ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សម្រាប់ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប រយៈពេល២ថ្ងៃ គេឃើញឪពុកម្ដាយដែលមានកូនមកប្រឡង បានលះបង់ទាំងពេលវេលាប្រកបរបររកស៊ី ជូនកូនមកប្រឡង ។ ការជូនកូនមកនេះ គឺដើម្បីជាការផ្ដល់កម្លាំងចិត្ត និងបង្ហាញពីទឹកចិត្តត្រេកអរចំពោះកូនរបស់ខ្លួន។
លោកស្រី ស៊ឹម គឹមជូ ជាបុគ្គលិកធនាគារឯកជនមួយកន្លែង ក្នុងរាជធានីភ្នំពេញនិយាយថា ការជូនកូនមកប្រឡងនេះ លោកស្រីមានអារម្មណ៍ភ័យផង អរផង ខ្លាចកូនធ្វើមិនបានល្អ បុន្តែបន្ទាប់ពីកូនឆ្លងកាត់វិញ្ញាសាទី១រួចដោយទំនុកចិត្ត ក៏ជាហេតុធ្វើឱ្យលោកស្រីសប្បាយចិត្ត។ លោកស្រីបន្តថា ទោះបីជាលទ្ធផលកូនធ្វើមិនបានល្អក៏លោកស្រីមិនស្ដីបន្ទោសឱ្យកូន គឺលទ្ធផលបែបណាយកបានទាំងអស់។
ស្រ្តីវ័យ៤០ឆ្នាំ រូបនេះ បន្ថែមថា កន្លងមកលោកស្រីបានជំរុញទឹកចិត្តឱ្យកូនខំប្រឹងស្ទុះស្ទារ ហើយកូនក៏មកប្រឡងដោយទំនុកចិត្ត និងពឹងលើសមត្ថភាពខ្លួន។
លោកស្រី ស៊ឹម គឹមជូ
“ខ្ញុំមានអារម្មណ៍ថាសប្បាយចិត្តនៅពេលដែលឃើញកូនមកប្រឡងដោយពឹងលើសមត្ថភាពរបស់ខ្លួនទាំងស្រុង ហើយក៏ជូនពរកូនឱ្យប្រឡងជាប់ ខិតខំប្រឹងសរសេរ”
លោកស្រី ហ៊ោ សុខគៀង ជាមេផ្ទះ បាននិយាយថា អារម្មណ៍ជាម្ដាយនៅពេលជូនកូនមកប្រឡងបាក់ឌុប គឺភ័យជំនួសកូន ត្រេកអរចំពោះកូន ដែលមានឱកាសបានមកប្រឡងបាក់ឌុប។
លោកស្រី ហ៊ោ សុខគៀង
“ជូនពរកូនឱ្យប្រឡងបានិទ្ទេសល្អ បើទោះជាមិនទទួលបាននិទ្ទេសល្អក៏មិនស្ដីបន្ទោសដល់កូនដែល ព្រោះកូនខិតខំរៀនកន្លងមកលទ្ធផលបែបណាក៏ទទួលយកទាំងអស់”
ស្រ្តីវ័យ៤០ឆ្នាំ រូបនេះ បន្ថែមថា ដំណើរការប្រឡងបាក់ឌុបនៅឆ្នាំនវមានលក្ខណៈល្អ ដែលតម្រូវឱ្យសិស្សគោរពបទបញ្ញត្តិដែលក្រសួងអប់រំបានចែង គឺសិស្សមិនអាចនាំយកឯកសារផ្សេងៗចូលបន្ទប់ប្រឡង គឺមានតែប៊ិក បន្ទាត់ កាតសម្គាល់ខ្លួនប៉ុណ្ណោះដែលចាំបាច់ ។ លោកស្រីបន្តថា ការរឹតបន្ទឹងបែបនេះ ជាការល្អ ព្រមទាំងផ្ដល់ភាពយុត្តិធម៌ដល់សិស្សដែលជាបេក្ខជនប្រឡង។
ជាមួយគ្នានេះ លោកស្រី ទុំ សាន់ដារ៉ា បន្ថែមថា ការជូនកូនមកប្រឡងបាក់ឌុប គឺលោកស្រីមាអារម្មណ៍រំភើប និងសប្បាយរីករាយព្រោះកូនបានចំណាយពេលសិក្សាអស់រយៈពេល១២ឆ្នាំ ហើយត្រូវមកប្រឡងបញ្ចប់នៅថ្ងៃប្រឡងនេះ។ លោកស្រីបន្តថា លោកស្រីមិនមានការព្រួយបារម្ភច្រើននោះឡើយ ព្រោះក្រសួងអប់រំបានកំណែទម្រង់វិស័យអប់រំ កូនរបស់លោកស្រីបានផ្លាស់ប្ដូរឥរិយាបទនៃការសិក្សារៀនសូត្រកាន់តែប្រសើរជាមុន។
លោកស្រី ទុំ សាន់ដារ៉ា
“ខ្ញុំជាម្ដាយមានតែខិតខំជំរុញលើកទឹកចិត្តកូនឱ្យខិតខំប្រឹងប្រែងតាមលទ្ធភាព ហើយអ្វីដែលម្ដាយចង់បានគ្រាន់តែចង់ឱ្យកូនប្រឡងរយៈពេលពីរថ្ងៃដោយសុវត្ថិភាព ទទួលបានសុខភាពល្អ និទ្ទេសអ្វីក៏បានឱ្យតែកូនបានប្រឡងជាប់”
សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ បានដំណើរការទៅយ៉ាងល្អ និងដោយរលូន ដោយមិនមានបាតុភាពមិនប្រក្រតីធំដុំកើតឡើងគួរឱ្យកត់សម្គាល់ឡើយ ដោយសារបេក្ខជនគោរពតាមបទប្បញ្ញត្តិ ដែលក្រសួងបានដាក់ចេញ ចំណែកមន្ដ្រីអប់រំគ្រប់លំដាប់ថ្នាក់ អនុវត្តការងារប្រកបដោយការទទួលខុសត្រូវខ្ពស់ និងគោរពតាមកម្រងភារកិច្ច និងសេចក្ដីណែនាំបច្ចេកទេសរបស់ក្រសួងអប់រំ យុវជន និងកីឡា៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសទទួលបានការឧបត្ថម្ភថ្លៃសិក្សាចំនួន២០កន្លែងនៅវិទ្យាស្ថានបច្ចេកវិទ្យាគិរីរម្យ ឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 01/06/2023
វិទ្យាស្ថានបច្ចេកវិទ្យាគិរីរម្យ បានប្រកាសពីការផ្ដល់ការឧបត្ថម្ភថ្លៃសិក្សាថ្នាក់បរិញ្ញាបត្រដល់សិស្សានុសិស្សដែលកំពុងសិក្សានៅថ្នាក់វិទ្យាល័យ...
