ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ខណៈទម្រង់ផ្សេងៗនៃបណ្តាញសង្គមកំពុងប្រើប្រាស់យ៉ាងទូលំទូលាយសម្រាប់តម្រូវការរស់នៅប្រចាំថ្ងៃរបស់ប្រជាជន អង្គការសកម្មភាពដើម្បីកុមារ (APLE Cambodia) បានរកឃើញរូបភាពកេងប្រវ័ញ្ចលើកុមារជាច្រើនតាមប្រព័ន្ធអ៊ីនធឺណេត ពិសេសក្នុងពេលវិបត្តិកូវីដ-១៩ កំពុងរីករាលដាលជាសកល ។ អ្នកជំនាញនៃអង្គការសកម្មភាពដើម្បីកុមារ បានឱ្យដឹងថា ឆ្នាំ២០២១ ករណីសង្ស័យកេងប្រវ័ញ្ចផ្លូវភេទលើកុមារ ចំនួន ៩៩ករណីបានរាយការណ៍ ។
លោក ណេង វណ្ណៈ ប្រធានកម្មវិធីរួមបញ្ចូលផ្នែកឧស្សាហកម្ម និងប្រព័ន្ធផ្សព្វផ្សាយ នៃអង្គការសកម្មភាពដើម្បីកុមារ មានប្រសាសន៍ថា អំឡុងពេលកូវីដ-១៩ កំពុងរីករាលដាល តំណភ្ជាប់ប្រព័ន្ធអ៊ីនធឺណេតកំណើនយ៉ាងខ្លាំងទូទាំងសកលលោក រួមទាំងកម្ពុជាផងដែរ ។ ទន្ទឹមគ្នានេះ ជនល្មើសបានលាក់បាំងអត្តសញ្ញាណរបស់ពួកគេ ហើយទាក់ទងទៅកាន់កុមារតាមប្រព័ន្ធអ៊ីនធឺណេត ។
លោក ណេង វណ្ណៈ បានបញ្ជាក់បន្ថែមថា បច្ចេកវិទ្យាទំនើបបានធ្វើឱ្យសកម្មភាពផលិត ទាញយក ចែកចាយរូបភាព និងសម្ភារៈអាសអាភាសកុមារកាន់តែងាយស្រួលសម្រាប់ជនល្មើស ។ ទន្ទឹមគ្នានេះ រូបភាពនៃការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិតកើតឡើង ដោយសារចំណេះដឹងស្តីពីសុវត្ថិភាពគ្រប់គ្រងបច្ចេកវិទ្យារបស់ឳពុកម្តាយ ឬអាណាព្យាបាលនៅមានកម្រិត ។
មន្ត្រីជំនាញនៃអង្គការសកម្មភាពដើម្បីកុមារ បានឱ្យដឹងទៀតថា ទម្រង់ហានិភ័យនៃការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិតមានបីចំណុចសំខាន់ៗ ។ ទីមួយ. ហានិភ័យពាក់ព័ន្ធនឹងមាតិកា សំដៅលើមាតិកាមិនសមស្របនឹងអាយុរបស់កុមារ ដែលអាចបង្កគ្រោះថ្នាក់ រួមមាន មាតិកាបែបហិង្សា មាតិកាផ្លូវភេទ ឬមាតិកាអាសអាភាសជាដើម ។
ចំណែកទីពីរ.ហានិភ័យទំនាក់ទំនង សំដៅលើសកម្មភាពប្រាស្រ័យទាក់ទងដោយផ្ទាល់រវាងកុមារជាមួយនឹងនរណាម្នាក់តាមអនឡាញ ហើយបានកសាងទំនុកចិត្តដល់កុមារព្រមទាំងបង្វែរទំនាក់ទំនងនោះឱ្យទៅជាទំនាក់ទំនងផ្លូវភេទ ។ ទីបី.ហានិភ័យប្រព្រឹត្តទៅដោយផ្ទាល់ គឺអាចកើតមាននៅពេលដែលកុមារចែកចាយរូបភាពបែបផ្លូវភេទ ឬរូបភាពបែបអាក្រាតផលិតដោយខ្លួនឯង ឬចូលរួមក្នុងសកម្មភាពផ្លូវភេទផ្សេងៗទៀត ដោយសារកុមារអាចស្ថិតក្រោមឥទ្ធិពលលួងលោម បង្គាប់បញ្ជា ឬគំរាមកំហែងដោយជនល្មើស ។
តើមនុស្សធំគួរតែធ្វើបែបណាដើម្បីទប់ស្កាត់កុំឱ្យកើតមានសកម្មភាពកេងប្រវ័ញ្ចលើកុមារតាមប្រព័ន្ធអ៊ីនធឺណេត ? លោកស្រី ហ៊ឹម សោភ័ណ្ឌ ប្រធានកម្មវិធីសេវាគាំទ្រជនរងគ្រោះ នៃអង្គការសកម្មភាពដើម្បីកុមារមានប្រសាសន៍ថា កុមារមានសិទ្ធិពិសេសមួយទៀត ដែលសិទ្ធិនេះត្រូវការមនុស្សធំបំពេញបន្ថែម គឺចូលរួមពិនិត្យមើលថា តើកុមារប្រើប្រាស់ប្រព័ន្ធអ៊ីនធឺណេតបែបណា? តើគាត់ចំណាយពេលនៅលើប្រព័ន្ធអ៊ីនធឺណេតប៉ុន្មានម៉ោង ហើយស្ថានភាពនៃការប្រើប្រាស់របស់គាត់យ៉ាងម៉េច?
