ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងឧស្សាហកម្ម និងបច្ចេកវិទ្យាព័ត៌មាន នៃសាធារណរដ្ឋប្រជាមានិតចិន បានចេញសេចក្តីប្រកាសមួយស្តីពីការដាក់ឱ្យដំណើរការងារលើកកម្ពស់បច្ចេកវិទ្យាអ៊ីនធឺណេត 5G សម្រាប់ឧស្សាហកម្មនៅក្នុងប្រទេស ។ ផែនការសកម្មភាពនេះ បានកំណត់សកម្មភាពជាអាទិភាពសំខាន់ៗចំនួន១១ និងត្រូវអនុវត្តលក្ខខណ្ឌជាក់លាក់ចំនួន ៥៤ចំណុច ដើម្បីពង្រឹងគុណភាពបណ្តាញទូរគមនាគមន៍កាន់ល្អប្រសើរ ។ នេះបើតាមការចុះផ្សាយរបស់សារព័ត៌មាន CGTN នៅក្នុងសប្តាហ៍នេះ ។
ក្រសួងឧស្សាហកម្ម និងបច្ចេកវិទ្យាព័ត៌មាន បានឱ្យដឹងថា ផែនការស្នើឱ្យឧស្សាហកម្មក្នុងប្រទេសបង្កើនល្បឿនប្រើប្រាស់អ៊ីនធឺណេតកម្រិត 5G ឬ “5G+Industrial Internet” មាន ៥១២គម្រោងនឹងត្រូវអនុវត្ត ដោយឈរលើគោលការណ៍លើកកម្ពស់សមាហរណកម្មការងារ បង្កើតគំនិតច្នៃប្រតិដ្ឋ និងអភិវឌ្ឍន៍ជាបន្តបន្ទាប់ ។ ពិសេសជាងនេះ អ៊ីនធឺណេត 5G សម្រាប់ឧស្សាហកម្មនឹងជួយឱ្យការគ្រប់គ្រងច្រវ៉ាក់ផលិតកម្មទាំងឡាយនៅក្នុងរោងចក្រសហគ្រាសមានដំណើរការកាន់តែល្អប្រសើរជាលំដាប់ ព្រមទាំងចំណេញពេលវេលា ។
តាមរយៈគម្រោងបង្កើនប្រសិទ្ធភាពអ៊ីនធឺណេតកម្រិត 5G សម្រាប់ឧស្សាហកម្មនេះ រដ្ឋាភិបាលចិនរំពឹងថា សហគ្រាសក្នុងស្រុកមិនតិចជាង ៣ពាន់សហគ្រាសនឹងកើតឡើង និងមានរោងចក្រសហគ្រាសបំពាក់បច្ចេកទេសដោយស្តង់ដា 5G កម្រិតខ្ពស់មិនតិចជាង ៣០០រោងចក្រ ព្រមទាំងមានសហគ្រាសស្តង់ដារគំរូប្រមាណជាង ៣០ នឹងបង្ហាញវត្តមានឡើង ។
គួរបញ្ជាក់ថា ថ្វីត្បិតផែនការនេះទើបតែដាក់ឱ្យអនុវត្តមិនចេញលទ្ធផល ប៉ុន្តែរដ្ឋាភិបាលក៏បានរំពឹងទុកដែរថា តាមរយៈផែនការ 5G+Industrial Internet នឹងជួយពង្រឹងគុណភាពបណ្តាញទូរគមនាគមន៍របស់ចិនឱ្យកាន់ល្អ ដូចជា China Telecom, China Mobile និង China Unicom ដើម្បីភ្ជាប់ប្រព័ន្ធផ្ទុកទិន្នន័យ (cloud platform) របស់សហគ្រាសទាំង ៣ពាន់ ។ គិតត្រឹមចុងខែកក្កដា ឆ្នាំ២០២៣ ប្រទេសចិនមានប្រជាជនប្រើប្រាស់ទូរស័ព្ទដៃអ៊ីនធឺណេត 5G ប្រមាណជាង ៦៧៦លាននាក់ ។ គេជឿជាក់ថា 5G នឹងចូលរួមសម្រួលការងារយ៉ាងច្រើនក្នុងផ្នែកឧស្សាហកម្ម និងការរស់នៅរបស់ប្រជាជន ៕
