សេង ស្រីល័ក្ខណ៍ ៖ រៀនជំនាញសាឡនដើម្បីសម្រេចក្ដីស្រមៃទីពីរ និងមានអាជីពមួយច្បាស់លាស់

យុវតី សេង ស្រីល័ក្ខណ៍ វ័យ១៧ឆ្នាំ បច្ចុប្បន្នកំពុងសិក្សាជំនាញសាឡន នៅអង្គការដើម្បីភាពញញឹមនៃកុមារ (PSE) ។ ជំនាញ​ដែលនាងកំពុងសិក្សានេះ​ តាមពិតទៅគឺជាជំនាញទីពីរ ក្នុងក្ដីស្រមៃរបស់នាង ខណៈជំនាញក្នុង​ក្ដីស្រមៃទីមួយ គឺជាជំនាញពេទ្យឯណោះទេ តែយ៉ាងណា ស្រីល័ក្ខណ៍ រំពឹងហើយថា ជំនាញសាឡននេះ នឹងជួយកែប្រែជីវភាពគ្រួសាររបស់នាងឱ្យប្រសើរនាងថ្ងៃអនាគតខាងមុខ។

រំលឹកថយក្រោយបន្តិច គ្រាដែល ស្រីល័ក្ខណ៍ មិនទាន់មានឱកាសចូលរៀននៅសាលា PSE នាង​បាន​ប្រឈមនឹងការចំណាយច្រើន ដែលលើសពីលទ្ធភាពដែលខ្លួនមាន ហើយនាងមិនសូវបានរស់នៅជួបជុំគ្រួសារនោះទេ។ ស្រីល័ក្ខណ៍ ជា​ក្មេង​កំព្រាឪពុក ហើយម្តាយត្រូវចុះឡើងទៅតាមខេត្តដើម្បីរកចំណូល, ដោយ​សារ​ជីវភាពខ្វះខាតនេះ បានធ្វើ​ឱ្យ​បងប្រុសរបស់នាងសម្រេច​ឈប់រៀន ដើម្បី​បន្តជួយរកចំណូចដើម្បីផ្គត់ផ្គង់គ្រួសារ។

ដោយ​សង្កេតឃើញថា ជីវភាពគ្រួសារមានការ​លំបាក ម្តងម្កាលស្រីល័ក្ខណ៍ក៏លួចគិតថា នឹងបោះបង់ការរៀនជំនាញនេះចោលដែរ ហើយក៏ធ្លាប់បានស្នើម្តាយ និងបងប្រុស ថាមិនបន្តរៀនទៀតនោះទេ។ ប៉ុន្តែត្រូវបានពួកគាត់បដិសេធន៍ និងឆ្លើយតបមកវិញក្នុងន័យថា ទោះបីស្ថិតក្នុងស្ថានភាពបែបណាក៏ដោយ ក៏ពួកគាត់មិនចង់ឱ្យនាងបាត់បង់ឱកាសក្នុងការរៀនជំនាញនេះ ដែលទាំងនេះហើយជាកត្តាជំរុញឱ្យស្រីល័ក្ខណ៍កាន់តែខិតខំរៀនបន្ថែមមួយកម្រិតទៀត។

យុវតី សេង ស្រីល័ក្ខណ៍

“ម៉ាក់! គាត់តែងតែជំរុញឱ្យខ្ញុំរៀនបន្តទៀត ដោយសារគាត់ខ្លាចពេលដែលអត់មានចំណេះក្នុងខ្លួន ទៅណាមកណា ក៏អត់ចូលចំណោមនឹងគេ ហើយគេមើលងាយខ្ញុំ”

មូលហេតុដែល ស្រីល័ក្ខណ៍ មិនរៀនជំនាញពេទ្យ ដោយហេតុនាងវិភាគឃើញថា លទ្ធភាពមិនគ្រប់គ្រាន់ ទើបនាងអាចត្រឹមតែរក្សាគោលបំណងនេះទុកមួយឡែកសិន។ តាមការឱ្យដឹងរបស់ស្រីល័ក្ខណ៍ នាងក៏ធ្លាប់មានចិត្តសោកស្តាយដែរ តែយ៉ាងណាក៏នៅតែអាចធ្វើចិត្តឱ្យស្រស់បស់បាន គឺដោយហេតុថា ជំនាញសាឡនក៏ស្ថិតក្នុងគោលដៅបន្ទាប់បន្សំដែរ ម្យ៉ាងវិញទៀតនាង​សង្កេតឃើញថា ជំនាញខាងសាឡន គឺពិតជាអាជីពមួយ ដែលជាតម្រូវការរបស់ទីផ្សារ។ នាងក៏បានបង្ហាញនូវក្ដីសោមនស្សដែលទទួលបានឱកាសសិក្សានៅ PSE ដោយឥតគិតថ្លៃ និងមានការណែនាំ ក៏ដូចជាការផ្តល់ជូននូវបទពិសោធន៍ផ្ទាល់ពីសំណាក់លោកគ្រូ អ្នកគ្រូនៅទីនោះ។

យុវតី សេង ស្រីល័ក្ខណ៍

“ខ្ញុំយកជំនាញសាឡន អាចនិយាយបានថា ជាក្ដីស្រមៃទី២ អញ្ចឹងដែរ ចឹងខ្ញុំអត់ស្ដាយដែរ អត់បានយកក្ដីស្រមៃទី១ទេ ហើយខ្ញុំសប្បាយចិត្តដែលខ្ញុំបានរៀននៅក្នុង PSE ហើយមានអ្នកគ្រូជាច្រើន ដែលគាត់បានណែនាំពីបទពិសោធន៍ថ្មីៗ ល្អអ៊ីចឹងមកដល់ខ្ញុំ”

