សៀវភៅបំណិនជីវិត នឹង​ត្រូវ​ដាក់​ឱ្យ​បង្រៀននៅតាមសាលារៀនគោលដៅ ដើម្បីជួយ​សិស្សឱ្យ​មានសមត្ថភាព​អភិវឌ្ឍខ្លួន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

ថ្លែងក្នុងពិធីបើកសិក្ខាសាលាឆ្លុះបញ្ចាំងស្ដីពី ការអនុវត្តកម្មវិធីបំណិនជីវិត “ការដាក់ទុនលើជំនាញថ្មីដើម្បីអនាគត” នៅតាមសាលាមធ្យមសិក្សាចំណេះទូទៅ កាលពីកន្លងទៅថ្មីៗនេះ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា សាលារៀនគោលដៅទាំងអស់នឹងត្រូវប្រើប្រាស់សៀវភៅបំណិនជីវិតដើម្បីបង្រៀននៅបឋមសិក្សា ចាប់ពីថ្នាក់ទី៤ដល់ថ្នាក់ទី៤ និងមធ្យមសិក្សា ចាប់ពីថ្នាក់ទី៧ដល់ថ្នាក់ទី៩ ដើម្បី​ឱ្យ​សិស្ស​មានសមត្ថភាព​អភិវឌ្ឍខ្លួន គ្រួសារ និង​សហគមន៍។

ឯកឧត្តមបណ្ឌិតសភាចារ្យ ហង់ជួន ណារ៉ុន សម្រាប់​ការ​អនុវត្ត​កម្មវិធីបំណិនជីវិត គ្រូបង្រៀនត្រូវមានកាលវិភាគច្បាស់លាស់ ដោយបង្រៀនសិស្សឱ្យមានសមត្ថភាពស្វែងយល់ពីបញ្ហា ចេះស្វែងរកនូវដំណោះស្រាយដែលកើតមានជាក់ស្តែងក្នុងសហគមន៍មូលដ្ឋាន និងក្នុងបរិបទពិភពលោក។

ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា

រដ្ឋមន្រ្តីក្រសួងអប់រំបន្ថែមថា ដើម្បីឱ្យការអនុវត្តកម្មវិធីការអប់រំបំណិនជីវិតតាមសាលារៀនដំណើរការបានដោយភាពរលូនល្អ និងមានប្រសិទ្ធភាព អង្គភាពពាក់ព័ន្ធទាំងអស់ធ្វើការសហការគ្នាជាមួយដៃគូពាក់ព័ន្ធដូចជា អង្គការយូនីសេហ្វ និងអង្គការរូមធូរីដ លើការអនុវត្តកម្មវិធីបំណិនជីវីត ដើម្បីប្រមូលរួមបញ្ចូលឱ្យទៅជាកម្មវិធីតែមួយ រៀបចំជាឯកសាររួមសម្រាប់ក្រសួងអប់រំ ដាក់ឱ្យអនុវត្តជាផ្លូវការក្នុងកម្មវិធីសិក្សា ដើម្បីឱ្យមានភាពជាម្ចាស់លើគម្រោង និងធានាបាននូវនិរន្តរភាពក្រោយ បញ្ចប់គម្រោង។ ជាមួយគ្នាត្រូវអនុវត្តវិធីសាស្រ្តបង្រៀនថ្មីៗ ព្រោះសៀវភៅបំណិនជីវិតតែមួយមុខ គឺមិនគ្រប់គ្រាន់នោះទេ ពោលគឺលោកគ្រូ អ្នកគ្រូ ត្រូវសិក្សាស្វែងយល់ពីវិធីសាស្ត្របង្រៀនសម្រាប់សិស្សសតវត្សទី២១ ដោយត្រូវបង្រៀនសិស្សឱ្យសិក្សាស្វែងយល់ ស្រាវជ្រាវ សរសេរ និងចេះរៀនដោយខ្លួនឯង តាមរយៈការអនុវត្តផ្ទាល់ ការធ្វើពិសោធន៍ផ្សារភ្ជាប់នឹងទ្រឹស្តី ការបង្កើតចម្ងល់ ស្វែងរកព័ត៌មាន វិភាគ និងរកដំណោះស្រាយ និងផ្លាស់ប្តូរជាវិជ្ជមានពីរបៀបគិត របៀបរៀន របៀបធ្វើការ និងរបៀបរស់នៅ ប្រកបដោយសុខដុមរមនា និងបណ្តុះស្មារតីសិស្សឱ្យស្រឡាញ់ការរៀនសូត្រ ដើម្បីឱ្យពួកគាត់ក្លាយជាមូលធនមនុស្សសម្រាប់ចូលរួមក្នុងការអភិវឌ្ឍសេដ្ឋកិច្ចសង្គមជាតិ។

