ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ក្នុងពេលវេលាពេលនៃការបិទខ្ទប់ (Lockdown) មនុស្សជាច្រើននៅផ្ទះគោរពតាមការណែនាំរបស់ក្រសួងសុខភិបាល។ ប៉ុន្តែទន្ទឹមគ្នានេះអារម្មណ៍ម្នាក់ៗរមែងតែងមិនស្ងប់សុខដោយបារម្ភពីស្ថានការណ៍ជំងឺកូវីដ-១៩ អាចបង្កជារឿងរ៉ាវស្មុគស្មាញសម្រាប់ជីវិត និងសុភមង្គលគ្រួសារ។ ដើម្បីចៀសឆ្ងាយពីកង្វល់ទាំងនោះ ដំណាក់កាលនេះសមាជិកគ្រួសារទាំងអស់គួរបង្កើតបរិយាកាសរីករាយនៅក្នុងគ្រួសារ បង្កើនទំនាក់ទំនងឱ្យល្អ និងចែករំលែកក្ដីស្រលាញ់ដល់គ្នាទៅវិញទៅមកដោយស្និទ្ធស្នាល។ នេះជាការយល់ឃើញរបស់អ្នកនាង នាង សុវ៉ាតនា ដែលមហាជនស្គាល់ថា Dj Nana ប្រាប់ដល់ AMS ។
អ្នកនាង នាង សុវ៉ាតនា បាននិយាថា
“ពោលពាក្យសរសើរដល់គ្នាឱ្យបានច្រើននៅពេលដែលសមាជិកគ្រួសាររបស់យើងចាប់ផ្ដើមធ្វើមួយ ឬក៏ជួយធ្វើកិច្ចការងារផ្ទះវាជារឿងដែលល្អបំផុត នោះនឹងនាំឱ្យមនុស្សម្នាក់ៗមានទឹកចិត្តធ្វើបន្ត ព្រមទាំងបង្កើតភាពស្និទ្ធិស្នាលផងដែរ”
អ្នកដោះស្រាយវិបត្តិរូបនេះ បានបន្ថែមថា នៅផ្ទះច្រើនមានបញ្ហាច្រើនដែលត្រូវជួបប្រទះ ប៉ុន្តែជាឱកាសចែករំលែកក្ដីសេចក្ដីស្រលាញ់ និងបង្ហាញឱ្យឃើញរូបភាពល្អណាមួយនៅក្នុងក្រុមគ្រួសារ។
“ជាក់ស្ដែងខ្ញុំមិនចេះធ្វើម្ហូបនោះទេ ប៉ុន្តែពេលនេះនៅផ្ទះច្រើន មានពេលធ្វើម្ហូបឱ្យស្វាមី និងក្រុមគ្រួសារ ហើយនេះជាពេលវេលាដែលទទួលបានពាក្យសរសើរអំពីអ្វីដែលយើងខិតខំធ្វើ វាគឺជាក្ដីសុខមួយបែបដ៏មានភាពរីករាយ”
អ្នកនាង នាង សុវ៉ាតនា យល់ថា សមាជិកគ្រួសារត្រូវចេះជួយសម្រាលធុរៈគ្នា តាមរយៈការបង្កើនសេចក្ដីសុខដល់ផ្លូវកាយ និងផ្លូវចិត្ត ហើយជួយការងារណាដែលអាចធ្វើបាន និងចៀសវាងការមើលបំណាំគ្នា។ សមាជិកគ្រួសារអាចកាត់បន្ថយភាពតានតឹងផ្លូវចិត្ត ដោយព្យាយាមធ្វើអ្វីមួយជាសកម្មភាពគ្រួសារមិនមែនជាសកម្មភាពឯកជន។
អ្នកនាង នាង សុវ៉ាតនា
“ពាក្យថាសុភមង្គលនៅក្នុងគ្រួសារ មានន័យថាកន្លែងរស់នៅប្រចាំថ្ងៃទាំងឡាយណា ធ្វើអារម្មណ៍មានផាសុខភាព មិនទាស់ចិត្ត មិនរអៀសចិត្ត និងមិនធ្វើឱ្យយើងធុញទ្រាន់គ្នា”
គួរបញ្ជាក់ថា សកម្មភាពគ្រួសារដែលលើកឡើងខាងលើមាន ដូចជា សមាជិកគ្រួសារចេះជួយធ្វើម្ហូបរួមគ្នា ជួយគ្នាលាងចាន ជួយថែទាំកូន ជួយបង្រៀនកូនដោយក្តីស្រឡាញ់និងស្និទស្នាលជាដើម។ ទម្លាប់ជួយគ្នាទៅវិញទៅមកនៅក្នុងគ្រួសារ ការពោលពាក្យសរសើរលើកដល់គ្នា ទើបធ្វើឱ្យគ្រួសារធ្វើរឿងអ្វីថ្មីៗ និងមានប្រយោជន៍ទាំងអស់គ្នា៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
គួរចាត់ចែងលុយបែបណា ដើម្បីឱ្យសល់ក្រោយចប់ភ្ជុំ និងចាយគ្រប់ដល់ចុងខែ?
អតីតសិស្សនិទ្ទេស A ចែករំលែកគន្លឹះត្រៀមខ្លួនមួយសប្ដាហ៍មុនប្រឡងបាក់ឌុប
តើកិច្ចបោះបាយបិណ្ឌ មានទំនាក់ទំនងនឹងព្រះពុទ្ធសាសនា ឬទេ?
ចាប់យកឱកាសទំនេរពីការងារ កញ្ញា សាត ស្រីម៉ៅ អាចស្វែងរកប្រាក់ចំណូលបន្ថែមក្នុងឱកាសបុណ្យភ្ជុំបិណ្ឌ
តើក្នុងនាមជាពុទ្ធបរិស័ទត្រូវការយកចិត្តទុកដាក់ អំពីទេយ្យទានដែលគិតគូរពីសុខភាពរបស់ព្រះសង្ឃដែរឬទេ?
ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង
រដ្ឋមន្រ្តីអប់រំ ៖ ការប្រឡងបាក់ឌុប មិនមែនជាគោលដៅកំណត់ជោគវាសនាយុវជនទាំងស្រុងទេ
និស្សិតខ្មែរនៅសហរដ្ឋអាមេរិកត្រៀមទៅវត្តពោធិមោនារាម នាទីក្រុង Pomona ក្នុងឱកាសបុណ្យភ្ជុំបិណ្ឌ
ថ្ងៃឈប់សម្រាកទៅស្រុកកំណើត, គួរធ្វើដូចម្ដេច ដើម្បីការពារខ្លួនពីសម្ពាធផ្លូវចិត្តដោយសារសំណួរអ្នកជិតខាង?
កម្មវិធីពិសេសរបស់ AMS EDUCATION
ព័ត៌មានសង្ខេប
