ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជំនន់ទឹកភ្លៀងអាចបង្កគ្រោះថ្នាក់ដល់ប្រជាពលរដ្ឋ អាចបណ្ដាលឱ្យមានមនុស្សស្លាប់ និងមនុស្សរាប់ពាន់នាក់ផ្សេងទៀតរងផលប៉ះពាល់ ។ បញ្ហាទាំងនេះ បង្កជាក្ដីព្រួយបារម្ភលើបញ្ហាគ្រោះធម្មជាតិដែលនាំឱ្យខូចខាតលើផ្នែកសេដ្ឋកិច្ចកម្ពុជាជារៀងរាល់ឆ្នាំ ។ នេះបើតាមការលើកឡើងរបស់ លោក ឈឹម សុវណ្ណារិទ្ធ ជាមន្រ្តីគម្រោងជាន់ខ្ពស់នៃប្រព័ន្ធប្រកាសឱ្យដឹងមុន ១២៩៤ របស់អង្គការ People In Need ។
លោក ឈឹម សុវណ្ណារិទ្ធ ជាមន្រ្តីគម្រោងជាន់ខ្ពស់នៃប្រព័ន្ធប្រកាសឱ្យដឹងមុន ១២៩៤ របស់អង្គការ People In Need មានប្រសាសន៍ថា ប្រព័ន្ធប្រកាសឱ្យដឹងមុន ១២៩៤ ជាប្រព័ន្ធប្រកាសសារឱ្យដឹងមុន រៀបចំឡើងដោយអង្គការ People In Need ដោយសហការគ្នាជាមួយគណៈកម្មាធិការជាតិគ្រប់គ្រងគ្រោះមហន្តរាយ ។ ប្រព័ន្ធបញ្ជូនសារជាសំឡេងនេះ ប្រាប់ពីព្រឹត្តិការណ៍គ្រោះមហន្តរាយដែលអាចនឹងកើតមានឡើងនៅក្នុងប្រទេសកម្ពុជា ដើម្បីជួយសង្គ្រោះជីវិតប្រជាពលរដ្ឋទាន់ពេលវេលា ។
អ្នកជំនាញបានបញ្ជាក់ថា លក្ខណៈពិសេសរបស់ប្រព័ន្ធប្រកាសឱ្យដឹងមុន១២៩៤ ពឹងផ្អែកទៅលើទិន្នន័យដែលទទួលបានពីប្រភពផ្សេងៗ រួមមានក្រសួងធនធានទឹក គណៈកម្មការទន្លេមេគង្គ ឧបករណ៍វាស់កម្ពស់ទឹកទេពមច្ឆា ដែលអាចផ្ដល់ព័ត៌មានទាក់ទងនឹងកម្ពស់ទឹកនៅក្នុង ២៥រាជធានីខេត្ត ដែលបានតំឡើងរួចរាល់ ។ ការវាស់កម្ពស់ទឹកតែងតែផ្ដល់បច្ចុប្បន្នភាពទិន្នន័យរៀងរាល់ ១៥នាទីម្ដងអំពីកម្ពស់ទឹកនៅក្នុងខេត្តនីមួយៗ ដើម្បីផ្ដល់ព័ត៌មានឱ្យបានដឹងមុនទាក់ទងនឹងស្ថានភាពគ្រោះមហន្តរាយ ។
លោក ឈឹម សុវណ្ណារិទ្ធ បញ្ជាក់បន្ថែមថា ប្រជាពលរដ្ឋគួរមានទំនាក់ទំនងជាមួយអាជ្ញាធរមូលដ្ឋានអំពីទីទួលសុវត្ថិភាព នៅពេលកើតមានគ្រោះមហន្តរាយផ្សេងៗដែលកើតឡើងនៅក្នុងសហគមន៍ ។ ជាពិសេសបងប្អូនប្រជាពលរដ្ឋដែលស្ថិតក្នុងតំបន់ហានិភ័យប្រឈមនឹងហានិភ័យគ្រោះទឹកជំនន់ ស្វែងរកទីទួលសុវត្ថិភាពដែលនៅក្បែរបំផុត ដើម្បីឱ្យពួកគាត់អាចជម្លៀសខ្លួននៅពេលដែលមានគ្រោះថ្នាក់កើតឡើងជាយថាហេតុ ។ លើសពីនេះ ប្រព័ន្ធប្រកាសឱ្យដឹងមុន ១២៩៤ ដើម្បីប្រជាពលរដ្ឋមានពេលវេលាគ្រប់គ្រាន់ដើម្បីរៀបចំទ្រព្យសម្បត្តិ ឯកសារ សម្ភារចាំបាច់នានា បម្រុងទុកស្បៀងអាហារ និងសត្វចិញ្ចឹម យកទៅកាន់ទីទួលសុវត្ថិភាព ។
