ឱកាសអាហារូបករណ៍ថ្នាក់បរិញ្ញាបត្រ និងថ្នាក់ក្រោយ​ឧត្តមសិក្សា​ចំនួន១២០កន្លែងនៅ​សាធារណរដ្ឋសង្គមនិយម​វៀតណាម ឆ្នាំ​សិក្សា​២០២៣-២០២៤

ក្រសួងអប់រំយុវជន និង​កីឡា កាលពីពេលថ្មីៗនេះ បានប្រកាសជ្រើសរើស​និស្សិត​អាហារូបករណ៍​ថ្នាក់​ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់​បរិញ្ញាបត្រ​ចំនួន ១២០នាក់ ទៅ​សិក្សា​នៅ​សាធារណរដ្ឋ​សង្គម​និយម​វៀតណាម។

ក្នុងនោះ​សម្រាប់​ថ្នាក់បណ្ឌិត និង​ថ្នាក់បរិញ្ញាបត្រ​ជាន់ខ្ពស់ មាន​ចំនួន​២០កន្លែង ដោយ​លក្ខខណ្ឌ​នៃការ​ចុះឈ្មោះ បេក្ខជន​ទាំងពីរភេទ​ត្រូវមាន​សញ្ជាតិខ្មែរ, ជា​និស្សិត​ដែលបាន​បញ្ចប់​ការ​សិក្សា​ថ្នាក់​បរិញ្ញាបត្រជាន់ខ្ពស់ ឬថ្នាក់បរិញ្ញាបត្រ មក​ពី​សាធារណរដ្ឋសង្គមនិយមវៀតណាម, មាន​អាយុ​មិន​លើសពី​៤០ឆ្នាំ (គិតត្រឹម​ខែកញ្ញា ឆ្នាំ​២០២៣) សម្រាប់ថ្នាក់បរិញ្ញាបត្រជាន់ខ្ពស់ និង​មិន​កំណត់អាយុ​សម្រាប់ថ្នាក់បណ្ឌិត, មាន​សុខភាពល្អបរិបូរណ៍​ទាំងកាយសម្បទា និង​សតិបញ្ញា។

ឯកសារដែលត្រូវបំពេញរួមមាន ពាក្យសុំអាហារូបករណ៍, ជីវប្រវត្តិសង្ខេប, កិច្ចសន្យា, សញ្ញាបត្រទទួលបាន (ជាភាសាវៀតណាម ឬភាសាអង់គ្លេស) និងព្រឹត្តិបត្រពិន្ទុថតចម្លង ដែលមានការបញ្ជាក់ពីសាលារាជធានីខេត្តនិងភ្ជាប់ច្បាប់ដើមមកជាមួយ​ដើម្បីផ្ទៀងផ្ទាត់, រូបថត ៤ គុណ៦ ចំនួន៤សន្លឹក, វិញ្ញាបនបត្រ​ពិនិត្យកាយសម្បទា ២សន្លឹកបំពេញក្រោយពេល​ដែលសាម៉ីជនត្រូវបានជ្រើសរើសរួច។

ដោយឡែកអាហារូបករណ៍សម្រាប់ថ្នាក់បរិញ្ញាបត្រ មានចំនួន១០០កន្លែង (ក្របខណ្ឌ CLMV ចំនួន២០កន្លែង) ដោយ​បេក្ខជន​ត្រូវ​មាន​សញ្ជាតិខ្មែរ, មានអាយុ​មិន​លើសពី ៣៥ឆ្នាំ គិត​ត្រឹម​ខែកញ្ញា ឆ្នាំ​២០២៣, មានសញ្ញាបត្រមធ្យម​សិក្សា​ទុតិយភូមិ ឬសញ្ញាបត្រដែលមានតម្លៃស្មើ, មានសុខភាពល្អបរិបូរណ៍ ទាំងកាយសម្បទា និងសតិបញ្ញា។

សម្រាប់សំណុំឯកសារដែលត្រូវបំពេញ​រួមមាន ៖ បង្កាន់ដៃដាក់ពាក្យ, ពាក្យ​សុំ​អាហារូបករណ៍, ជីវប្រវត្តិសង្ខេប, កិច្ចសន្យា, សញ្ញាបត្រមធ្យមសិក្សា​ទុតិយភូមិ​ច្បាប់ថតចម្លង, សេចក្តីបញ្ជាក់ពីអង្គភាព ចំពោះបេក្ខជនជាមន្រ្តីរាជការ, វិញ្ញាបនបត្រ​ពិនិត្យក្រោយសម្បទា ២សន្លឹក បំពេញ​ក្រោយ​ពេល​ប្រឡងជាប់។

កាលបរិច្ឆេទ នៃការប្រឡង នៅថ្ងៃទី២៥ ខែមិថុនា ឆ្នាំ​២០២៣ ដោយវិញ្ញាសាប្រឡង​រួមមានវប្បធម៌ទូទៅ រយៈពេល ១ម៉ោង ៣០នាទី និងគណិតវិទ្យា រយៈពេល ១ម៉ោង ៣០នាទី។

