ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ សព្វថ្ងៃមាតិកាបង្ហោះក្នុងបណ្ដាញសង្គមហ្វេសប៊ុកកំពុងដើរតួនាទីជាអ្នកផ្ដល់ព័ត៌មាន ផ្តល់មតិយោបល់ និងប្រាប់រឿងរ៉ាវផ្សេងៗ ទៅកាន់មនុស្សទូទៅ។ អ្នកប្រើប្រាស់បណ្ដាញសង្គមអាចផ្សព្វផ្សាយ ចែករំលែក រៀនសូត្រ និងទទួលចំណេះដឹងទូទៅយ៉ាងច្រើនពីគ្រប់មជ្ឈដ្ឋាន។ ថ្វីបើបណ្តាញសង្គមផ្តល់ប្រយោជន៍យ៉ាងច្រើនក៏ពិតមែន ប៉ុន្តែមាតិកាមួយចំនួនក្នុងបណ្តាញសង្គមនេះ អាចបង្កើតជាទុក្ខដុនដាបកាន់តែខ្លាំងសម្រាប់ជីវិត ប្រសិនអ្នកប្រើប្រាស់មិនបានវិនិច្ឆ័យត្រឹមត្រូវ។
នៅក្នុងសិក្ខាសាលាស្ដីពី “ទំនាក់ទំនង ដើម្បីជោគជ័យ” រៀបចំដោយ DAILY PLUS កន្លងទៅ ព្រះភិក្ខុ វជិរប្បញ្ញោ គូ សុភាព ធ្លាប់មានសង្ឃដីកាថា
“មុននឹងប៉ុស្តិ៍អ្វីនៅក្នុងហ្វេសប៊ុក ត្រូវសួរខ្លួនឯងផងថា តើវាមានប្រយោជន៍សម្រាប់ខ្លួនឯង និងសម្រាប់អ្នកមើលរឺទេ? រឺគ្រាន់ប៉ុស្តិ៍ដើម្បីតែទាក់ទាញចំណាប់អារម្មណ៍… បើសិនជាយើងម្នាក់ៗស្ពាយសំរាមទៅចោលនៅក្នុងហ្វេសប៊ុក នោះហ្វេសប៊ុកនឹងក្លាយជាទីវាលចាក់សម្រាម ! មុននឹងយើងវិនិច្ឆ័យអ្វីមួយ យើងត្រូវថ្លឹងថ្លែងឱ្យមែនទែន”
ព្រះភិក្ខុ វជិរប្បញ្ញោ គូ សុភាព
សប្បាយចិត្តក៏ប៉ុស្តិ៍ ទុក្ខសោកក៏ប៉ុស្តិ៍ ជួបរឿងជោគជ័យក៏ប៉ុស្តិ៍ បរាជ័យក៏ប៉ុស្តិ៍ នេះជាទម្លាប់ប្រចាំថ្ងៃរបស់អ្នកញៀនបណ្តាញសង្គមហ្វេសប៊ុកមួយចំនួនកំពុងអនុវត្ត។ ពេលខ្លះ ពួកគាត់ចាត់ទុកកាព្វកិច្ចគ្មានការព្រាងទុកទាំងនេះ ជារឿងសំខាន់រហូតដល់ចំណាយពេលវេលាបណ្តោយខ្លួនឱ្យលង់នឹងសុភមង្គលលើបណ្តាញសង្គម។
ហ្វេសប៊ុក អាចធ្វើឱ្យជីវិតមនុស្សដុនដាប ប្រសិនបើផ្លូវចិត្តអ្នកប្រើប្រាស់ទន់ខ្សោយស្រាប់។ ទន្ទឹមគ្នានេះ មាតិកានៅលើបណ្តាញសង្គមហ្វេសប៊ុកមានរូបភាពឃាតកម្ម អំពើឃោរឃៅ ហិង្សាក្នុងគ្រួសារ ទំនាស់បុគ្គល អំពើអសីលធម៌ ព័ត៌មានក្លែងក្លាយ អាចឱ្យអ្នកប្រើប្រាស់ភ័យខ្លាច បាក់ស្បាត ឬរងសម្ពាធផ្លូវចិត្តពីមជ្ឈដ្ឋានទាំងនោះដោយមិនដឹងខ្លួន។
ការចែកចាយមាតិកាវិជ្ជមានលើបណ្តាញសង្គម ជាចំណុចសំខាន់ដែលអ្នកប្រើប្រាស់គួរអនុវត្ត ដើម្បីបង្ហាញពីតម្លៃខ្លួន និងចូលរួមជួយមនុស្សនៅក្នុងសង្គម។ ចំណុចនេះ ឯកឧត្តបណ្ឌិត តាន់ មុនីវណ្ណ អគ្គនាយកក្រុមហ៊ុនខេមប្រូហ្វសឺវិស មានប្រសាសន៍តាមរយៈវិឌីអូនៅក្នុងបណ្ដាញសង្គម កាលពីខែកក្កដាកន្លងទៅថា