សៀវភៅបំណិនជីវិត ត្រូវ​បានសហការរៀបចំចងក្រងដោយ ក្រសួងអប់រំ យុវជន និងកីឡា ជាមួយអង្គការ UNICEF និង KAPE ។ សៀវភៅនេះមានចំនួន៨ក្បាលសម្រាប់កុមារវ័យជំទង់ និងមនុស្សពេញវ័យ រួមមាន ចំណងជើង ១). ខ្ញុំ និងបរិស្ថានជុំវិញខ្ញុំ ២). ខ្ញុំ និងរាងកាយខ្ញុំ ៣). ខ្ញុំ អារម្មណ៍ខ្ញុំ និងទំនាក់ទំនងរបស់ខ្ញុំ ៤). ខ្ញុំ និងបំណងប្រាថ្នារបស់ខ្ញុំ ៥). ខ្លួនឯង ៦). ស្វ័យប្រសិទ្ធភាព ៧). សមត្ថភាពធ្វើការ និង ៨). សមត្ថភាពរកការងារ។

ពិធីបើកសិក្ខាសាលាឆ្លុះបញ្ចាំងស្ដីពី ការអនុវត្តកម្មវិធីបំណិនជីវិត “ការដាក់ទុនលើជំនាញថ្មីដើម្បីអនាគត” នៅតាមសាលាមធ្យមសិក្សាចំណេះទូទៅ

លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា សៀវភៅបំណិនជីវិត ផ្តល់សារសំខាន់សម្រាប់សិស្សកម្រិតបឋមសិក្សា និងមធ្យមសិក្សា ក្នុងការសិក្សាស្រាវជ្រាវបន្ថែមមុនពេលសិក្សាក្នុងថ្នាក់ ក្រោយពេលសិក្សាក្នុងថ្នាក់ និងក្នុងការអនុវត្តជាក់ស្តែងក្នុងសកម្មភាពក្រុម ឬសកម្មភាពក្នុងសហគមន៍។

បើតាមលោកជំទាវ ឃួន វិច្ឆិកា ក្រសួងអប់រំ មានបំណងលើកកម្ពស់មុខវិជ្ជាបំណិនជីវិតតាមមូលដ្ឋាន ដែលជាផ្នែកមួយនៃកិច្ចខិតខំប្រឹងប្រែងយ៉ាងទូលំទូលាយដើម្បីកែលម្អគុណភាពនៃការបង្រៀន និងរៀននៅគ្រប់កម្រិតនៃការអប់រំ។ លោកជំទាវបន្តថា កម្មវិធីសិក្សាបំណិនជីវិតតាមមូលដ្ឋាន បានរៀបចំឡើងស្របតាមគោលដៅរបស់ក្រសួង ក្នុងការជំរុញវិធីសាស្រ្តការសិក្សាអាស្រ័យលើការងារគម្រោង ជាមួយការអនុវត្តជាក់លាក់នៃការសិក្សាអាស្រ័យលើបញ្ហាដែលជាផ្នែកមួយនៃវិធីសាស្ត្របង្រៀនបំណិនជីវិតតាមមូលដ្ឋាន។

លោកស្រីបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា

អ្នកនាំពាក្យ​ក្រសួងអប់រំបន្ថែមថា ការអនុវត្តមុខវិជ្ជាបំណិនជីវិតតាមមូលដ្ឋាន ជាមុខវិជ្ជាមួយក្នុងកម្មវិធីសិក្សា ដែលនឹងជំរុញលទ្ធផលសិក្សារបស់សិស្សានុសិស្ស ដូចជា ជួយអភិវឌ្ឍសមត្ថភាពរបស់សិស្សឱ្យបានពេញលេញរួមមាន ចំណេះដឹង បំណិនទន់ បំណិនបច្វេកទេស ភាពជាអ្នកដឹកនាំ និងទំនុកចិត្ត។ បង្រៀនសិស្សអំពីរបៀបរៀន ដែលអាចជួយឱ្យពួកគេរៀនដោយខ្លួនឯងដោយផ្តោតពីបញ្ហា និងឱកាសដែលមាននៅក្នុងសហគមន៍ និងពិភពលោក។ សិស្សមានការផ្លាស់ប្តូរឥរិយាបថ និងមានជំនឿជាក់លើខ្លួនឯង។ សិស្សមានការសប្បាយរីករាយ ប្រកបដោយការទទួលខុសត្រូវ ព្រមទាំងអភិវឌ្ឍបំណិន និងគុណតម្លៃដែលជាតម្រូវការក្នុងជីវភាពរស់នៅ និងទីផ្សារការងារក្នុងសតវត្សទី២១៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រចក្ខុគិលានុបដ្ឋាក នៅសាកលវិទ្យាល័យវិទ្យាសាស្ត្រសុខាភិបាល ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 19/02/2025

