ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមមជ្ឈមណ្ឌលគ្រប់គ្រង និងការពារជំងឺ (CDC) សហរដ្ឋអាម៉េរិក បានបង្ហាញថា ការទទួលទានស្រាអាចបង្កើនហានិភ័យនៃជំងឺមហារីក ហើយការទទួលទានលើសកម្រិតអាចបង្កើនហានិភ័យ នៃជំងឺលើសឈាម ជំងឺបេះដូង និងដាច់សរសៃឈាមខួរក្បាល។
ផ្នែកមួយនៃការស្រាវជ្រាវ ដែលកំពុងបន្ត គឺអ្នកជំនាញកំពុងស្វែងរកថា តើគ្រឿងស្រវឹងអាចប៉ះពាល់ខួរក្បាលយ៉ាងដូចម្ដេច? បោះពុម្ពផ្សាយនៅក្នុង Neurology ។ ការសិក្សាថ្មីមួយបានស្វែងយល់ពីផលប៉ះពាល់ នៃការទទួលទានគ្រឿងស្រវឹងលើទិដ្ឋភាពផ្សេងៗនៃខួរក្បាល ជាពិសេសជំងឺសរសៃរប្រសាទ ដែលទាក់ទងនឹងជំងឺវង្វេង។
ការសិក្សាបានរកឃើញថា ការទទួលទានស្រាក្នុងកម្រិតសាល ធ្ងន់ និងអ្នកធ្លាប់ទទួលទានស្រាច្រើន សុទ្ធតែមានទំនាក់ទំនងជាមួយនឹងជំងឺសរសៃឈាមបេះដូង Hyaline ដែលជាការឡើងក្រាស់ និងរួមតូចនៃសរសៃឈាម ដែលអាចកើតឡើងចំពោះមនុស្សវ័យចំណាស់ និងអ្នកដែលមានបញ្ហាសុខភាពមួយចំនួន។
អ្នកដែលធ្លាប់ទទួលទានស្រាច្រើន អាចប្រឈមនឹងបញ្ហាជាច្រើន ដូចជា ការមានសមាមាត្រម៉ាសខួរក្បាលទាប និងសមត្ថភាពមុខងារពុទ្ធិបញ្ញាចុះខ្សោយ បើធៀបទៅនឹងអ្នកមិនផឹកស្រា។ យ៉ាងណាក៏ដោយ ស្របនឹងលទ្ធផលនេះ ការស្រាវជ្រាវបន្ថែមនៅតែជារឿងចាំបាច់ ខណៈលទ្ធផលនៃការស្រាវជ្រាវ បានបង្ហាញថា ខួរក្បាលត្រូវបានទទួលរងនូវការបំផ្លាញដោយសារការប្រើប្រាស់ជាតិអាល់កុល។
ការសិក្សានេះ ធ្វើឡើងតាមរយៈការសិក្សាលើខួរក្បាលអ្នកធ្លាប់ទទួលទានស្រានៅប្រទេសប្រេស៊ីលចំនួន ១,៧៨១នាក់។ អ្នកចូលរួមក្នុងការទទួលតេស្តនេះ មានអាយុប្រហែល ៧៥ឆ្នាំ ហើយជាជនជាតិខុសៗគ្នា។ លទ្ធផលបានបង្ហាញថា ការប្រើប្រាស់គ្រឿងស្រវឹង មានឥទ្ធិពលអវិជ្ជមានខ្លាំងទៅលើខួរក្បាលមនុស្ស។
ខណៈអ្នកប្រើប្រាស់គ្រឿងស្រវឹងកម្រិតធ្ងន់អាចប្រឈមនឹងហានិភ័យជំងឺសរសៃឈាមបេះដូង Hyaline រហូតដល់ ១៣៣ភាគរយឯណោះ។ ខណៈក្រុមនេះ ក៏មានហានិភ័យខ្ពស់ នឹងការកន្ត្រាក់សរសៃប្រសាទ ដែលមានទំនាក់ទំនងទៅនឹងជំងឺវង្វេង។ លើសពីនេះ អ្នកធ្លាប់ទទួលទានស្រា ក៏មានទម្ងន់ខួរក្បាលស្រាលផងដែរ ដែលនាំឱ្យពួកគេ មានពិន្ទុវាយតម្លៃអំពីហានិភ័យនៃជំងឺវង្វេងខ្ពស់ជាងអ្នកមិនទទួលទានស្រា៕
