ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ បើនិយាយពីគ្រឿងស្រវឹងនៅក្នុងសង្គមខ្មែរនារីៗតែងស្អប់ និងមិនចូលចិត្តបុរសទទួលទានគ្រឿងស្រវឹង ឬផឹកគ្រឿងស្រវឹងលើសប្រមាណឡើយ។ មិនចូលចិត្តដោយសារតែគ្រឿងឥទ្ធិពលធ្វើស្រវឹងពង្រក់ស្មារតីមនុស្ស បំផ្លាញសុខភាព បំផ្លាញកិត្តិយស និងសេចក្តីថ្លៃថ្នូររបស់មនុស្ស ។ នេះជាការយល់ឃើញ យុវនារីទាក់ទងទៅនឹងការទទួលគ្រឿងស្រវឹង។
កញ្ញា នឿន ស្រីនុច បុគ្គលិកបម្រើការងារនៅមណ្ឌលព័ត៌មានស្ត្រីកម្ពុជា បាននិយាយថា
“ខ្ញុំមិនចូលចិត្តគ្រឿងស្រវឹងនោះទេ ហើយក៏មិនគាំទ្រការផ្សព្វផ្សាយពាណិជ្ជកម្មគ្រឿងស្រវឹងទូលំទូលាយនោះដែរ ព្រោះមិនមែនជារឿងល្អដែលត្រូវធ្វើការផ្សព្វផ្សាយច្រើន”
ចំណែក កញ្ញា ញ៉ែម ស្រីលីន ជានិស្សិតឆ្នាំទី៤ នៃសាកលវិទ្យាល័យភូមិន្ទភ្នំពេញ បាននិយាយថា អ្នកផឹកគ្រឿងស្រវឹងគ្មានទំនួលខុស តែងបង្កឱ្យមានគ្រោះថ្នាក់ចរាចរណ៍គ្រប់ពេលធ្វើដំណើរ ហើយរូបភាពលក់គ្រឿងស្រវឹងដោយចំហនៅលើទីផ្សារ ឬតាមទីសាធារណៈមិនគួរអនុញ្ញាតឡើយ។
នេះជាការយល់ឃើញរបស់កញ្ញា ជួន លីហ្សា ។
“សម្រាប់ខ្ញុំគ្រឿងស្រវឹងផ្តល់ផលប៉ះពាល់ដល់សុខភាពយ៉ាងខ្លាំង ចំណាយថវិកាច្រើន ខាតពេលវេលា ពិបាកគ្រប់គ្រងស្មារតី និងក្លាយជាមនុស្សលែងដឹងខុសត្រូវដូចមុន ដែលគេនិយមនិយាយបានថា ទឹកប្ដូរនិស្ស័យ”
ឆ្លើយនឹងសំណួរថា តើនារីៗពិតជាស្អប់គ្រឿងស្រវឹងណាស់មែនទេ? កញ្ញា ងយ រស្មី យល់ឃើញថា គ្រឿងស្រវឹងអាចមានគុណសម្បត្តិរបស់វា តែអ្នកផឹកគ្រឿងស្រវឹងដែលគ្មានស្មាតីទទួលខុសត្រូវទៅវិញទេ ដែលគួរឱ្យស្អប់បំផុត។ កញ្ញាបន្តថា ប្រសិនអាចជៀសវាងបានគួរកុំពិសារគ្រឿងស្រវឹង ប្រសិនបើគ្មានទំនួលខុសត្រូវ។
គួររំលឹកថា តាមរបាយការណ៍របស់ក្រសួងមហាផ្ទៃបង្ហាញថា គ្រោះថ្នាក់ចរាចរណ៍បានសម្លាប់មនុស្សជាមធ្យមពីប្រាំទៅប្រាំបីនាក់ក្នុងមួយថ្ងៃ បង្កឡើងដោយអ្នកបើកបរក្រោមឥទ្ធិពលគ្រឿងស្រវឹង៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
នាយករដ្ឋមន្រ្តីស្នើឱ្យសិក្សាលទ្ធភាពរៀនតាមប្រព័ន្ធអនឡាញ ប្រសិនវិបត្តិតម្លៃប្រេងឥន្ធនៈនៅតែបន្ត
អ្នកនាំពាក្យក្រសួងមហាផ្ទៃ អំពាវនាវអ្នកបើកបរគ្រប់រូប ពិសេសយុវជន យកចិត្តទុកដាក់ពីសុវត្ថិភាព គោរពច្បាប់ និងបើកបរដោយប្រុងប្រយ័ត្ន
យុវជនខ្មែរប្រើសិល្បៈឌីជីថល រំលេចអត្តសញ្ញាណជាតិ ក្នុងឱកាសបុណ្យចូលឆ្នាំថ្មី
តិចនិក ៧ យ៉ាង ដើម្បីក្លាយជា «មនុស្សពូកែគិត» (Critical Thinking)
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Peking (PKU)
មន្ត្រីជំរុញឱ្យយុវជនទៅវត្ត ខណៈយុវជនមួយចំនួនមិនសូវចាប់អារម្មណ៍ទៅវត្តក្នុងឱកាសបុណ្យចូលឆ្នាំ
របាំត្រុដិ មរតកប្រពៃណីទំនៀមទម្លាប់ ដែលផ្សារភ្ជាប់ជាមួយអត្តសញ្ញាណជាតិ និងជីវភាពកសិករខ្មែរ
បណ្ឌិត គិន ភា ៖ ការប្រើប្រាស់ភាសាខ្មែរគឺជាកាតព្វកិច្ច និងតម្លៃនៃអត្តសញ្ញាណជាតិ
កម្មវិធីពិសេសរបស់ AMS EDUCATION
ព័ត៌មានសង្ខេប
