គោលដៅធំចំនួន៤ ដើម្បីអប់រំមនុស្ស​ឱ្យ​ក្លាយជាពលរដ្ឋល្អ

គោលដៅនៃការអប់រំ មិន​មែនត្រឹមតែផ្តល់ចំណេះដឹងតែមួយ​មុខនោះទេ ប៉ុន្តែគឺជាការអប់រំ​មនុស្ស​មួយ​ឱ្យ​ទៅជា​ពលរដ្ឋល្អ ដោយ​ទាមទារ​នូវ​គោលដៅធំៗ​ចំនួន ៤ រួមមាន រៀនដើម្បីចេះដឹង, រៀនដើម្បីចេះធ្វើ, រៀន​ដើម្បី​មានសីលធម៌ល្អ និង រៀន​ដើម្បីចេះរួមរស់ជាមួយគ្នា។

តើរៀនដើម្បីចេះដឹង មានន័យយ៉ាងដូចម្តេច ?

លោកបណ្ឌិត យង់ ពៅ អគ្គលេខាធិការ នៃរាជបណ្ឌិតសភាកម្ពុជា បកស្រាយថា ពលរដ្ឋទាំងអស់​កើត​នៅក្នុងសង្គម មានជីវិត​នៅ​លើភពផែនដី កើត​មកគឺដោយគ្មានចំណេះដឹងដូចគ្នា គ្រាន់តែសម្បទាអាចខុសគ្នាបន្តិចបន្តួច ប៉ុន្តែអ្វីដែលទទួលបានគឺតាមរយៈ​ការអប់រំ​ឱ្យមានចំណេះដឹង។ លោកថា ប្រសិនបើ​មនុស្ស​ណាម្នាក់​មិន​ទទួល​បាន​ការ​អប់រំទេ គឺគាត់នឹងមិនមានចំណេះដឹងអ្វី​ដើម្បីប្រកបរបរចិញ្ចឹមជីវិតនោះទេ។

លោកបណ្ឌិតបានលើកជាឧទាហរណ៍ថា យើងអាច​ប្រៀបធៀបបាន ប្រសិនបើមនុស្សណាម្នាក់កើតហើយ គាត់​រស់​នៅក្នុង​សង្គមដែលអបាយមុខ គឺគាត់ទៅតាមបែបអបាយមុខ, តែបើមនុស្សកើត​មក​នៅក្នុងសង្គមអប់រំ គឺគាត់នឹងទទួលបានចំណេះដឹង ដូច្នេះមានន័យថា អ្វីៗដែលគាត់ទទួលបាន គឺតាមរយៈ ការអប់រំ​ឱ្យ​មានចំណេះដឹង។

អ្វីទៅជាការរៀនដើម្បីចេះធ្វើ ?

លោកបណ្ឌិត យង់ ពៅ មានប្រសាសន៍ថា ការណ៍​នេះបើនិយាយដោយខ្លី ងាយស្តាប់ គឺមនុស្ស​មានចំណេះដឹងហើយ ត្រូវតែមានការអនុវត្តជាក់ស្តែង ហ្វឹកហាត់ជាក់ស្តែង​ទៅ​ដល់អ្នក​ទទួលបាន​ការ​អប់រំ ទទួលបាន​ការ​សិក្សា។ លោកបណ្ឌិតបន្តថា កាលណាដែល​យើង​រៀនចប់ តែអត់ចេះធ្វើអ្វី គឺជាកំហុសឆ្គងមួយ ដូច្នេះ​នៅ​ក្នុងវិស័យអប់រំ គឺគេ​បានរៀបចំ​ជាម៉ោង​ហាត់ការ ឬក៏​នៅ​ក្នុងវិទ្យាសាស្រ្តពិត គឺគេមានមន្ទីរពិសោធន៍ ដោយ​មានន័យថា អ្នក​ដែលបានរៀន គឺទៅហាត់ការជាក់ស្តែង ។ បើតាមលោកបណ្ឌិត កាលណាមនុស្ស​មានចំណេះដឹង ចំណេះធ្វើ គឺគេអាច​ធ្វើការងារជាក់ស្តែង​ក្រោយពីរៀនចប់ ដោយ​កុំថាឡើយចប់មហាវិទ្យាល័យ សូម្បីចប់មធ្យមសិក្សា ក៏​គេ​អាច​បង្កើតមុខរបរចិញ្ចឹមជីវិត និង​ក្លាយជាពលរដ្ឋ​ល្អបានដែរ ប្រសិនបើ​យើង​រៀបចំ​ប្រព័ន្ធអប់រំ​ត្រឹមត្រូវ។