ស្របគ្នានេះលោកស្រី បានផ្តល់យោបល់ថា ឳពុកម្តាយត្រូវជួយពិនិត្យស្ថានភាពនៃការប្រើប្រាស់អ៊ីនធឺណេតរបស់កូន គួរកំណត់ពេលវេលាប្រើប្រាស់ស្មាតហ្វូនរបស់កុមារ ពិនិត្យមើលគេហទំព័រ ឬកម្មវិធីទូរស័ព្ទ (App) មួយណាគួរតែប្រើប្រាស់ និងមិនគួរប្រើប្រាស់សម្រាប់កុមារ ឬសម្រេចលុបកម្មវិធីនោះចោល ។
គួរបញ្ជាក់ដែរថា នៅក្នុងទិដ្ឋភាពច្បាប់ក្នុងក្រមព្រហ្មទណ្ឌ មាត្រា២៣២ បានចែងថា ការគំរាមគំហែងក្រោមទម្រង់ណាក៏ដោយ ថានឹងប្រព្រឹត្តបទឧក្រិដ្ឋ ឬបទមជ្ឈិមប្រឆាំងនឹងបុគ្គល ប្រសិនបើការគំរាមកំហែងនេះធ្វើឡើងដោយមានបញ្ជាឱ្យបំពេញលក្ខណ្ឌអ្វីមួយ នោះត្រូវផ្តន្ទាទោសដាក់ពន្ធនាគារពី ៦ខែ ទៅ ២ឆ្នាំ ព្រមទាំងពិន័យជាប្រាក់ពី ១លានរៀលដល់ ៤លានរៀល ។
សូមជម្រាបថា អង្គការសកម្មភាពដើម្បីកុមារ លើកទឹកចិត្តដល់សាធារណជន គួររាយការណ៍ពីព័ត៌មានកេងប្រវ័ញ្ចផ្លូវភេទកុមារតាមអនឡាញ ដោយចូលទៅកាន់គេហទំព័រ www.internethotlinecambodia.org ឬទាក់ទងទៅកាន់ទូរស័ព្ទលេខ ០៩២ ៣១១ ៥១១ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច
ព័ត៌មានអាហារូបករណ៍, ព្រឹត្តិការណ៍
• 26/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៥-២០២៦
អាហារូបករណ៍ថ្នាក់បរិញ្ញាបត្ររង សិក្សានៅប្រទេសចិន ចំនួន១៥កន្លែង
ព័ត៌មានអាហារូបករណ៍, ព្រឹត្តិការណ៍
• 10/03/2026
សមាគមសហប្រតិបត្តិការដើម្បីជំរុញការអប់រំ កម្ពុជា-អាស៊ាន-ចិន បានប្រកាសពីការផ្តល់អាហារូបករណ៍ចំនួន១៥កន្លែង
អាហារូបករណ៍រដ្ឋាភិបាលសហព័ន្ធរុស្ស៊ីចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/12/2024
សម្រាប់ឆ្នាំសិក្សា២០២៥-២០២៦ រដ្ឋាភិបាល នៃសហព័ន្ធរុស្ស៊ី ផ្តល់អាហារូបករណ៍ចំនួន ៤០កន្លែង ដល់សិស្ស និស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងថ្នាក់ឯកទេស (Specialist) នៅសហព័ន្ធរុស្ស៊ី។
ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសភូមិភាគតេជោសែនសៀមរាប ចំនួន ១៧៥០កន្លែង
ព័ត៌មានអាហារូបករណ៍, ព្រឹត្តិការណ៍
• 21/11/2024
វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាសជ្រើសរើសសិស្សានុសិស្សឱ្យចូលសិក្សាជំនាញវិជ្ជាជីវៈជាច្រើនកន្លែងសម្រាប់ឆ្នាំសិក្សា២០២៤-២០២៥។