កាលបរិច្ឆេទទទួលពាក្យ​ចាប់ពីថ្ងៃផ្សាយដំណឹងនេះ រហូត​ដល់ថ្ងៃទី១៦ ខែមិថុនា ឆ្នាំ​២០២៣វេលាម៉ោង៤ល្ងាច នៅ​ការិយាល័យអាហារូបករណ៍ និង​កម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាសយដ្ឋាន អគារលេខ២៣ ផ្លូវ​៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។

កំណត់ចំណាំ ៖ និស្សិត​ថ្នាក់បរិញ្ញាបត្រ ត្រូវ​ជ្រើសរើស​មុខ​ជំនាញសិក្សា​របស់ខ្លួន នៅក្រោយ​ពេលប្រឡងជាប់។ ដោយ​ឡែក សម្រាប់​ក្របខណ្ឌ​អាហារូបករណ៍ CLMV មុខ​ជំនាញសិក្សា​ មានតែ​ផ្នែក​សេដ្ឋកិច្ចប៉ុណ្ណោះ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​ចូលរួមកម្មវិធីបណ្តុះបណ្តាលយុវជនបរិស្ថានអាស៊ាន (AYGC) ឆ្នាំ២០២៦ នៅទីក្រុងហ្សាកាតា

ព័ត៌មានអាហារូបករណ៍, ព្រឹត្តិការណ៍

• 19/03/2026

អង្គការ ERIA (Regional Knowledge Centre for Marine Plastic Debris) សហការជាមួយ The Conversation Indonesia (TCID) បានប្រកាសបើកទទួលពាក្យសម្រាប់កម្មវិធី "ASEAN Young Green Communicators

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង

ព័ត៌មានអាហារូបករណ៍, ព្រឹត្តិការណ៍

• 26/05/2025

យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បាន​ប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុង​ឆ្នាំសិក្សា២០២៥-២០២៦។

រដ្ឋាភិបាលជប៉ុន ផ្តល់អាហារូបករណ៍ ៤កម្រិត សម្រាប់មន្រ្តីរាជការ សិស្សនិស្សិតកម្ពុជា ទៅបន្ត​ការ​សិក្សា​នៅ​ប្រទេស​ជប៉ុន ឆ្នាំ២០២៧

ព័ត៌មានអាហារូបករណ៍, ព្រឹត្តិការណ៍

• 04/05/2026

នៅក្នុងឆ្នាំ​២០២៦នេះ រដ្ឋាភិបាលជប៉ុន បានសម្រេច​ផ្តល់​អាហារូបករណ៍ ៤កម្រិត ដល់មន្រ្តីរាជការ និស្សិត និងសិស្ស​កម្ពុជា ដើម្បីទៅបន្ត​ការ​សិក្សា​នៅ​ប្រទេស​ជប៉ុន សម្រាប់ឆ្នាំ២០២៧ ដោយ​អាហារូបករណ៍នឹងរ៉ាប់រងសោហ៊ុយ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Glasgow International Leadership Scholarships 2024

ព័ត៌មានអាហារូបករណ៍, ព្រឹត្តិការណ៍

• 20/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Glasgow International Leadership Scholarships 2024 នៅ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង​ប្រទេសវៀតណាម​​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/04/2023

ភ្នំពេញ - សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ...

អាហារូបករណ៍​ថ្នាក់បណ្ឌិត ជំនាញវិទ្យាសាស្រ្តកុំព្យូទ័រ និងព័ត៌មានវិទ្យា នៅ​ប្រទេស​សឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 31/07/2024

A*STAR Computing and Information Science (ACIS) បានប្រកាស​ផ្តល់អាហារូបករណ៍​ដល់អ្នកមានបំណងចង់បន្តការសិក្សា​ថ្នាក់បណ្ឌិត​ផ្នែកុំព្យូទ័រ និង​វិទ្យាសាស្រ្ត​ព័ត៌មាន។

អាហារូបករណ៍សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Monash ចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 02/08/2023

កម្មវិធីអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យMonash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ...

សាកលវិទ្យាល័យដ៏ល្បីផ្នែកសុខាភិបាលរបស់អាមេរិក UAB ប្រកាសផ្តល់អាហារូបករណ៍​ថ្នាក់បរិញ្ញាបត្រ​ដល់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 19/05/2026

សាកលវិទ្យាល័យ Alabama at Birmingham (UAB) ដែលជាគ្រឹះស្ថានឧត្តមសិក្សាដ៏ល្បីល្បាញ​មួយនៅសហរដ្ឋអាមេរិក​​លើផ្នែក​វិទ្យាសាស្ត្រ​សុខាភិបាល បានប្រកាសផ្តល់ «អាហារូបករណ៍និស្សិតអន្តរជាតិ UAB»

អាហារូបករណ៍ថ្នាក់បរិញ្ញាបត្រចំនួន ៣៣០កន្លែងនៅវិទ្យាស្ថានជាតិសង្គមកិច្ចឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/09/2024

ឱកាសសិក្សាអាហារូបករណ៍ចំនួន៣៣០កន្លែងថ្នាក់បរិញ្ញាបត្រនៅវិទ្យាស្ថានជាតិសង្គមកិច្ចសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាលើមុខជំនាញដែលកំពុងមានតម្រូវការទីផ្សារការងារជាច្រើនមុខជំនាញ។