ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សាបានរកឃើញថា ហាត់យូហ្គា និងសមាធិរៀងរាល់ព្រឹក ជួយលើកកម្ពស់ទាំងសុខភាពផ្លូវកាយនិងចិត្ត និងពង្រឹងសុខុមាលភាព ផលិតភាពមុនពេលចាប់ផ្តើមការងារ ឬការសិក្សានៅថ្ងៃថ្មី។ បើតាមគេហទំព័រ onlymyhealth បានឱ្យនូវសារៈសំខាន់មួយចំនួន ចំពោះបុគ្គលដែលជ្រើសរើសអនុវត្តន៍ហាត់យូហ្គានិងសមាធិ នៅពេលព្រឹក ព្រមទាំងបង្ហាញហេតុផលជាច្រើនដែលមនុស្សគួរតែប្រតិបត្តិឱ្យបានជាប្រចាំ។
១.កាត់បន្ថយស្រ្តេស ៖ យោងតាមការសិក្សារបស់ American Psychological Association បង្ហាញថា ៨៤ភាគរយ នៃយុវ័យសុទ្ធតែធ្លាប់ទទួករងផលប៉ះពាល់នូវបញ្ហាភាពតានតឹងដែលមានសភាពរ៉ាំរ៉ៃ ចំណែកឯការហាត់យូហ្គា និងសមាធិ ជាវិធីដ៏ពេញនិយមសម្រាប់ពួកគេ ក្នុងការកាត់បន្ថយស្រ្តេស និងភាពតានតឹង។ តាមរយៈការអនុវត្តន៍វិធីសាស្រ្តបែបនេះរឿយៗនៅពេលព្រឹកព្រលឹម លោកអ្នកអាចនឹងទទួលបានបទពិសោធន៍វិជ្ជមានក្នុងពេលមួយថ្ងៃតែម្តង ហើយវាក៏ជាគន្លឹះអាចកាត់បន្ថយបញ្ហាស្រ្តេស និងជៀសចេញពីបញ្ហាស្មុគស្មាញបានមួយឡែក។
២. ពង្រឹងនិងអភិវឌ្ឍន៍ជំនាញបត់បែន ៖ ការអនុវត្តសកម្មភាពហាត់យូហ្គាឱ្យបានទៀងទាត់រៀងរាល់ថ្ងៃ គឺជាការពង្រឹង និងអភិវឌ្ឍកម្លាំងសាច់ដុំនៃរាងកាយ ហើយវាប្រៀបដូចជាកំពុងបន្សាំរាងកាយរបស់អ្នកឱ្យវិវឌ្ឍបាននូវភាពស្វាហាប់ពីមួយថ្ងៃ ទៅមួយថ្ងៃ និងពន្លឿនភាពរហ័សរហួនផងដែរ។
៣. ជំរុញសមត្ថភាពផ្តោតនិងផលិតភាព ៖ សមាធិជាសកម្មភាពមួយដែលសម្រួច និងជំរុញការផ្តោតអារម្មណ៍។ ការចាប់ផ្តើមថ្ងៃថ្មី ជាមួយនឹងភាពស្រស់បស់ ច្បាស់លាស់អំពីអ្វីដែលកំពុងធ្វើឬបន្តធ្វើ ព្រមទាំងមានស្មារតីផ្តោតបានល្អ ដែលជាចំណែកមួយងយ៉ាងសំខាន់ដែលអាចជំរុញផលិតភាព និងការធ្វើសេចក្ដីសម្រេចចិត្ត។
៤. រក្សាផាសុកភាព ៖ ការប្រព្រឹត្តយ៉ាងខ្ជាប់ខ្ជួននូវការហាត់យូហ្គា និងសមាធិ នាំឱ្យលោកអ្នកមានទស្សនវិស័យក្នុងជីវិតពោរពេញដោយភាពវិជ្ជមាន ថែមទាំងជំរុញបាននូវសុខុមាលភាពផ្លូវចិត្ត និងបង្កើនបាននូវភាពរឹងមាំក្នុងការប្រឈមមុខនឹងបញ្ហាដែលកើតមានក្នុងការរស់នៅប្រចាំថ្ងៃ។
៥. សុខភាពរាងកាយរឹងប៉ឹង ៖ ហាត់យូហ្គាបានទៀងទាត់រៀងរាល់ថ្ងៃ អាចជៀសចាកពីជំងឺសរសៃឈាមបេះដូង ជួយឱ្យអរម៉ូនក្នុងរាងកាយមានតុល្យភាព និងជំរុញបាននូវប្រព័ន្ធភាពស៊ាំ និងផ្នែកដទៃនៃរាងកាយផងដែរ ។ ការអនុវត្តសមាធិ និងធ្វើយូហ្គា យូរៗទៅ ឬក៏ធ្វើឱ្យក្លាយជាទម្លាប់មួយនៃដំណើរជីវិតរបស់អ្នក គឺជាការផ្លាស់ប្តូរភាពវិជ្ជមានដោយសាមញ្ញៗ និងស្ងាត់ៗ ទៅកាន់របៀបរស់នៅប្រចាំថ្ងៃ៕
