ជិតមួយទសវត្សរ៍ ក្រសួងអប់រំ និងយូណេស្កូ វិនិយោគជាង២៧លានដុល្លារ ដើម្បីពង្រឹងគុណភាពគ្រូបង្រៀននៅកម្ពុជា

ចាប់តាំងពីឆ្នាំ២០១៨មក ក្រសួងអប់រំ យុវជន និងកីឡា និងអង្គការយូណេស្កូ (UNESCO) បានរួមគ្នាជំរុញការអភិវឌ្ឍគ្រូបង្រៀននៅកម្ពុជា តាមរយៈកម្មវិធីពង្រឹងការអប់រំគ្រូបង្រៀននៅកម្ពុជា (STEPCam) ដែលមានទឹកប្រាក់វិនិយោគ ២៧,០២លានដុល្លារអាមេរិក ដើម្បីពង្រឹងសមត្ថភាពគ្រូបង្រៀន និងប្រព័ន្ធអប់រំឱ្យកាន់តែរឹងមាំ។

យោងតាមអង្គការយូណេស្កូ កម្មវិធី STEPCam ត្រូវបានផ្តល់មូលនិធិដោយភាពជាដៃគូសកលសម្រាប់ការអប់រំ (GPE) និងអនុវត្តរួមគ្នាដោយក្រសួងអប់រំ យុវជន និងកីឡា និងអង្គការយូណេស្កូ ដោយផ្តោតលើការពង្រឹងសមត្ថភាពគ្រូបង្រៀន និងប្រព័ន្ធអប់រំឱ្យកាន់តែមានភាពរឹងមាំ។

កម្មវិធីនេះគាំទ្រការអភិវឌ្ឍកម្លាំងបង្រៀនដែលមានគុណភាពខ្ពស់ មានវិជ្ជាជីវៈ និងសមត្ថភាព ចាប់ពីការអប់រំមុនពេលចូលបម្រើការងារ រហូតដល់ការអភិវឌ្ឍវិជ្ជាជីវៈ និងការរីកចម្រើនតាមគន្លងអាជីព។

ក្រៅពីនេះ STEPCam ក៏គាំទ្រការបណ្តុះបណ្តាល និងការប្រឹក្សាគរុកោសល្យដល់គ្រូបង្រៀននៅកម្រិតថ្នាក់រៀន ព្រមទាំងការប្រើប្រាស់បច្ចេកវិទ្យាព័ត៌មាន និងសារគមនាគមន៍ក្នុងការអប់រំ ដើម្បីបង្កើនគុណភាពនៃការបង្រៀន និងការរៀននៅកម្ពុជា។

លោក ហ្គាវីយ៉ូ បូណេទី តំណាងអង្គការយូណេស្កូប្រចាំនៅកម្ពុជា បានសរសើរកម្ពុជាចំពោះការបន្តវិនិយោគលើគ្រូបង្រៀន ដោយកត់សម្គាល់ថា អនុសាសន៍របស់អង្គការអន្តរជាតិខាងការងារ (ILO) និងអង្គការយូណេស្កូ ឆ្នាំ១៩៦៦ ស្តីពីឋានៈគ្រូបង្រៀន ផ្តោតលើការទទួលស្គាល់ និងគុណតម្លៃវិជ្ជាជីវៈ ស្វ័យភាព និងសំឡេងរបស់គ្រូបង្រៀន ព្រមទាំងលក្ខខណ្ឌដែលអនុញ្ញាតឱ្យពួកគេបំពេញការងារបានល្អ។

លោកបានបញ្ជាក់ថា ខណៈកម្ពុជាប្រារព្ធខួបលើកទី៧៥ នៃការក្លាយជាសមាជិកអង្គការយូណេស្កូ អង្គការនេះនៅតែប្តេជ្ញាគាំទ្រក្រសួងអប់រំ ក្នុងការជំរុញកំណែទម្រង់គ្រូបង្រៀនបន្តទៀត។