រៀនដើម្បីមានសីលធម៌ល្អ

សសរស្តម្ភទី៣ នៃការអប់រំ គឺរៀន​ចើម្បីជាពលរដ្ឋល្អ មានសីលធម៌ល្អ, លោកបណ្ឌិត យង់ ពៅ មានប្រសាសន៍ថា រៀនដើម្បីក្លាយជាពលរដ្ឋល្អ មានសីលធម៌ល្អ ក៏ជាអ្វី​ដែលទទួលបានពីការ​អប់រំដែរ ដោយ ចំណេះដឹង ចំណេះធ្វើ ឬក៏ចំណេះដឹងវិទ្យាសាស្រ្តទាំងឡាយ ប្រសិនបើមិនមានសីលធម៌ល្អទេ មិន​មានសីលធម៌ពលរដ្ឋល្អទេ មិន​មានមនសិការល្អទេ គឺទៅជាមនុស្សដែលបាត់បង់ប្រយោជន៍ រួមទាំងធ្វើ​ឱ្យ​ខាតប្រយោជន៍សង្គមជាតិ ឬក៏អាចក្លាយជាអ្នកដើរតួនាទីកកូរកកាយក្នុងសង្គមជាតិ ឬក៏ប្រឆាំងនឹងផលប្រយោជន៍ជាតិក៏មាន ។ ដូច្នេះ​ច្បាស់ណាស់ថា វិស័យអប់រំ ត្រូវតែបញ្ចូលមនសិការជាតិ​ឱ្យ​ប្រជាពលរដ្ឋក្លាយជាពលរដ្ឋល្អ មានសីលធម៌ល្អ ។

អគ្គលេខាធិការរាជបណ្ឌិតសភាមានប្រសាសន៍បញ្ជាក់ថា ការដាក់បញ្ចូល​មនសិការជាតិ​ ដើម្បី​ឱ្យសិស្ស​ក្លាយ​ជាពលរដ្ឋ​ល្អ មានសីលធម៌ល្អ គឺគេ​អាច​បញ្ចូល​បាន​តាមរយៈ​មុខវិជ្ជា​ពលរដ្ឋ​វិទ្យា មុខវិជ្ជាប្រវត្តិសាស្រ្តជាដើម ដោយ​នៅ​ក្នុងកម្មវិធីសិក្សា​ថ្នាក់មធ្យមសិក្សា​មានអស់ហើយ, លោកបណ្ឌិតថា ប្រសិនបើពលរដ្ឋ​មិន​មាន​មនសិការជាតិទេ គឺគេមិន​យល់ពីគុណតម្លៃជាតិ ផលប្រយោជន៍ឡើយ។

រៀនដើម្បីចេះរស់នៅក្នុងសង្គម

លោកបណ្ឌិត យង់ ពៅ មានប្រសាសន៍ថា សសរស្តម្ភទី៤ នៃការអប់រំនេះ គឺមិនខុសគ្នាពីសសរស្តម្ភទី៣នោះទេ ដោយកាលណាពលរដ្ឋ​មានមនសិការជាតិហើយ គឺគេ​នឹង​យល់ដឹងពី​ការ​ចូលរួម​ក្នុងសង្គម ធ្វើ​ឱ្យសង្គម​រឹងមាំ មានសុខដុមក្នុងសង្គម សង្គមមានសុខមាលភាពល្អ។

