ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាណាព្យាបាលដែលជំរុញ ឬបង្កើតទម្លាប់ហ្វឹកហ្វឺនកុមារឱ្យថ្នឹកក្នុងការចេញដំណើរទៅកម្មវិធីខាងក្រៅ ឬទៅសាលាទាន់ពេលវេលា គឺជាការជួយឱ្យកុមារមានឱកាសធ្វើសកម្មភាពបានច្រើនពេលចាប់ផ្តើមថ្ងៃថ្មី ក៏ដូចជាជំរុញឱ្យក្មេងមានទំនួលខុសត្រូវតាំងពីនៅតូច ហើយថែមទាំងជួយឱ្យអាណាព្យាបាលកាត់បន្ថយស្រ្តេសផងដែរ។
គេហទំព័រ babycenter បានបង្ហាញគន្លឹះមួយចំនួនដើម្បីជួយជំរុញឱ្យកុមារមានទម្លាប់ចេញទៅក្រៅ ឬទៅសាលាទាន់ពេល ៖
កំណត់សកម្មភាពដែលចំបាច់ ៖ សូមកំណត់ពេលដែលត្រូវក្រោកពីព្រលឹម ហើយប្រាប់ពួកគេធ្វើកិច្ចការដែលចាំបាច់ ហើយកិច្ចការដែលមិនចាំបាច់ អាចទុកមួយឡែនសិន ។ ឧទារហណ៍ ពេលក្រោកពីគេង គួរបង្រៀនកូនធ្វើសកម្មភាពដែលចាំបាច់ដូចជា ការរៀបចំបន្ទប់គេង ឬងូតទឹក រៀបចំតុបតែងខ្លួន និងរៀបសម្ភារៈសិក្សាជាដើម ដើម្បីឆាប់បាន ចាកចេញទៅសាលា ហើយចំពោះអ្វីផ្សេងដែលមិនចាំបាច់ត្រូវកាត់ចោលសិន។
រៀបសម្លៀកបំពាក់ទុកមុនពេលចូលគេង ៖ ការរៀបចំសម្លៀកបំពាក់សម្រាប់ថ្ងៃបន្ទាប់ ដូចជា រៀបឈុតទៅសាលា ឬទៅកម្សាន្ត និងកម្មវិធីនានាជាដើម។ ការរៀបសម្លៀកបំពាក់ត្រៀមទុកនៅក្បែរក្បាលគ្រែ ដែលមានរួមបញ្ជូលទាំងស្រោមជើងផងដែរ។
ជ្រើសស្បែកជើងដែលត្រូវប្រើ ៖ នៅពេលមានស្បែកជើងច្រើនគូរ ហើយពេលខ្លះនៅលាយឡំគ្នាទៀតផងនោះ វាបង្កបាននៅភាពស្មុគស្មាញ នៅពេលជ្រើសយកមកពាក់។ ស្របពេលកំពុងតែប្រញ៉ាប់ ពេលខ្លះស្បែកជើងមិនស្របជាមួយនឹងសម្លៀកបំពាក់ដែលធ្វើឱ្យដូរចុះឡើងៗច្រើន នាំឱ្យមានភាពយឺតយ៉ាវ ដូច្នេះការរៀបស្បែកជើងទុកត្រៀមជាវិធីក្នុងការនាំឱ្យចំណេញពេល។
ពន្លឿនកុមារឱ្យគេងទាន់ពេលកំណត់ ៖ នៅពេលដែលកុមារមានឱកាស ចូលគេងនៅម៉ោង ៧កន្លះយប់ នោះពួកគេនឹងក្រោកឡើងជាមួយអារម្មណ៍ស្រស់ស្រាយ និងអារម្មណ៍ប្លែកម្យ៉ាង។ ទន្ទឹមគ្នានោះពួកគេក៏មានឱកាសក្នុងការធ្វើសកម្មភាពជាច្រើនដូចជា ទៅដុះធ្មេញដោយគ្មានការបង្ខំ និងធ្វើសកម្មភាពនានាផ្សេងទៀត។
អាណាព្យាបាលរៀបសកម្មភាពត្រៀមមុនពេលចូលគេង ៖ បើសិនជាអាណាព្យាបាលបានរៀបចំសម្ភារៈសម្រាប់ពេលព្រឹកមុនពេលចូលគេង ដូចជា ចិតបន្លែទុកធ្វើអាហារពេលព្រឹកឱ្យហើយ ឬរៀបចំកាបូបរៀនឱ្យកូន និងរៀបចំកាបូបសម្រាប់ចេញទៅធ្វើការ ដើម្បីឱ្យការចេញដំណើរទៅក្រៅនៅពេលព្រឹកមានភាពស្រុះស្រួលនឹងគ្នា ជៀសវាងភ្លេចមុខភ្លេចក្រោយ៕
