ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អ្នកជំនាញដែលសិក្សាអំពីសុភមង្គលដ៏ល្បីល្បាញមួយរូប លោក Arthur C. Brooks បានសហការជាមួយ Gallup និង Walton Family Foundation ដើម្បីស្ទង់មតិលើ មនុស្សជំនាន់ហ្ស៊ី (Gen Z) ចំនួន ២ពាន់នាក់ ដើម្បីស្វែងយល់ពីបុព្វហេតុ ដែលនាំឱ្យពួកគេអាចរស់នៅជាមួយនឹងសុភមង្គលពេញលេញ។
ការសិក្សាបានរកឃើញថា រឿងចម្បង និងសំខាន់បំផុត ដែលមានឥទ្ធិពលលើសុភមង្គមរបស់មនុស្សជំនាន់នេះ គឺ ភាពមានគោលបំណងច្បាស់លាស់ទៅលើការងារ និងការសិក្សា។ របាយការណ៍បានបង្ហាញថា ចន្លោះពី ៤៣ ទៅ ៤៩ភាគរយ នៃមនុស្សជំនាន់ហ្ស៊ី (Gen Z) មានអារម្មណ៍ថា អ្វីដែលពួកគេកំពុងធ្វើរាល់ថ្ងៃ គឺមិនគួរឱ្យចាប់អារម្មណ៍ មិនសំខាន់ និងគ្មានកម្លាំងជំរុញ។
ទន្ទឹមនឹងនេះ មានកត្តាសំខាន់ៗចំនួនបួន ដែលមានឥទ្ធិពលលើសុភមង្គលរបស់មនុស្សជំនាន់ហ្ស៊ី (Gen Z) កត្តាទាំងនោះមានដូចជា ការរស់នៅជាមួយគោលបំណង និងអត្ថន័យជីវិត, មានសុវត្ថិភាព និងតម្រូវការមូលដ្ឋានគ្រប់គ្រាន់, អាចទប់ទល់នឹងអារម្មណ៍អវិជ្ជមាន និងសម្ពាធសង្គម, ទំនាក់ទំនងវិជ្ជមានក្នុងសង្គម។
ការសិក្សាបានកត់សម្គាល់ថា តម្រូវការមូលដ្ឋាន ដូចជា ការគេងគ្រប់គ្រាន់ និងការសម្រាកលំហែ មានឥទ្ធិពលខ្លាំងទៅលើអារម្មណ៍ និងសេចក្ដីសុខរបស់ពួកគេ ហើយការប្រៀបធៀបខ្លួនឯងជាមួយអ្នកដទៃ ធ្វើឱ្យពួកគេមិនសប្បាយចិត្ត។
លទ្ធផលនៃការស្រាវជ្រាវបញ្ជាក់ថា Gen Z ដែលរស់នៅមានអារម្មណ៍សប្បាយចិត្តខ្លាំង ភាគច្រើនមានទំនងទំនងល្អជាមួយមនុស្សជុំវិញខ្លួន។ អ្វីដែលរឹតតែសំខាន់នោះ គឺពួកគេទទួលបានក្ដីស្រឡាញ់ ការគាំទ្រ និងលើកទឹកចិត្តពីសំណាក់មនុស្សជាទីស្រឡាញ់ ដូចជា គ្រួសារ មិត្តភក្ដិ និងដៃគូជីវិតជាដើម។
ត្បិតថា សម័យបច្ចេកវិទ្យាមនុស្សងាយស្រួលបង្កើតទំនងទំនង ប៉ុន្តែទំនាក់ទំនងភាគច្រើន មិនមានលក្ខណៈស៊ីជម្រៅនោះទេ។ ដូច្នេះ មនុស្សជំនាន់ហ្ស៊ី (Gen Z) មានទំនោរចង់មានទំនាក់ទំនង មានគុណភាព និងរយៈពេលវែង៕