ឱកាសអាហារូបករណ៍ថ្នាក់ឧត្ដមសិក្សានៅសាកលវិទ្យាល័យណានជីងប្រទេសចិន
ព័ត៌មានអាហារូបករណ៍, ព្រឹត្តិការណ៍
• 28/02/2023
ឱកាសសិក្សាអាហារូបករណ៍ថ្នាក់ឧត្ដមសិក្សាសម្រាប់និស្សិតបរទេសនៅសាកលវិទ្យាល័យណានជីងប្រទេសចិនឆ្នាំសិក្សា២០២៣ ។ អាហារូបករណ៍...
វិទ្យាស្ថានជាតិពហុបច្ចេកទេសអង្គរ ផ្តល់ឱកាសសិក្សាជំនាញឥតគិតថ្លៃចំនួន ២៤០០កន្លែង
ព័ត៌មានអាហារូបករណ៍, ព្រឹត្តិការណ៍
• 28/07/2025
វិទ្យាស្ថានជាតិពហុបច្ចេកទេសអង្គរ ដែលមានទីតាំងស្ថិតនៅក្រុងសៀមរាប បានប្រកាសពីការផ្តល់អាហារូបករណ៍សិក្សាជំនាញបច្ចេកទេសវគ្គខ្លីចំនួន ២៤០០កន្លែង ដោយឥតគិតថ្លៃ ហើយសម្រាប់បេក្ខជនដែលមកពីគ្រួសារក្រីក្រ និងងាយរងហានិភ័យ...
អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស នៅប្រទេសវៀតណាម សម្រាប់សិស្សជាប់បាក់ឌុបឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 08/09/2025
សាលា Thai Nguyen College នៃប្រទេសវៀតណាម នឹងផ្តល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស សិក្សារយៈពេល៤ឆ្នាំ ដល់សិស្សកម្ពុជាចំនួន ៧២កន្លែង។
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ផ្តល់អាហារូបករណ៍លើការសិក្សាជំនាញចំនួន១១ដោយឥតបង់ថ្លៃ
ព័ត៌មានអាហារូបករណ៍, ព្រឹត្តិការណ៍
• 07/04/2025
ក្រោមគម្រោងកម្មវិធីបណ្តុះបណ្តាលជំនាញ បច្ចេកទេស និងវិជ្ជាជីវៈ ១.៥លាននាក់ វិទ្យាស្ថានអភិវឌ្ឍន៍មុខជំនាញកម្ពុជា-ថៃ បានប្រកាសផ្តល់អាហារូបករណ៍ទៅលើការសិក្សាជំនាញចំនួន១១ សម្រាប់សិស្សានុសិស្ស ក៏ដូចជាយុវជន...
ឱកាសសិក្សាអារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី DREAM TOGETHER នៅប្រទេសកូរ៉េឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 26/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា ២០២៤-២០២៥។ អាហារូបករណ៍ជាការ...
អាហារូបករណ៍ Leading Professionals in Asia Countries ថ្នាក់បណ្ឌិត ឆ្នាំសិក្សា២០២៦ នៅសាកលវិទ្យាល័យ Nagoya ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 25/12/2025
កម្មវិធីអាហារូបករណ៍ Leading Professionals in Asia Countries កំពុងប្រកាសពីការផ្តល់អាហារូបករណ៍ដល់មន្រ្តីរាជការ ឬបុគ្គលដែលស្ថិតនៅក្នុងតំណែងជាថ្នាក់ដឹកនាំក្នុងបណ្តាប្រទេសក្នុងតំបន់អាស៊ីអាគ្នេយ៍...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 09/01/2025
ក្រសួងអប់រំ យុវជន និងកីឡា ប្រកាសជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...
កម្មវិធីពិសេសរបស់ AMS EDUCATION
ព័ត៌មានសង្ខេប