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍ ១០០% កម្រិតសញ្ញាបត្រជាន់ខ្ពស់បច្ចេកទេស ចំនួន១០៥កន្លែង
ព័ត៌មានអាហារូបករណ៍, ព្រឹត្តិការណ៍
• 07/10/2025
វិទ្យាស្ថានពហុបច្ចេកទេសភូមិភាគតេជោសែនបាត់ដំបង បានប្រកាសផ្តល់អាហារូបករណ៍ ១០០% សរុបចំនួន ១០៥កន្លែង សម្រាប់ការសិក្សាកម្រិតសញ្ញាបត្រជាន់ខ្ពស់បច្ចេកទេស សិក្សារយៈពេល ២ឆ្នាំដោយឥតគិតថ្លៃ។
ឱកាសផ្លាស់ប្តូរការសិក្សានៅសាកលវិទ្យាល័យ Conservatorio Superio de Musica de Vigo ប្រទេសអេស្ប៉ាញ
ព័ត៌មានអាហារូបករណ៍, ព្រឹត្តិការណ៍
• 06/03/2026
ជាឱកាសសម្រាប់សិស្សនិស្សិតកំពុងសិក្សាផ្នែកតូរ្យតន្រ្តី, សាកលវិទ្យាល័យភូមិន្ទវិចិត្រសិល្បៈ បានប្រកាសពីការផ្តល់អាហារូបករណ៍ដល់និស្សិតចំនួន៤រូប ដើម្បីទៅផ្លាស់ប្តូរការសិក្សានៅសាកលវិទ្យាល័យ Conservatorio
អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស នៅវិទ្យាស្ថានពហុបច្ចេកទេសភូមិភាគ តេជោសែនសៀមរាប
ព័ត៌មានអាហារូបករណ៍, ព្រឹត្តិការណ៍
• 20/11/2025
វិទ្យាស្ថានពហុបច្ចេកទេសភូមិភាគ តេជោសែនសៀមរាប បានប្រកាសពីការផ្តល់អាហារូបករណ៍ ១០០% ជាច្រើនកន្លែង សម្រាប់ការសិក្សាកម្រិតសញ្ញាបត្រជាន់ខ្ពស់បច្ចេកទេស ដែលមានរយៈពេល ២ឆ្នាំ។
អង្គការជឿជាក់លើសិស្សជនបទកម្ពុជា ជ្រើសរើសសិស្ស-និស្សិតសិក្សាអាហារូបករណ៍ចំនួន២០កន្លែងសម្រាប់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 04/06/2024
អង្គការជឿជាក់លើសិស្សជនបទកម្ពុជាប្រកាសជ្រើសរើស សិស្ស-និស្សិតចំនួន២០នាក់ដើម្បីសិក្សាអាហារូបករណ៍នៅថ្នាក់វិទ្យាល័យ សាកលវិទ្យាល័យ...
ស.ស.យ.ក រាជធានីភ្នំពេញ ផ្ដល់អាហារូបករណ៍៣កន្លែងសិក្សានៅសាកលវិទ្យាល័យប៊ែលធីអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 19/09/2024
ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស សហភាពសហព័ន្ធយុវជនកម្ពុជារាជធានីភ្នំពេញ នឹងផ្តល់អាហារូបករណ៍ថ្នាក់បរិញ្ញាបត្រចំនយន៣កន្លែងនៅសាកលវិទ្យាល័យប៊ែលធីអន្តរជាតិ...
កម្មវិធីពិសេសរបស់ AMS EDUCATION
ព័ត៌មានសង្ខេប
