ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Australlian Government Rerearch Training Program (AGRTP) នៅសាកលវិទ្យាល័យជាតិអូស្ត្រាលីឆ្នាំសិក្សា២០២៤ (Australian National University)។
ជំនាញដែលអាហារូបករណ៍ផ្ដល់ជូនសម្រាប់សិក្សាស្រាវជ្រាវរួមមាន ៖ ការសិក្សាងំពីមនុស្សធម៌ ការសិក្សាជនជាតិដើមភាគតិច វិទ្យាសាស្ត្រសង្គម សិល្បៈ ជីវចម្រុះ បម្រែបម្រួលអាកាសធាតុ ផែនដីនិងវិទ្យាសាស្ត្របរិស្ថាន ការគ្រប់គ្រងធនធាននិងបរិស្ថាន សន្តិសុខស្បៀងអាហារ ភាពធន់និងការសម្របខ្លួន គោលនយោបាយសុខភាព សុខភាពផ្លូវចិត្តនិងការយល់ដឹង កំណើនសេដ្ឋកិច្ចនិងសុខុមាលភាព និងការសិក្សាជំនាញជាច្រើនទៀត។
តម្រូវការអាហារូបករណ៍របស់សាកលវិទ្យាល័យជាតិអូស្ត្រាលី ៖ ជាបេក្ខជនថ្នាក់បរិញ្ញាបត្រជាន់ខ្ពស់ និងបេក្ខជនថ្នាក់បណ្ឌិតដែលមកពីគ្រប់ប្រទេសរួមទាំងកម្ពុជា លើកលែកតែប្រទេសអូស្ត្រាលី និងនូវែលសេឡង់។ ជាមួយគ្នានេះបេក្ខជនដែលត្រូវបានជ្រើសរើសនឹងផ្អែកទៅលើគុណសម្បត្តិដែលបេក្ខជនមាន។ បេក្ខជនដែលស្នើពាក្យអាហារូបករណ៍ទាំងអស់ត្រូវបានលើកទឹកចិត្តឱ្យទាក់ទងទៅកាន់សាកលវិទ្យាល័យដោយផ្ទាល់ដើម្បីស្វែងយល់បន្ថែម និងលម្អិតអំពីប្រធានបទស្រាវជ្រាវសិក្សាផ្សេងៗ។
អត្ថប្រយោជន៍ដែលបេក្ខជនជ័យលាភីអាហារូបករណ៍ទទួលបានរួមមាន ប្រាក់ឧបត្ថម្ភ ២ឆ្នាំសម្រាប់ថ្នាក់បរិញ្ញាបត្រជាន់ខ្ពស់ និង៣ឆ្នាំសម្រាប់ថ្នាក់បណ្ឌិតដែលមានចំនួន៣៦,៦៥២ដុល្លារក្នុងមួយឆ្នាំ ។ លើសពីនេះថ្លៃធ្វើដំណើរ ប្រាក់ឧបត្ថម្ភនិក្ខេបទ ការចំណាយលើការស្នាក់នៅ ថ្លៃសិក្សាផ្សេងៗ ថ្លៃធានារ៉ាប់រងសុខភាព និងសេវាសុខាភិបាលជាដើម។
សម្រាប់ព័ត៌មានបន្ថែមអាចចូលទៅកាន់ https://study.anu.edu.au/scholarships/find-scholarship/australian-government-research-training-program-agrtp-stipend ។ ផុតកំណត់ទទួលពាក្យថ្ងៃទី៣១ ខែសីហា ឆ្នាំ២០២៤៕
