ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ DAAD ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ចំនួន៣ឆមាស នៅសាកលវិទ្យាល័យ Berlin នៃប្រទេសអាល្លឺម៉ង់ ។ អាហារូបករណ៍ផ្ដល់ជូនសម្រាប់និស្សិតទាំងអស់ដែលមកពីប្រទេសកំពុងអភិវឌ្ឍសម្រាប់សិក្សាផ្នែកវិទ្យាសាស្ត្រ។
លក្ខខណ្ឌសម្រាប់ការដាក់ពាក្យស្នើសុំអាហារូបករណ៍ បេក្ខជនត្រូវមកពីប្រទេសកំពុងអភិវឌ្ឍន៍ មានបទពិសោធន៍ការងារ២ឆ្នាំ បានបញ្ចប់ការសិក្សាថ្នាក់បរិញ្ញាបត្រ (ក្នុងរយៈពេល៦ឆ្នាំចុងក្រោយ) វិញ្ញាបនបត្របញ្ជាក់ភាសាអង់គ្លេស និងបានបំពេញតាមតម្រូវការចូលរៀនសម្រាប់វគ្គ MIDE។ បេក្ខជនត្រូវភ្ជាប់ឯកសារចាំបាច់មួយចំនួនដូចជា ប្រវត្តិរូបសង្ខេប (CV) លិខិតលើកទឹកចិត្ត ប្រតិចារិក ឬកំណត់ត្រា និងសញ្ញាបត្រ ច្បាប់ចម្លងលិខិតឆ្លងដែនដែលមានសុពលភាព ប្រតិបត្តិពិន្ទុ សញ្ញាបត្របញ្ជាក់ភាសាអង់គ្លេស និងសញ្ញាបត្រមធ្យមសិក្សាទុតិយភូមិ។
ជំនាញដែលសិស្សត្រូវសិក្សាទាំង៣ឆមាសសិក្សារួមមាន មីក្រូសេដ្ឋកិច្ច និងការអភិវឌ្ឍន៍ ម៉ាក្រូសេដ្ឋកិច្ច និងការអភិវឌ្ឍន៍ សេដ្ឋកិច្ចអន្តរជាតិសម្រាប់សតវត្សរ៍ទី២១ ទ្រឹស្តីនៃការអភិវឌ្ឍន៍ បទដ្ឋាន ស្ថាប័ន និងវឌ្ឍនភាពសង្គម ទំនាក់ទំនងខាងក្រៅរបស់ប្រទេសអាល្លឺម៉ង់ វិធីសាស្រ្តស្រាវជ្រាវក្នុងវិទ្យាសាស្ត្រសង្គម ការធ្វើផែនការ ការត្រួតពិនិត្យ និងការវាយតម្លៃគម្រោង គោលនយោបាយអភិវឌ្ឍន៍ និងកិច្ចសហការស្រាវជ្រាវ ហិរញ្ញវត្ថុសាធារណៈសម្រាប់ការអភិវឌ្ឍន៍ ការការពារសង្គមនៅក្នុងប្រទេសដែលមានចំណូលទាប និងមធ្យម ប្រធានបទនៃសេដ្ឋកិច្ចអន្តរជាតិ និងការអភិវឌ្ឍន៍ ធនាគារកណ្តាល ការអភិវឌ្ឍន៍ប្រព័ន្ធហិរញ្ញវត្ថុ សមាហរណកម្មតំបន់រដ្ឋនៅក្នុងអាជីវកម្ម សេដ្ឋកិច្ចបរិស្ថាន និងធនធាន កិច្ចសហប្រតិបត្តិការអភិវឌ្ឍន៍ សេដ្ឋកិច្ច។
អត្ថប្រយោជន៍ផ្នែកហិរញ្ញវត្ថុដែលដែលបេក្ខជនជ័យលាភីអាហារូបករណ៍ទទួលបានរួមមាន ការសិក្សាឥតគិតថ្លៃពេញលេញ ប្រាក់ឧបត្ថម្ភប្រចាំខែពី៩០០ ទៅ១០០០អឺរ៉ូ ការធានារ៉ាបរងផ្នែកវេជ្ជសាស្ត្រ ថ្លៃធ្វើដំណើរ ថ្លៃជួលកន្លែងស្នាក់នៅ និងប្រាក់ឧបត្ថម្ភប្រចាំខែសម្រាប់សមាជិកគ្រួសារអមដំណើរ ។ លើសពីនេះ បេក្ខជនក៏មានឱកាសសិក្សាស្រាវជ្រាវជាមួយសាស្រ្តាចារ្យអន្តរជាតិជាច្រើន ការបណ្ដុះបណ្ដាលភាសា និងជំនាញអន្តរវប្បធម៌ ដំណើរសិក្សា គម្រោងជាមួយដៃគូនៅក្នុងប្រទេសអាល្លឺម៉ង់ និងក្រៅប្រទេស ការប្រៀបធៀបអន្តរជាតិ និងការផ្តោតអារម្មណ៍ក្នុងតំបន់សិក្សាជាដើម។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://www2.daad.de/deutschland/studienangebote/international-programmes/en/detail/3797/#tab_overview ។ ផុតកំណត់ទទួលពាក្យថ្ងៃទី០១ ខែសីហា ឆ្នាំ២០២៤៕
