ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពេលវិស្សមកាល ឬថ្ងៃឈប់សម្រាកពីសាលា គឺជាពេលវេលាមួយដែលសិស្សានុសិស្សជាច្រើនទន្ទឹងរង់ចាំ។ ក្រៅពីការដើរលេងកម្សាន្ត និងការជួបជុំមិត្តភក្តិ ពេលវេលានេះក៏ជាឱកាសដ៏ល្អមួយសម្រាប់ពង្រឹងចំណេះដឹង និងត្រៀមលក្ខណៈសម្រាប់ការប្រឡង ឬចូលរៀននាពេលខាងមុខផងដែរ។ ប៉ុន្តែការផ្លាស់ប្តូរទម្លាប់ពីការរៀននៅសាលាមកផ្តោតលើការសិក្សាដោយខ្លួនឯងនៅផ្ទះ អាចជាបញ្ហាប្រឈមមួយសម្រាប់សិស្សានុសិស្សមួយចំនួន។
តាមរយៈគេហទំព័រ Studyclix បានចែករំលែកនូវគន្លឹះសំខាន់ៗមួយចំនួន ដើម្បីជួយឱ្យសិស្សានុសិស្សអាចសិក្សាប្រកបដោយប្រសិទ្ធភាព និងមានវិន័យ ទោះបីជាពេលសម្រាកក៏ដោយ ៖
ក្រោកពីគេងឱ្យលឿន ៖ ទោះបីជានៅពេលល្ងាច ឬពេលយប់ទទួលបានប្រសិទ្ធភាពនៃការសិក្សាក៏ដោយ ក៏មិនគួរបន្តគេងរហូតដល់លើសម៉ោង ឬក៏គេងរហូតដល់ពាក់កណ្តាលថ្ងៃត្រង់នោះដែរ ព្រោះនៅពេលត្រឡប់ចូលរៀនវិញ ឬក៏នៅពេលប្រឡង ការក្រោកពីព្រលឹមនៅតែមានភាពចាំបាច់ ហើយការបន្សាំខ្លួនជាមួយនឹងទម្លាប់ទាំងអស់នេះគឺជាការ បង្កភាពងាយស្រួលនៅពេលមានការងារសំខាន់ តួយ៉ាងដូចជាថ្ងៃប្រឡងជាដើម។
នៅកន្លែងដែលគ្មានការរំខាន ៖ រៀងរាល់ពេលសម្រាកនៅផ្ទះ អ្នកក្បែរផ្ទះអាចនឹងមានកម្មវិធីជួបជុំ ដែលបង្កសម្លេងរំខាន ពិបាកក្នុងការផ្តោត មួយវិញទៀតមិនមានជាសម្លេងរំខានពេកទេ តែភាពទាក់ទាញនៃម្ហូបអាហារឆ្ញាញ់ៗ និងការឆ្លើយឆ្លងជាមួយមនុស្សដែលខ្លួនចូលចិត្ត បានបង្កភាពទាក់ទាញ ធ្វើឱ្យចិត្តងាករ៉េពីការផ្តោតទៅលើការអាន និងការសិក្សា។ ក្នុងករណីនេះ បើមានទីតាំងផ្ទាល់ខ្លួនមិនថាផ្ទះក្ដី បន្ទប់ក្ដី ការដាក់ខ្លួននៅដាច់ដោយឡែក និងប្រាប់អ្នកផ្ទះឱ្យបានដឹងផងដែរថា ខ្លួនត្រូវការផ្តោតលើការសិក្សាមួយរយៈ។
គិតទៅដល់លទ្ធផលប្រឡង ៖ កម្លាំងជំរុញចិត្តអាចមានជាធម្មតា មិនថា ទោះបីវាជាមុខវិជ្ជាដែលខ្លួនមានការចាប់អារម្មណ៍យ៉ាងណាក្ដី ដូចនេះការរំលឹកខ្លួនឯងឡើងវិញពីលទ្ធផលដែលខ្លួនរំពឹងទុក ក៏ជាកត្តាមួយជួយជំរុញដល់ការបង្កើនថាមពលក្នុងការបន្តសិក្សា។
មានពេលដើម្បីសម្រាក ៖ គួររំលឹកបន្ថែមដែរថា ខួរក្បាលមនុស្ស មិនមែនជាម៉ាស៊ីនដែលអាចបន្តផ្តោតក្នុងរយៈពេលយូរម៉ោងនោះទេ ការសម្រាកចាំបាច់ត្រូវមាន ព្រោះនៅពេលទុកឱ្យខួរក្បាលបានសម្រាកវាក៏ជាឱកាសក្នុងការធ្វើឱ្យខួរក្បាលមានការដំណើរការឡើងវិញ។ នៅពេលរំពឹងចង់បានលទ្ធផលល្អពេក ឬជក់ចិត្តនឹងសកម្មភាពអ្វីមួយពេក អាចធ្វើឱ្យមនុស្សភ្លេចក្នុងការសម្រាក ដែលជាហេតុត្រូវការបែងចែកកាលវិភាគដើម្បីដាស់តឿនស្មារតី ធ្វើយ៉ាងណាអាចសម្រាកក្រោយអាហារថ្ងៃត្រង់ ឬក្រោយអាហារពេលល្ងាចជាដើម។
ជំរុញឱ្យរាងកាយមានចលនា ៖ អាការងងុយគេង អាចលេចឡើង ក្រោយពេលដែលចំណាយពេលជាច្រើនក្នុងការសិក្សា ដូច្នេះការអនុញ្ញាតឱ្យរាងកាយបានធ្វើចលនា ក៏ដូចជាហាត់ប្រាណបានខ្លះ ជាកត្តាជំរុញឱ្យមានភាពស្រស់ស្រាយឡើងវិញ៕
