ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
លោក Vladimir Putin ជាមេដឹកនាំដ៏ល្បីល្បាញរបស់រុស្សី ត្រូវបានគេចាត់ទុកថាជាបុរសខ្លាំងនិងមានឥទ្ធិពលបំផុតក្នុងប្រទេសនិងភពលោក ហើយថ្មីៗនេះលោកទើបតែបានចុះហត្ថលេខាលើសេចក្តីព្រាងច្បាប់មួយចូលជាធរមាន អនុញ្ញាតរូបលោកដឹកនាំប្រទេសរុស្សីរហូតដល់ឆ្នាំ 2036 ដោយមិនចាំបាច់មានការបោះឆ្នោតឡើយ។ រឿងមួយក្នុងចំណោមរឿងអស្ចារ្យជាច្រើន គេដឹងថា លោកធ្លាប់សិក្សាភាសាអាល្លឺម៉ង់និងអង់គ្លេសតំណាលគ្នាក្នុងពេលតែមួយ វាគ្រាន់តែជាផ្នែកមួយតូចនៃភាពអស្ចារ្យក្នុងជីវិតរបស់លោកតែប៉ុណ្ណោះ។
បុរសខ្លាំងរបស់រុស្ស៊ីរូបនេះ មានប្រវត្តិដោះស្រាយនឹងជម្នះរឿងរ៉ាវលំបាកៗតាំងពីកុមារ និងធ្លាប់ឆ្លងកាត់ជីវិតក្នុងឆាកនយោបាយអស់ជាច្រើនឆ្នាំ។ លោកប្រធានាធិបតីរុស្សី Vladimir Putin បច្ចុប្បន្នកំពុងមានឈ្មោះកាន់តែខ្លាំងលើលោកតាមរយៈការដឹកនាំប្រទេសព្រមទាំងចូលរួមក្នុងសកម្មភាពការដោះស្រាយបញ្ហាអន្តរជាតិជាច្រើន បន្ទាប់ពីប្រឡូកក្នុងឆាកនយោបាយតាំងពីឆ្នាំ1999 មកម្ល៉េះ។
និយាយពីជីវិតនៅអតីតកាលលោក Putin ដឹងក្តីនិងធំធាត់ឡើងក្នុងសម័យសហភាពសូវៀតរីកចម្រើន ដោយគ្រានោះលោកត្រូវរស់នៅជាមួយនឹងគ្រួសារចំនួនបីនៅក្នុងបន្ទប់អាផាតមិតមួយរួមគ្នា។ ជីតារបស់លោក Putin មានប្រវត្តិជាចុងភៅរបស់អតីតមេដឹកនាំកុម្មុយនីសដ៏ល្បីល្បាញរបស់រុស្សីលោក Lenin និងក្រោយមកក៏ធ្លាប់ធ្វើជាចុងភៅឱ្យមេដឹកនាំសូវៀតមួយរូបទៀត គឺលោក Stalin ។
កាលពីឆ្នាំ 2013 លោក Putin បានធ្វើរឿងភ្ញាក់ផ្អើលមួយដោយលោកបានប្រកាសសុំលែងលះជាមួយនឹងភរិយាដើមរបស់ខ្លួននៅក្នុងពេលដែលចូលរួមក្នុងកម្មវិធីជប់លៀងមួយ។ តែរឿងនេះ មិនមានអ្វីធ្វើឱ្យប៉ះពាល់ដល់ដំណើរជីវិតអ្នកទាំងពីរឡើយ។ លោកបានក្លាយជាម្ចាស់ខ្សែក្រវ៉ាត់ខ្មៅកីឡាយូដូ តាំងតែពីអាយុ 18 ឆ្នាំហើយលោកនៅតែហ្វឹកហាត់កីឡានេះដដែលមកទល់បច្ចុប្បន្ន ទោះបីមមាញឹកខ្លាំងយ៉ាងណាក្តី។
តាំងតែពីធំដឹងក្តីមក លោក Putin គឺជាមនុស្សដែលនិយមចូលចិត្តមើលសៀវភៅរឿងបែបចារកម្មបំផុត។ បុរសរូបនេះ មានប្រវត្តិធ្លាប់ប្រឡូកធ្វើជាចារកម្មដោយគាត់ចូលរួមជាមួយទីភ្នាក់ងារស៊ើបការណ៍ពិសេសរបស់សហភាពសូវៀត KGB តាំងពីឆ្នាំ 1980 ហើយធ្លាប់ជួយការងារចារកម្មរបស់សហភាពសូវៀតលើប្រទេសមួយចំនួនក្នុងតំបន់អ៊ឺរ៉ុប។