ស្រីល័ក្ខណ៍ បន្ថែមថា នៅក្នុងជំនាញសាឡន គឺមានមេរៀនតូចៗជាច្រើនដូចជា ផាត់មុខ ធ្វើសក់ ហាយឡាយសក់ កាត់ក្រចក លាបជែល ធ្វើម៉ូតក្រចក កាត់សក់ អ៊ុតសក់ត្រង់ សក់រួញ និងមានជំនាញជាច្រើនទៀត។ ដោយឡែកអ្វីដែលនាងចាប់អារម្មណ៍ជាងគេគឺ ផាត់មុខ ធ្វើសក់ ធ្វើក្រចក ជាពិសេសគឺទាក់ទងនឹងការរចនាម៉ូតក្រចក។

ស្រីល័ក្ខណ៍ ប្រាប់ថា នាងមិនត្រឹមតែអភិវឌ្ឍការសិក្សាដែលផ្តោតលើជំនាញប៉ុណ្ណោះទេ ប៉ុន្តែនាងបានហ្វឹកហាត់ឱ្យ​ស្ទាត់មន្ថែមនូវផ្នែកភាសារអង់គ្លេសតាមរយៈរៀនចងចាំវត្ថុប្រើប្រាស់នៅក្នុងសាឡន និងមានភាពក្លាហានក្នុងការនិយាយស្ដីច្រើនជាងមុន ព្រោះកន្លែងដែលនាងអនុវត្តន៍ការងារផ្ទាល់ មានជនជាតិបរទេសមកទទួលសេវាកម្មផងដែរ។

ស្រីល័ក្ខណ៍ បញ្ជាក់ថា នាងមានគម្រោងចេញធ្វើការក្នុងរយៈពេល ៤ ទៅ ៥ឆ្នាំ ក្រោយរៀនចប់ឆ្នាំទី២នៅសាលាPSE ។ បន្ទាប់ពីនោះក៏មានបំណងបើកហាងសាឡនផ្ទាល់ខ្លួនមួយនៅផ្ទះ ដើម្បីមានឱកាសបាននៅថែម្តាយឱ្យបានច្រើនតាមដែរអាចធ្វើបាន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

អាហារូបករណ៍ថ្នាក់បរិញ្ញាបត្រចំនួន១០០កន្លែងនៅសាកលវិទ្យាល័យ ពាណិជ្ជសាស្ត្រ អេស៊ីលីដាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 13/12/2024

គណៈកម្មាធិកាអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ថ្នាក់បរិញ្ញាបត្រ​ចំនួន​១០០កន្លែង​នៅសាកលវិទ្យាល័យ ពាណិជ្ជសាស្ត្រ អេស៊ីលីដា...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណានជីង

ព័ត៌មានអាហារូបករណ៍, ព្រឹត្តិការណ៍

• 04/07/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ក្នុងជំនាញ Agromrteorology ឬ Hydrometerology នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណាជីងសម្រាប់ឆ្នាំសិក្សា២០២៥-២០២៧..

អាហារូបករណ៍សិក្សា​ថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT

ព័ត៌មានអាហារូបករណ៍, ព្រឹត្តិការណ៍

• 20/02/2026

ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាស​ពីការផ្តល់អាហារូបករណ៍ចំនួន ៥០កន្លែង សម្រាប់ការ​សិក្សា​ថ្នាក់បរិញ្ញាបត្រជាន់ខ្ពស់ ឯកទេស​បច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។

ឱកាស​សិក្សាជំនាញ TVET ឥតគិតថ្លៃចំនួន ២១០កន្លែងនៅ​វិទ្យាស្ថានពហុបច្ចេកទេស​តេជោសែន

ព័ត៌មានអាហារូបករណ៍, ព្រឹត្តិការណ៍

• 28/04/2023

ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាល...

ឱកាស​ចូលរួមវគ្គសិក្សាជាស៊េរី “មេរៀនអតីតកាល មាគ៌ា​ឆ្ពោះទៅអនាគត” ពី អ.វ.ត.ក.

ព័ត៌មានអាហារូបករណ៍, ព្រឹត្តិការណ៍

• 08/12/2025

ជាឱកាស​សម្រាប់គ្រូបង្រៀន សាស្រ្តាចារ្យបង្រៀន​លើ​មុខ​វិជ្ជាមនុស្សសាស្រ្ត ព្រមទាំ​ងអ្នក​ដឹកនាំ​ជំនាន់ក្រោយ​ទាំងអស់! ពេលនេះ អង្គជំនុំជម្រះវិសាមញ្ញ​ ក្នុង​តុលាការ​កម្ពុជា (អ.វ.ត.ក.) ប្រកាស​បើក​ដាក់ពាក្យ សម្រាប់ការ​ចូលរួម​វគ្គ​សិក្សា​...

អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ

ព័ត៌មានអាហារូបករណ៍, ព្រឹត្តិការណ៍

• 15/09/2026

សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន

ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...

អាហារូបករណ៍​ថ្នាក់ក្រោយ​ឧត្តមសិក្សា និង​ថ្នាក់បរិញ្ញាបត្រ ចំនួន១២០កន្លែង ទៅសិក្សា​នៅ​ប្រទេស​វៀតណាម ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុង​ឆ្នាំសិក្សា​២០២៥-២០២៦ នេះ ក្រសួងអប់រំ យុវជន និងកីឡា នឹង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន ១២០នាក់ ទៅ​សិក្សា​នៅ​សាធារណរដ្ឋសង្គម​និយមវៀតណាម។