ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភាពទំនើបនៃការសិក្សាតាមរយៈឧបករណ៍ទំនើបៗដូចជា កុំព្យូទ័រ និងទូរស័ព្ទ បានក្លាយជាវិធីសាស្ត្រកត់ចំណាំដ៏ងាយស្រួលមួយបែប ហើយមានភាពពេញនិយមសម្រាប់មនុស្សនាពេលបច្ចុប្បន្ន តែយ៉ាងណាសកម្មភាពនៃការកត់ត្រាបែបបុរាណដោយប្រើប៊ិច និងក្រដាស នៅតែដើរតួនាទីសំខាន់ក្នុងការអភិវឌ្ឍសមត្ថភាពខួរក្បាល ព្រោះការសរសេរដោយដៃ បានពង្រឹងសមត្ថភាពផ្តោត រួមទាំងការរំឮក និងការចងចាំឡើងវិញទៀតផង។
តាមរយៈ BCC បានលម្អិតអំពីអត្ថប្រយោជន៍នៃការកត់មេរៀនដោយដៃ និងមានរៀបរាប់នៅខាងក្រោម ៖
អត្ថប្រយោជន៍ជារួមពីដំណើរការទូទៅនៃការកត់ត្រា ៖ ជាក់ស្តែងមួយ គឺកុំព្យូទ័រយួរដៃផ្តល់នូវភាពលឿនរហ័ស និងមានប្រសិទ្ធភាពក្នុងការសន្សំពេលវេលា តែដើម្បីរក្សាជំហរ និងពង្រឹងទម្លាប់ក្នុងការកត់ដោយដៃដើម្បីអភិវឌ្ឍន៍ការចងចាំ នោះការយកប៊ិច និងក្រដាសដាក់នៅក្បែរខ្លួន បានរួមចំណែកក្នុងការជំរុញឱ្យទម្លាប់កត់ដៃចាប់ផ្តើមផុសផុលជាងមុន។ ជាងនេះទៅទៀត ការកត់ដោយដៃ ក៏បានរួមចំណែកក្នុងការធ្វើសេចក្ដីសង្ខេប ការអធិប្បាយ ក៏ដូចជាការបង្កើតពាក្យថ្មីៗផងដែរ ដែលទាំងនេះសុទ្ធសឹងតែជាសកម្មភាពជំរុញឱ្យចំណេះដឹង និងការចងចាំរាល់មុខវិជ្ជានីមួយៗកាន់តែមានប្រសិទ្ធភាព។
បង្កើនការយល់ដឹងឱ្យកាន់តែមានភាពស៊ីជម្រៅ ៖ ការសរសេរដែលល្អ អាស្រ័យលើការមានទម្លាប់ល្អនៃការកត់ត្រា និងភាពលឿនរហ័ស, កាលដែលមានសកម្មភាពកត់ត្រាបានទៀងទាត់ គឺជាគន្លឹះនាំឱ្យការរៀបចំអត្ថន័យបានល្អ និងជួយឱ្យអត្ថន័យ មានភាពប្រទាក់ក្រឡាគ្នា ក៏ដូចជាបញ្ចៀសពីការគាំងគំនិតជាដើម។
ភាពច្នៃប្រតិដ្ឋ ៖ ការគូសជាសញ្ញា ឬការគូសជារូបភាព ក៏បានរួមចំណែកសំខាន់ ក្នុងការកត់ត្រាដូចគ្នាដែរ ព្រោះនៅពេលពាក្យនីមួយៗ ត្រូវបានបង្កើតទៅជារូបភាព វាត្រូវការគំនិតផ្ទាល់ខ្លួនក្នុងការបញ្ចេញគំនិត និងការផ្តោតព្រមជាមួយគ្នាដែរ។ ជាពិសេសនៅពេលកត់ត្រាចេញពីសៀវភៅដែលខ្លួនបានអាន ដែលជាឱកាសក្នុងការពិពណ៌នាគំនិត និងការបង្ហាញពីអារម្មណ៍ ឬក៏ទស្សនៈព្រមជាមួយគ្នាដែរ។ ការកត់ រឹងរឹតតែមានផ្តល់អត្ថប្រយោជន៍ទៅកាន់ក្រុមមនុស្សដែលធ្វើការដូចជា អ្នកសារព័ត៌មាន គ្រូបង្រៀន ស្ថាបត្យកម្ម វិស្វកម្ម អ្នកច្នៃម៉ូដ និងការងារជាច្រើនទៀតដែលត្រូវការ ភាពច្នៃប្រតិដ្ឋ និងការផ្តោត៕