លោក Putin គេស្គាល់ថាជាអ្នកចូលចិត្តសត្វចិញ្ចឹមខ្លាំង ហើយពេលខ្លះលោកថែមទាំងនាំសត្វទាំងនោះទៅចូលរួមកិច្ចប្រជុំធំៗជាមួយនឹងមេដឹកនាំលើពិភពលោកទៀតផង។ លោកជាមនុស្សសិក្សាភាសាអាល្លឺម៉ង់និងអង់គ្លេសក្នុងពេលតំណាលគ្នា ប៉ុន្តែជាលទ្ធផលការប្រើប្រាស់ភាសាអាល្លឺម៉ង់គឺបានយ៉ាងស្ទាត់ជំនាញជាងភាសាអង់គ្លេស។
អាថ៌កំបាំងមួយមិនទាន់ជ្រះមន្ទិលពីសារធារណជន គឺមានព័ត៌មានជាច្រើនចេញផ្សាយថា កូនស្រីបង្កើតពីររូបរបស់លោកត្រូវបានរក្សាការសម្ងាត់អំពីការរស់នៅរបស់ពួកគេ ហើយថែមទាំងលាក់ឈ្មោះនិងប្រវត្តិពិតប្រាកដ ដើម្បីសិក្សានៅសាកលវិទ្យាល័យក្នុងប្រទេសលោកខាងលិចផងដែរ៕s
ជីវប្រវត្តិ: ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Education និង AMS Economy ។
របាយការណ៍សំខាន់
ព័ត៌មានទូទៅ
ទិវាអន្តរជាតិនារី ៨មីនា ៖ នាយកស្ដីទីអង្គការភ្លែនអន្តរជាតិកម្ពុជា ចង់ឃើញបុរសចេះចែករំលែកបន្ទុកគ្រួសារក្នុងការចិញ្ចឹមកូន
គំរូយុវតីជនជាតិដើមភាគតិច ៖ “ស្ត្រីត្រូវមានចំណូល និងជំនាញច្បាស់លាស់ មុនសម្រេចចិត្តរៀបការ”
កម្ពុជា ចិន កំពុងបណ្តុះបណ្តាលគ្រូភាសាចិន សម្រាប់ថ្នាក់អនុវិទ្យាល័យ និងវិទ្យាល័យ
ការកសាងពលរដ្ឋឌីជីថល គន្លឹះឆ្ពោះទៅរកភាពជោគជ័យនៃសេដ្ឋកិច្ច និងសង្គមឌីជីថលនៅកម្ពុជា
ឱកាសផ្លាស់ប្តូរការសិក្សានៅសាកលវិទ្យាល័យ Conservatorio Superio de Musica de Vigo ប្រទេសអេស្ប៉ាញ
កម្ពុជា បង្ហាញអាទិភាព៤ចំណុច ក្នុងការអភិវឌ្ឍធនធានមនុស្សសម្រាប់អនាគត
ក្រសួងអប់រំ បណ្តុះបណ្តាលគ្រូ២រយនាក់ លើជំនាញអប់រំបង្កើតហ្គេម
ឆ្លើយតបតម្រូវការឧស្សាហកម្មទំនើប រដ្ឋមន្រ្តីក្រសួងការងារ ជំរុញវិស័យឯកជន សហការជាមួយរាជរដ្ឋាភិបាល លើការបណ្តុះបណ្តាល TVET
វិធីសាស្រ្តធម្មជាតិ ៧ យ៉ាង ដើម្បីកាត់បន្ថយអាការតឹងច្រមុះ
រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅវិទ្យាស្ថានពហុបច្ចេកទេសខេត្តព្រះវិហារ
កម្មវិធីពិសេសរបស់ AMS EDUCATION
ព័ត៌មានសង្ខេប
