ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជំនាន់មនុស្សក្នុង Gen Alpha នឹងបញ្ចប់ចុងឆ្នាំ២០២៤នេះ ហើយជំនាន់បន្ទាប់គឺ Gen Beta ។ ថ្ងៃទី១ ខែមករា ឆ្នាំ ២០២៥ មិនត្រឹមតែជាឆ្នាំថ្មីប៉ុណ្ណោះទេ ប៉ុន្តែជាការចាប់ផ្ដើមនៃមនុស្សជំនាន់ Gen Beta ដែលជាក្រុមមនុស្សកើតចន្លោះឆ្នាំ២០២៥ ដល់ឆ្នាំ២០៣៩។ ពួកគេនឹងក្លាយជាជំនាន់មនុស្សទី៧ ដែលមានឈ្មោះចាប់តាំងពីឆ្នាំ១៩០១ បន្ទាប់ពីការបញ្ចប់សម័យកាល Gen Alpha (កើតចន្លោះឆ្នាំ ២០១០ ដល់ឆ្នាំ២០២៤)។
មនុស្សជំនាន់ បេតា នឹងកើតចាប់ពីឆ្នាំ២០២៥ ដល់ឆ្នាំ២០២៩។ នៅឆ្នាំ២០៣៥ ពួកគេត្រូវបានគេរំពឹងថា នឹងមាន ១៦ភាគរយនៃប្រជាជនពិភពលោក។ ពួកគេនឹងក្លាយជាកូនរបស់មនុស្សជំនាន់ Gen Ys (Millennials) និង Gen Zs ដែលមានវ័យចំណាស់។ ទោះបីជា Gen Beta មិនទាន់កើតឡើយ ប៉ុន្តែអ្នកជំនាញអាចព្យាករណ៍ពីទិដ្ឋភាពមួយចំនួនដោយផ្អែកលើនិន្នាការបច្ចុប្បន្ន។
លោក Mark McCrindle អ្នកស្រាវជ្រាវសង្គម និយាយថា មនុស្សជំនាន់ បេតា នឹងធំធាត់ឡើងជាមួយនឹងការបង្កើតថ្មី ដូចជា បញ្ញាសិប្បនិម្មិត (AI), បច្ចេកវិទ្យាពិភពពិតបន្ថែមដោយរូបភាពនិម្មិត (AR), បច្ចេកវិទ្យារូបភាពនិម្មិត (VR), រ៉ូបូទិច និងបច្ចេកវិទ្យាជាច្រើនទៀត។ សម្រាប់មនុស្សក្នុងជំនាន់បេតា បច្ចេកវិទ្យានឹងត្រូវបានដាក់ឱ្យបញ្ចូលទៅក្នុងជីវិតប្រចាំថ្ងៃ ដែលមានឥទ្ធិពលលើអ្វីៗគ្រប់យ៉ាងក្នុងជីវិតគេ រាប់ចាប់តាំងពី ការអប់រំ ការងារ និងរបៀបដែលពួកគេធ្វើទំនាក់ទំនងសង្គម។
ទន្ទឹមនឹងការទទួលបានអត្ថប្រយោជន៍ជាច្រើនពីបច្ចេកវិទ្យា មនុស្សជំនាន់នេះ ក៏ត្រូវប្រឈមនឹងឥទ្ធិពលអាក្រក់នៃបច្ចេកវិទ្យាដែរ ដូចជា ការចំណាយពេលជាមួយអេក្រង់ហួសកម្រិត និងការបូលីនៅលើបណ្ដាញសង្គមជាដើម។ លើសពីនេះ ការរស់នៅរបស់មនុស្សជំនាន់បេតា នឹងទទួលឥទ្ធិពលខ្លាំងពី មនុស្សជំនាន់ Ys និង Zs ដែលជាឪពុកម្ដាយរបស់គេ៕
