆ្នើម ដែល​មក​ពី​ប្រទេសក្នុង​តំបន់អាស៊ីប៉ាស៊ីហ្វិកចំនួន ១៥ រួមមាន ប្រ៊ុយណេ កម្ពុជា...

ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 12/12/2024

ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...

វិទ្យាស្ថានពហុបច្ចេកទេស​ភូមិភាគ​តេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់​ថ្នាក់សញ្ញាបត្រជាន់ខ្ពស់បច្ចេកទេស

ព័ត៌មានអាហារូបករណ៍, ព្រឹត្តិការណ៍

• 03/10/2025

នៅក្នុងឆ្នាំសិក្សា​២០២៥-២០២៦នេះ វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ បានប្រកាស​ពីការផ្តល់​អាហារូបករណ៍​រហូត​ដល់ ៨៧០កន្លែង សម្រាប់ថ្នាក់សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា​។

បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 30/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...

ឱកាស​បន្ត​ការសិក្សាថ្នាក់អនុបណ្ឌិត ឬបណ្ឌិតនៅសហរដ្ឋអាមេរិក ជាមួយនឹងអាហារូបករណ៍ Fulbright

ព័ត៌មានអាហារូបករណ៍, ព្រឹត្តិការណ៍

• 03/02/2026

ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត)

ក្រសួង​ការងារ​ ផ្ដល់​អាហារូបករណ៍​កម្រិត​ជាន់ខ្ពស់​បច្ចេកទេស​ចំនួន​ ​៦០​កន្លែង​ ​ទៅ​សិក្សា​នៅ​ប្រទេស​វៀតណាម​

ព័ត៌មានអាហារូបករណ៍, ព្រឹត្តិការណ៍

• 27/08/2026

​ក្រសួង​ការងារ​ ​និង​បណ្តុះបណ្តាល​វិជ្ជាជីវៈ ​បាន​ប្រកាស​ពី​ការ​ផ្តល់​អាហារូបករណ៍​ទៅ​សិក្សា​កម្រិត​សញ្ញាបត្រ​ជាន់ខ្ពស់​បច្ចេកទេស​ ​រយៈពេល​ ៤​ឆ្នាំ​ ​សម្រាប់​ឆ្នាំ​សិក្សា​ ​២០២៦​-​២០២៧ ​នៅ​ ​Thai Nguyen ​College

កម្មវិធី Women Innovators ជ្រើសរើសនិស្សិតស្រី និងស្រ្តី ចូលរួមវគ្គបណ្តុះបណ្តាលពីបច្ចេកវិទ្យា ភាពជាអ្នកដឹកនាំ និងសហគ្រិនភាព

ព័ត៌មានអាហារូបករណ៍, ព្រឹត្តិការណ៍

• 26/03/2025

កម្មវិធី Women Innovators Bootcamp ក្រោមកម្មវិធី SparkMeet រដូវកាលទី៤ បានប្រកាសជ្រើសរើសនិស្សិតស្រី និងស្រ្តី ចូលរួមវគ្គបណ្តុះបណ្តាលពីបច្ចេកវិទ្យា ភាពជាអ្នកដឹកនាំ និងសហគ្រិនភាព រយៈពេល ៦សប្តាហ៍...

ឱកាសសិក្សាអាហារូបករណ៍ថ្នាក់ឧត្ដមសិក្សា ពីកម្មវិធីរដ្ឋាភិបាលអាស៊ែបៃហ្សង់ ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 10/05/2024

ក្រសួងការបរទេស និងក្រសួងវិទ្យាសាស្ត្រ និងអប់រំនៃសាធារណរដ្ឋអាស៊ែបៃហ្សង់ប្រកាសបើកផ្ដល់អាហារូបករណ៍សិក្សាឆ្នាំ២០២៤ក្រោម...