យ៉ាងណាក៏ដោយសរុបជារួម គោលដៅនៃការអប់រំ មិន​មែនផ្តោត​តែទៅលើចំណេះរឹងនោះទេ តែត្រូវ​មានជំនាញទន់ផងដែរ ពោលគឺមនុស្ស​មិន​មែន​មាន​ត្រឹម​តែចំណេះដឹង បទពិសោធន៍​ការងារ តែ​ត្រូវចេះអប់រំ​ឥរិយាបទផងដែរ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 01/10/2026

សម្រាប់និស្សិត ឬមន្ត្រីរាជការកម្ពុជាដែលមានបំណងចង់បន្តការសិក្សាថ្នាក់ឧត្តមសិក្សានៅបណ្តាប្រទេសក្នុងទ្វីបអឺរ៉ុប កម្មវិធីអាហារូបករណ៍

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Utrecht Excellence នៃប្រទេសហូឡង់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 20/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យUtrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួម.......

វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈ​ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/06/2025

ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធី​បណ្តុះបណ្តាលជំនាញ​វិជ្ជាជីវៈ និង​បច្ចេកទេស របស់​រាជរដ្ឋាភិបាល

អាហារូបករណ៍ថ្នាក់ឧត្ដមសិក្សាពីកម្មវិធី Abu Dhabi University ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Abu Dhabi University ពីកម្មវិធី Abu Dhabi University Scholarship 2026 នៃប្រទេសអេមីរ៉ាតអារ៉ាប់រួម។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររយៈពេល​៤ឆ្នាំ

ឱកាសអាហារូបករណ៍ថ្នាក់ Master នៅកាណាដា

ព័ត៌មានអាហារូបករណ៍, ព្រឹត្តិការណ៍

• 20/06/2025

កម្មវិធីអាហារូបករណ៍ McCall MacBain Scholarships 2026 កំពុងស្វែង​រក​បេក្ខជន​ដែលមាន​សក្តានុពល ដើម្បីមក​បន្ត​ការ​សិក្សា​ថ្នាក់ Master នៅតាមសាកលវិទ្យាល័យ​នានា ក្នុង​ប្រទេស​កាណាដា។

ឱកាសសម្រាប់និស្សិតកម្ពុជាទៅហាត់ការរយៈពេលខ្លីនៅវិទ្យាស្ថាន GIST នៃសាធារណៈរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 22/02/2023

ឱកាសសម្រាប់និស្សិត​ដែល​កំពុង​សិក្សា​នៅ​ក្នុង​វិស័យវិទ្យាសាស្រ្ត និង​វិស្វកម្ម ក្នុង​ការ​បាន​ទៅ​ហាត់ការនៅវិទ្យាស្ថានវិទ្យាសាស្ត្រ និងបច្ចេកវិទ្យា Gwangju...

តំបន់ស្វយ័តជនជាតិជាំងក្វាងស៊ី ប្រទេសចិន ផ្តល់អាហារូបករណ៍ថ្នាក់​ឧត្តមសិក្សា​៨កន្លែង សម្រាប់និស្សិតកម្ពុជា

ព័ត៌មានអាហារូបករណ៍, ព្រឹត្តិការណ៍

• 21/03/2023

មន្ទីរអប់រំនៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន ប្រកាស​ផ្ដល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៨កន្លែង ...

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាស​សម្រាប់សិស្ស​និស្សិត ជាពិសេស​គ្រូបង្រៀនភាសាចិន ពេលនេះ​តាមរយៈ​សមាគម​និស្សិត​កម្ពុជា​ប្រចាំ​សាធាំរណរដ្ឋប្រជាមានិតចិន បានប្រកាស​ពីការផ្តល់អាហារូបករណ៍​ថ្នាក់ភាសាចិន​រយៈពេល​១ឆ្នាំ...

ក​ម្មវិធីអាហារូបករណ៍ DSU ផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Milan ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 29/08/2023

ឱកាសសិក្សាអាហារូបករណ៍នៅសាកលវិទ្យាល័យMilanពីកម្មវិធីអាហារូបករណ៍ DSU ប្រទេសអ៉ីតាលី ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...