សាកលលវិទ្យាល័យវិទ្យាសាស្ត្រសុខាភិបាល នឹងធ្វើការជ្រើសរើសនិស្សិតចូលសិក្សាថ្នាក់បរិញ្ញាបត្រចក្ខុគិលានុបដ្ឋាក ជំនាន់ទី៩ ចំនួន៥០នាក់ ដោយក្នុងនោះនឹងផ្ដល់អាហារូបករណ៍ចំនួន៥កន្លែងពីកម្មវិធីអាហារូបករណ៍ The Fred Hollows Foundation...

អាហារូបករណ៍ក្រោយឧត្តមសិក្សា​ជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់

ព័ត៌មានអាហារូបករណ៍, ព្រឹត្តិការណ៍

• 07/02/2025

កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍​ថ្នាក់ក្រោយ​ឧត្តមសិក្សា​ចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យ​សាធារណៈ និងឯកជន) លើមុខជំនាញពាក់ព័ន្ធ​នឹង​ការ​ប្រែប្រួលអាកាសធាតុ...

ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ

ព័ត៌មានអាហារូបករណ៍, ព្រឹត្តិការណ៍

• 03/09/2025

តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)

ឱកាសសិក្សានៅសាកលវិទ្យាល័យធនធានមនុស្សចំនួន៤៥កន្លែងពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 10/11/2023

ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅសាកលវិទ្យាល័យធនធានមនុស្សចំនួន៤៥កន្លែង ពីកម្មវិធីអាហារូបករណ៍អភិសន្តិបណ្ឌិត.....

សាកលវិទ្យាល័យភូមិន្ទភ្នំពេញជ្រើសរើសនិស្សិត​អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី

ព័ត៌មានអាហារូបករណ៍, ព្រឹត្តិការណ៍

• 25/01/2023

សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...

វិទ្យាស្ថានពហុបច្ចេកទេស​ខេត្តកោះកុង ផ្តល់អាហារូបករណ៍សិក្សា​ជំនាញ​ឥតគិតថ្លៃ ព្រមទាំងផ្តល់ជូនកន្លែងស្នាក់នៅ

ព័ត៌មានអាហារូបករណ៍, ព្រឹត្តិការណ៍

• 07/07/2025

វិទ្យាស្ថាន​ពហុបច្ចេកទេស​ខេត្តកោះកុង បានប្រកាស​ផ្តល់អាហារូបករណ៍ ១០០% ដល់យុវជន ពលករចំណាកស្រុក ក៏​ដូចជា​ប្រជាពលរដ្ឋទូទៅ​ដែល​ចង់ទទួលបានជំនាញ ដើម្បីប្រកប​របរចិញ្ចឹមជីវិត និង​ធ្វើការងារ​នៅ​តាម​សហគ្រាស​ឧស្សាហកម្ម​នានា។

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Boston សហរដ្ឋអាមេរិកឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 04/09/2023

ឱកាសសិក្សាថ្នាក់បរិញ្ញាបត្រនៅសាកលវិទ្យាល័យBoston ពីកម្មវិធីអាហារូបករណ៍ Trustee 2024 នៅសហរដ្ឋអាមេរិក ។ អាហារូបករណ៍ផ្ដល់ជូនចំនួន២០កន្លែងសម្រាប់ការ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Chulalongkorn

ព័ត៌មានអាហារូបករណ៍, ព្រឹត្តិការណ៍

• 23/04/2025

កម្មវិធីអាហារូបករណ៍ Chulalongkorn University’s Graduate Scholarship Program ប្រកាសជ្រើសរើស និស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ អាហារូបករណ៍ផ្ដល់ជូនសម្រាប់បេក្ខជនដែលជាពលរដ្ឋមកពីប្រទេស....

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *