ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អគ្គនាយកដ្ឋានយុវជន នៃក្រសួងអប់រំ យុវជន និងកីឡា ប្រកាសជ្រើសរើសប្រតិភូកុមារតំណាងប្រទេសកម្ពុជាចំនួន៤រូប ចូលរួមក្នុងសន្និសីទកុមារអាស៊ី-ប៉ាស៊ីហ្វិក (APCC) ដែលនឹងធ្វើឡើងចាប់ពីថ្ងៃទី១១ ដល់ថ្ងៃទី២២ ខែកក្កដា ឆ្នាំ២០២៦ នៅទីក្រុងហ្វូគូអូកា ប្រទេសជប៉ុន ដើម្បីផ្លាស់ប្ដូរវប្បធម៌ លើកកម្ពស់កិច្ចសហប្រតិបត្តិការ និងការប្រាស្រ័យទាក់ទងគ្នារវាងកុមារមកពី ៤០ប្រទេសផ្សេងៗក្នុងតំបន់។
សម្រាប់លក្ខខណ្ឌនៃការជ្រើសរើសប្រតិភូកុមារសម្រាប់ឆ្នាំនេះ រួមមាន បេក្ខជនត្រូវតែមានសញ្ជាតិខ្មែរ, កំពុងសិក្សាតាមគ្រឹះស្ថានរដ្ឋ និងឯកជន, ត្រូវមានថ្ងៃខែឆ្នាំកំណើត ចន្លោះថ្ងៃទី០១ ខែសីហា ឆ្នាំ២០១៤ ដល់ថ្ងៃទី៣១ ខែកក្កដា ឆ្នាំ២០១៥ (អាយុ១០-១១ឆ្នាំ)។
អគ្គនាយកដ្ឋានយុវជន នឹងជ្រើសរើសបេក្ខជនដែលមានចំណាប់អារម្មណ៍ចង់ជួបមនុស្សថ្មីៗ, អាចចែករំលែកពីវប្បធម៌ ទំនៀមទម្លាប់ ប្រពៃណីក្នុងតំបន់, មានចិត្តរំភើបនឹងការភ្លក់រសជាតិអាហារ និងបទពិសោធន៍ថ្មីៗ, ក្លាហានចាកចេញពីតំបន់សុខស្រួលរបស់ខ្លួន និងមិនត្រូវបន្តដំណើរកម្សាន្តពេលដល់ថ្ងៃកំណត់។
សម្រាប់ប្អូនៗដែលចាប់អារម្មណ៍ចង់ចូលរួមកម្មវិធីនេះ អាចដាក់ពាក្យតាមរយៈ https://forms.gle/fvfPx7SFPXMrQpXm6 ។
ឈប់ទទួលពាក្យ៖ ថ្ងៃទី៣០ ខែមករា ឆ្នាំ២០២៦
សូមជំរាបថា កិច្ចប្រជុំកុមារអាស៊ី-ប៉ាស៊ីហ្វិក (APCC) បង្កើតឡើងចាប់តាំងពីឆ្នាំ១៩៨៩ ក្នុងគោលបំណងបង្កើតទំនាក់ទំនងរវាងកុមារក្នុងតំបន់ឱ្យមានភាពស្និតស្នាល និងអភិវឌ្ឍសមត្ថភាពកុមារឱ្យយល់ដឹងអំពីវប្បធម៌ អរិយធម៌ និងទម្លាប់ក្នុងការរស់នៅរបស់កុមារតាមប្រទេសនីមួយៗ៕