ជាមួយគ្នានេះ ឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា គ្រូបង្រៀនគឺជាបេះដូងនៃការរៀនសូត្រ ហើយការវិនិយោគលើគ្រូបង្រៀនត្រូវធ្វើជាបន្តបន្ទាប់ មិនត្រឹមតែតាមរយៈការបណ្តុះបណ្តាលគ្រូដំបូងប៉ុណ្ណោះទេ ប៉ុន្តែត្រូវបន្តពេញមួយអាជីពការងាររបស់ពួកគេ។

ឯកឧត្តមបានបញ្ជាក់ថា ការរៀនសូត្រដើម្បីអភិវឌ្ឍវិជ្ជាជីវៈគ្រូបង្រៀន គួរតែមានលក្ខណៈអនុវត្តជាក់ស្តែង មានការសហការគ្នា មានភាពបន្តជាប់លាប់ និងផ្សារភ្ជាប់ទៅនឹងតម្រូវការជាក់ស្តែងនៅក្នុងថ្នាក់រៀន។

ក្នុងរយៈពេលមួយទសវត្សរ៍កន្លងមក ក្រសួងអប់រំ យុវជន និងកីឡា បានដំឡើងបៀវត្សរ៍គ្រូបង្រៀន លើកកម្ពស់គុណភាពនៃការបណ្តុះបណ្តាលគ្រូ និងពង្រីកឱកាសសម្រាប់លោកគ្រូ អ្នកគ្រូ ទទួលបានការរៀនសូត្រវិជ្ជាជីវៈពេញមួយជីវិតការងារ។

កិច្ចខិតខំប្រឹងប្រែងទាំងនេះមានគោលដៅលើកកម្ពស់ឋានៈ និងវិជ្ជាជីវៈគ្រូបង្រៀន ព្រមទាំងធានាថា គ្រូបង្រៀនទទួលបានការគាំទ្រ ការបណ្តុះបណ្តាល និងឱកាសអភិវឌ្ឍសមត្ថភាពជាបន្តបន្ទាប់ ដើម្បីឆ្លើយតបទៅនឹងតម្រូវការនៃការអប់រំនាពេលបច្ចុប្បន្ន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Trento ប្រទេសអ៉ីតាលី

ព័ត៌មានអាហារូបករណ៍, ព្រឹត្តិការណ៍

• 09/04/2025

ជាឱកាសសម្រាប់និស្សិត​កម្ពុជា​ដែលចង់បន្ត​ការ​សិក្សា​ថ្នាក់​បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅ​ក្រៅ​ប្រទេស​ ពេលនេះ កម្មវិធីអាហារូបករណ៍ University of Trento Scholarshiip 2025-2026 កំពុង​ប្រកាស​ជ្រើសរើស...

ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង

ព័ត៌មានអាហារូបករណ៍, ព្រឹត្តិការណ៍

• 30/01/2025

ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ​ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង(USTB)បានប្រកាស​ផ្តល់អាហារូបករណ៍​ដល់​និស្សិត​កម្ពុជា ក្នុងការ​សិក្សាជំនាញជាច្រើន...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 12/02/2024

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...

ឱកាសសិក្សាអាហារូបករណ៍ថ្នាក់ឧត្ដមសិក្សាចំនួន៣០កន្លែងពីរដ្ឋាភិបាលហុងគ្រី ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 20/11/2023

ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូន...

អាហារូបករណ៍​ថ្នាក់បណ្ឌិត ជំនាញវិទ្យាសាស្រ្តកុំព្យូទ័រ និងព័ត៌មានវិទ្យា នៅ​ប្រទេស​សឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 31/07/2024

A*STAR Computing and Information Science (ACIS) បានប្រកាស​ផ្តល់អាហារូបករណ៍​ដល់អ្នកមានបំណងចង់បន្តការសិក្សា​ថ្នាក់បណ្ឌិត​ផ្នែកុំព្យូទ័រ និង​វិទ្យាសាស្រ្ត​ព័ត៌មាន។

គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening

ព័ត៌មានអាហារូបករណ៍, ព្រឹត្តិការណ៍

• 15/08/2025

ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...

ឱកាសអាហារូបករណ៍ទៅសិក្សា​នៅប្រទេសសឹង្ហបុរី ពី SIM Global Education Diploma 2026

ព័ត៌មានអាហារូបករណ៍, ព្រឹត្តិការណ៍

• 01/12/2025

SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។