មន្រ្តីគម្រោងជាន់ខ្ពស់ លោក ឈឹម សុវណ្ណារិទ្ធ បានចែករំលែកគន្លឹះសុវត្ថិភាពនៅពេលមានគ្រោះទឹកជំនន់រួមមាន ទី១. ជៀសវាងប៉ះពាល់ខ្សែភ្លើងនៅពេលមានភ្លៀង ឬព្យុះកើតឡើង ទី២. ជៀសវាងធ្វើដំណើរនៅពេលមានទឹកទំនន់ហូរកាត់ផ្លូវ ទី៣. ធ្វើដំណើរដោយប្រុងប្រយ័ត្ន ក្នុងល្បឿនយឺតៗ ហើយប្រសិនមានគ្រោះមហន្តរាយកើតឡើងប្រជាពលរដ្ឋគួរសម្រាកនៅក្នុងផ្ទះ បិទបង្អួចឬបិទទ្វាឱ្យបានត្រឹមត្រូវ ទី៤. ដាក់អាវភ្លៀងតាមខ្លួនជានិច្ច និងត្រូវត្រៀមឧបករណ៍សង្គ្រោះបឋម និងតាមដានព័ត៌មាន ជាពិសេសភ្ជាប់ប្រព័ន្ធប្រកាសឱ្យដឹងមុន ១២៩៤ ដែលកំពុងធ្វើការនៅក្នុងរាជធានីខេត្ត ។
លោក ឈឹម សុវណ្ណារិទ្ធ សំណូមពរដល់ប្រជាពលរដ្ឋឱ្យភ្ជាប់ប្រព័ន្ធប្រកាសឱ្យដឹងមុន ១២៩៤ ដើម្បីប្រជាពលរដ្ឋអាចទទួលបានសារដឹងទុកជាមុនអំពីគ្រោះមហន្តរាយ គ្រោះធម្មជាតិ ឬការការពារអាយុជីវិតរបស់ប្រជាពលរដ្ឋ ដើម្បីកាត់បន្ថយហានិភ័យនៃគ្រោះធម្មជាតិដែលអាចប្រឈមនឹងការបាត់បងជីវិត ។ ទន្ទឹមនឹងនេះ ដើម្បីភ្ជាប់ប្រព័ន្ធប្រកាស ១២៩៤ បានដោយគ្រាន់តែចុចលេខ ១២៩៤ រួចចុចបញ្ជូន និងស្ដាប់តាមការណែនាំ រួចអនុវត្តតាមការណែនាំនោះប្រជាពលរដ្ឋនិងអាចភ្ជាប់ប្រព័ន្ធ ១២៩៤ រួចជាស្រេច ជាពិសេសភ្ជាប់ប្រព័ន្ធនេះភ្ជាប់ដោយឥតគិតថ្លៃ ។
គួរបញ្ជាក់ថា ប្រព័ន្ធប្រកាសឱ្យដឹងមុន ១២៩៤ មកដល់ពេលបច្ចុប្បន្ន សម្រាប់អ្នកចុះឈ្មោះតាមរយៈទូរស័ព្ទដៃមានរហូតដល់ ១សែន៦ម៉ឺន៦ពាន់នាក់ បានចុះឈ្មោះរួចរាល់ ។ ចំណែកនៅក្នុងទំព័រហ្វេសប៊ុករបស់ប្រព័ន្ធប្រកាសឱ្យដឹងមុន ១២៩៤ មានអ្នកតាមដានរហូតដល់ ១សែន៣ម៉ឺននាក់ ។ ប្រព័ន្ធប្រកាសឱ្យដឹងមុន១២៩៤ គាំទ្រមូលនិធិដោយ European Union Civil Protection and Humanitarian Aid ក្រសួងការបរទេសនៃសាធារណរដ្ឋឆែក ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ អង្គការយូអិនឌីភីប្រចាំកម្ពុជា និងទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ។
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
រៀនជំនាញកែច្នៃបន្លែ ផ្លែឈើ ដោយមិនគិតថ្លៃពីវិទ្យាស្ថានជាតិពហុបច្ចេកទេសកម្ពុជា
ព័ត៌មានអាហារូបករណ៍, ព្រឹត្តិការណ៍
• 31/03/2025
វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។
អាហារូបករណ៍៥០កន្លែងទៅសិក្សានៅប្រទេសឥណ្ឌា សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 28/03/2023
កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា ...
