ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ អាណាព្យាបាលទាំងអស់តែងតែការពារកូនៗរបស់ខ្លួនមិនឱ្យជួបប្រទះនឹងបញ្ហាតូចធំផ្សេងៗ មិនថាតែស្រមោច ឬមូសខាំ កើតកន្ទួលរមាស់ជាដើម។ ម៉្យាងទៀត ដោយសារខ្លាចមានបញ្ហាធំប៉ះពាល់ដល់កូន ឪពុកម្ដាយភាគច្រើនក៏រួសរាន់បញ្ជូនកូនទៅកាន់មន្ទីរពេទ្យថែមទៀតផង។
ជាធម្មតារបួសនៅខាងក្រៅអាចនឹងឆាប់ដឹង ឆាប់មើលឃើញ និងងាយព្យាបាលបានទាន់ពេលវេលា។ ប៉ុន្តែវាខុសគ្នានៅពេលដែលក្មេងៗចាប់ផ្ដើមមានអាការៈមិនប្រក្រតី មិនថានៅសាលា ជាមួយមិត្តភក្ដិ លោកគ្រូអ្នកគ្រូ ឬនៅផ្ទះជាមួយក្រុមគ្រួសារ។ អាការៈទាំងអស់នេះអាចធ្វើឱ្យអាណាព្យាបាលពិបាកយល់ ថាតើកូនៗរបស់ពួកគាត់មានបញ្ហាអ្វី ហើយតើពួកគាត់អាចធ្វើអ្វីបានដើម្បីដោះស្រាយបញ្ហាទាំងអស់នោះ។
ក្នុងចំណោមកុមារ ៥នាក់ អាចនឹងមានម្នាក់ដែលមានជំងឺផ្លូវចិត្ត ឬអាកប្បកិរិយាមិនប្រក្រតី។ រោគសញ្ញាខាងក្រោមនេះ អាចបង្ហាញពីបញ្ហាដែលត្រូវការដំណោះស្រាយជាពិសេស ក្រោមការយកចិត្តទុកដាក់បំផុត ៖
1. កូនជួបភាពលំបាកច្រើននៅសាលា។
2. កូនចាប់ផ្ដើមចេះវាយ ឬធ្វើបាបក្មេងៗដទៃទៀត។
3. កូនប៉ុនប៉ងធ្វើបាបខ្លួនឯង។
4. កូនចាប់ផ្ដើមគេចចេញពីរង្វង់មិត្តភក្តិ និងក្រុមគ្រួសារ។
5. ក្នុងរយៈពេលថ្មីៗនេះ អារម្មណ៍គាត់ផ្លាស់ប្ដូរចុះឡើងខុសពីធម្មតា។
6. អារម្មណ៍គាត់រំជើបរំជួលខ្លាំង ដូចជា ភ័យខ្លាំង សប្បាយ អររំភើបខ្លាំង ជាដើម។
7. កូនខ្សោយកម្លាំងកាយ និងកម្លាំងចិត្ត។
8. កូនពិបាកផ្ចង់អារម្មណ៍ធ្វើអ្វីមួយ។
9. គាត់គេងមិនលក់ ឬក៏គេងយល់សប្ដិមិនល្អ។
10. គាត់ចាប់ផ្ដើមមានការត្អូញត្អែរជាច្រើន។
11. កូនចាប់ផ្ដើមលែងខ្វល់ លែងស្រលាញ់ខ្លួនឯង។
12. កូនឈ្លក់វង្វេងនឹងទម្ងន់ និងរូបរាងខ្លួនឯង។
13. គាត់ចាប់ផ្ដើមបរិភោគច្រើន ឬតិចជាងធម្មតា។
តាមរយៈការកត់សម្គាល់ពីបញ្ហាទាំងអស់នេះ អាណាព្យាបាលទាំងអស់អាចសង្កេតពីការប្រែប្រួលនៃអាកប្បកិរិយារបស់កូន និងអាចចាប់ផ្ដើមរកវិធីដើម្បីព្យាបាលពួកគាត់បាន ដោយមានការជួបជាមួយនឹងចិត្តវិទូកុមារ ក៏ដូចជាអ្នកជំនាញផ្សេងទៀតនៅក្នុងវិស័យនេះ។
ក្នុងនាមជាអាណាព្យាបាល អ្នកត្រូវឧស្សាហ៍តាមដាន និងយកចិត្តទុកដាក់លើការប្រែប្រួលរបស់កូន។ មើលថែខ្លួនឯង និងនៅតែរឹងមាំដើម្បីពួកគាត់ ហើយអាចបង្កើតទំនាក់ទំនងជាមួយគ្រួសារផ្សេងទៀតដែលជួបប្រទះបញ្ហាដូចគ្នា ដែលអាចជួយអ្នកឲ្យមានអារម្មណ៍ថា អ្នកមិនមែនមានតែម្នាក់ឯងទេ ដែលជួបបញ្ហាទាំងនេះ។
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
កម្ពុជាសិក្សាបទពិសោធពីអាល្លឺម៉ង់លើការអនុវត្តកម្មវិធីបណ្តុះបណ្តាលនៅកន្លែងការងារ (WBL)
អង់គ្លេសនឹងពង្រឹងវិធានការបន្ថែមគ្រប់គ្រងការចូលប្រើអ៊ីនធឺណិត របស់កុមារ
ជំនាញសំខាន់ៗដែលយុវជន និងពលរដ្ឋត្រូវមាន ដើម្បីក្លាយជាពលរដ្ឋឌីជីថល
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់
ហេតុអ្វីកម្ពុជានៅលេខ៨១ ក្នុងរង្វាយតម្លៃ PISA ឆ្នាំ២០២២ ទោះជាមានកំណែទម្រង់វិស័យអប់រំឆ្នាំ២០១៤?
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ហង្ស សុតសំភារ ៖ ស្ថាបត្យករវ័យក្មេងបច្ចុប្បន្ន មានសមត្ថភាពខ្ពស់ អាចបន្តវេនសម្រាប់ការសាងប្រទេសជាតិ ពិសេសវិស័យស្ថាបត្យកម្ម
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
តើ ពោត ល្អចំពោះសុខភាពដែរ ឬទេ?
ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ
កម្មវិធីពិសេសរបស់ AMS EDUCATION
ព័ត៌មានសង្ខេប