“បើសិនជាយើងស្រលាញ់សង្គម យើងគួរតែចែករំលែករឿងល្អៗ ដូចជាយើងយល់ដឹងអំពីទេសចរណ៍ណាដែលមានកន្លែងស្អាតៗ… នៅពេលដែលយើងបានទៅលេងយើងគួរតែផ្សព្វផ្សាយ ដើម្បីក្លាយខ្លួនជាពលរដ្ឋម្នាក់ដែលស្រលាញ់ជាតិពិតប្រាកដ”
ឯកឧត្តបណ្ឌិត តាន់ មុនីវណ្ណ
ជារួម ការបង្កើតមាតិកានៅលើបណ្តាញសង្គម និងទទួលយកព័ត៌មានពីបណ្តាញសង្គមជាចំណុចសំខាន់ដែលអ្នកប្រើប្រាស់ត្រូវពិចារណាឱ្យបានល្អិតល្អន់ក្នុងជីវភាពប្រចាំថ្ងៃ។ បើពុំនោះទេ មាតិកាលើបណ្ដាញដែលកំពុងកាន់ជាប់នឹងដៃ អាចឱ្យជីវិតអ្នកប្រើប្រាស់ទន់ខ្សោយ និងដុនដាបកាន់តែខ្លាំងជាក់ជាពុំខាន៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍សំខាន់
ព័ត៌មានទូទៅ
ឥណ្ឌាជាមជ្ឈមណ្ឌលអប់រំលំដាប់សកល, រដ្ឋមន្រ្តីអប់រំប្រាប់និស្សិតកម្ពុជាប្រឹងប្រែងក្រេបជញ្ជក់ចំណេះដឹង ត្រឡប់មកអភិវឌ្ឍជាតិ
កម្ពុជាប្រាប់ពិភពលោកពីការរងផលប៉ះពាល់របស់កុមារក្នុងជម្លោះព្រំដែនថៃ-កម្ពុជា និងអំពាវនាវឱ្យពង្រឹងការការពារតាមច្បាប់អន្តរជាតិជាបន្ទាន់
រក្សាសុខភាព និងជៀសវាងខ្សោះជាតិទឹកពីក្នុងខ្លួន ៖ ស្វែងយល់ពីបន្លែ និងផ្លែឈើ ៥ ប្រភេទ ដែលសម្បូរទៅដោយជាតិទឹកខ្ពស់
ឱកាសសម្រាប់សិស្សវិទ្យាល័យ! កម្មវិធី «ក្លឹបសហគ្រិនវិទ្យាល័យ» បើកទទួលពាក្យ ដើម្បីបណ្តុះជំនាញអាជីវកម្ម និងភាពជាអ្នកដឹកនាំតាមអនឡាញ
ឯកឧត្តមសន្តិបណ្ឌិត នេត សាវឿន ជំរុញឱ្យយុវជនប្រើប្រាស់បច្ចេកវិទ្យា និងភាពច្នៃប្រឌិត ដើម្បីចូលរួមប្រយុទ្ធប្រឆាំងគ្រឿងញៀន
កម្ពុជាដាក់ឱ្យអនុវត្តកម្មវិធីថ្នាក់ជាតិ «ក្មេងស្រីដឹកនាំ» ឆ្នាំ២០២៦-២០៣០ ដើម្បីបណ្តុះអ្នកដឹកនាំស្រ្តីជំនាន់ក្រោយ
អ្នកជំនាញសង្គម ៖ អ្នកបង្កើតមាតិកា គួរគិតឱ្យបានគ្រប់ជ្រុងជ្រោយមុនបញ្ចេញមតិលើបណ្ដាញសង្គម
ការងារ ៣០ ប្រភេទនៅអាមេរិក មិនទាមទារបរិញ្ញាបត្រ តែមានឱកាសទទួលបានប្រាក់ខែខ្ពស់រហូតជិត១០ម៉ឺនដុល្លារក្នុងមួយឆ្នាំ
អាហារូបករណ៍ថ្នាក់ភាសាចិន រយៈពេល១ឆ្នាំ នៅខេត្តជឺជាំង ប្រទេសចិន
ស្វែងយល់ពីមូលហេតុទាំង ៦ នៃការមិនស្តាប់បង្គាប់របស់កុមារ និងវិធីសាស្ត្រដោះស្រាយវិជ្ជមាន
កម្មវិធីពិសេសរបស់ AMS EDUCATION
ព័ត៌មានសង្ខេប