វិទ្យាស្ថានតេជោសែនសាធារណការ និងដឹកជញ្ជូនផ្ដល់អាហារូបករណ៍១០០%ចំនួន៥០កន្លែង
ព័ត៌មានអាហារូបករណ៍, ព្រឹត្តិការណ៍
• 04/01/2023
ឱកាសសិក្សានៅអាហារូបករណ៍១០០%នៅវិទ្យាស្ថានតេជោសែន សាធារណការ និងដឹកជញ្ជូនផ្ដល់ចំនួន៥០កន្លែងសម្រាប់ឆ្នាំសិក្សា២០២៣ ។...
អាហារូបករណ៍ថ្នាក់ភាសា នៅប្រទេសចិន សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 02/05/2023
សមាគមនិស្សិតកម្ពុជាប្រចាំសាធារណរដ្ឋប្រជាមានិតកម្ពុជា បានប្រកាសអំពីអាហារូបករណ៍ថ្នាក់ភាសា សិក្សានៅប្រទេសចិន រយៈពេល១ឆ្នាំ។...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់១៥កន្លែងនៅសាកលវិទ្យាល័យ Kasetsart University នៃប្រទេសថៃឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 10/05/2023
ស្ថានទូតនៃព្រះរាជាណាចក្រកម្ពុជាប្រចាំប្រទេសថៃឡង់ដ៍ បានប្រកាសដល់សាធារណជន និងនិស្សិតកម្ពុជាថា សាកលវិទ្យាល័យ Kasetsart University...
ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ Fulbright ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 24/02/2025
កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។
អាហារូបករណ៍ព្រះមហាក្សត្រថៃ សិក្សានៅសាកលវិទ្យាបច្ចេកវិទ្យា SURANAREE ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 15/02/2023
សាកលវិទ្យាល័យបច្ចេកវិទ្យា SURANAREE នៃប្រទេសថៃ បានបើកផ្ដល់អាហារូបករណ៍ថ្នាក់បរិញ្ញាបត្រចំនួន២០កន្លែងដល់សិស្សនិស្សិតក្នុងតំបន់អាស៊ានពីកម្មវិធីអាហារូបករណ៍...
កម្មវិធីតិចណូវេសិន ជ្រើសរើសសិស្សកម្ពុជា ចូលរួមការអប់រំបច្ចេកវិទ្យា និងសហគ្រិនភាព
ព័ត៌មានអាហារូបករណ៍, ព្រឹត្តិការណ៍
• 14/01/2026
ឱកាសសម្រាប់សិស្សានុសិស្ស ដែលមានបំណងចង់ចេះបង្កើត Mobile App និងចង់ក្លាយជាសហគ្រិនវ័យក្មេង ពេលនេះ កម្មវិធីតិចណូវេសិន (Technovation) ប្រកាសជ្រើសរើសសិស្សដែលមានអាយុ៨ ដល់១៨ឆ្នាំ...
កម្មវិធីពិសេសរបស់ AMS EDUCATION
ព័ត៌មានសង្ខេប
