ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងយុគសម័យបច្ចេកវិទ្យាឌីជីថល ការប្រើប្រាស់អ៊ីនធឺណេតបានក្លាយជាផ្នែកមួយនៃជីវិតរស់នៅប្រចាំថ្ងៃ ដោយឡែកសម្រាប់កុមារ អ៊ីនធឺណេតអាចជួយពួកគេក្នុងការរៀនសូត្រ ក៏ដូចជាការកម្សាន្ត ប៉ុន្តែវាក៏មានហានិភ័យផងដែរ។ ដើម្បីជួយការពារសុវត្ថិភាពកូនរបស់លោកអ្នកលើប្រព័ន្ធអនឡាញ អង្គការ UNICEF បានណែនាំវិធីសាស្រ្តចំនួន៥ សម្រាប់ឪពុកម្តាយអនុវត្តដើម្បីការពារកូនៗនៅលើប្រព័ន្ធអនឡាញ។
១. កំណត់វិន័យ ៖ ពិភាក្សាអំពីមនុស្សដែលពួកគេកំពុងទាក់ទងតាមអនឡាញ ហើយរំលឹកពួកគេឱ្យរាយការណ៍អំពីរឿង និងទំនាក់ទំនងមិនប្រក្រតីនានា។
២. ប្រើមុខងារការពារ ៖ ធ្វើបច្ចុប្បន្នភាពសូហ្វវែរទៅលើឧបករណ៍ទាំងអស់ កំណត់ឯកជនភាពគ្រប់កម្មវិធី និងប្រើប្រាស់មុខងារគ្រប់គ្រងដោយមាតាបិតា។
៣. ចំណាយពេលជាមួយកូន ៖ ចំណាយពេលតាមអនឡាញជាមួយពួកគេ និងជួយជ្រើសរើសមាតិកាដែលល្អ និងមានសុវត្ថិភាពសម្រាប់ពួកគេ។
៤. ធ្វើជាគំរូ ៖ សូមធ្វើជាគំរូវិជ្ជមានតាមអនឡាញដល់កូនរបស់អ្នក និងពិនិត្យមើលសកម្មភាពអវិជ្ជមាននានាដែលអាចប៉ះពាល់ដល់ពួកគេ។
៥. ជំរុញភាពច្នៃប្រឌិត ៖ អនុញ្ញាតឱ្យពួកគេស្វែងរកអ្វីដែលពួកគេចូលចិត្តនៅតាមអនឡាញ ប៉ុន្តែសូមរក្សាតុល្យភាពរវាងសកម្មភាពតាមអ៊ីនធឺណេត និងសកម្មភាពនៅខាងក្រៅ។
បន្ថែមលើវិធីសាស្រ្តខាងលើ ឪពុកម្តាយ អ្នកអាណាព្យាបាល ក៏ត្រូវចេះគ្រប់គ្រងពេលវេលា នៃការប្រើប្រាស់ឧបករណ៍អេឡិចត្រូនិករបស់កូនៗ, ត្រួតពិនិត្យប្រភពវេបសាយ និងកម្មវិធីដែលកុមារប្រើប្រាស់ ហើយធ្វើការពន្យល់ពីហានិភ័យដែលអាចកើតមាន ក៏ដូចជាប្រាប់ពួកគេឱ្យប្រុងប្រយ័ត្នលើការប្រើប្រាស់ព័ត៌មានផ្ទាល់ខ្លួននៅលើបណ្តាញសង្គមជាដើម៕
