ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ ក្រសួងប្រៃសណីយ៍ និងទូរគមនាគមន៍ និងក្រុមហ៊ុន Microsoft អាស៊ីប៉ាស៊ីហ្វិក បានព្រមព្រៀងសហការគ្នាលើកកម្ពស់ការប្រើប្រាស់ឌីជីថលនៅកម្ពុជាក្នុងវិស័យជាច្រើន រួមទាំងការអប់រំលើកម្មវិធីសិក្សា។ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងប្រធានផ្នែកហិរញ្ញវត្ថុសំរាប់ក្រុមហ៊ុន Microsoft Singapore លោកស្រី Cairine Haslam បានចុះហត្ថលេខាលើអនុស្សរណៈនៃការយោគយល់គ្នា (MoU) នេះកាលពីរសៀលថ្ងៃទី១៦ ខែមីនា ឆ្នាំ២០២១ នៅទីស្តីការក្រសួង។
អនុស្សរណៈនៃការយោគយល់នេះ មានគោលបំណងលើកកម្ពស់បរិវត្តកម្មឌីជីថល (Digital Transformation) តាមរយៈកិច្ចសហប្រតិបត្តិការលើការអភិវឌ្ឍធនធានមនុស្សជំនាញ ការស្រាវជ្រាវនិងការអភិវឌ្ឍ នវានុវត្តន៍និងសហគ្រិនភាព ក្នុងវិស័យបច្ចេកវិទ្យាគមនាគមន៍និងព័ត៌មាន ព្រមទាំងកិច្ចសហការរៀបចំគោលនយោបាយនិងផែនការអភិវឌ្ឍរដ្ឋាភិបាលឌីជីថល។
រដ្ឋមន្ត្រីក្រសួងប្រៃសណីយ៍ និងទូរគមនាគមន៍ មានប្រសាសន៍ថា៖
“ក្រុមហ៊ុន Microsoft មានគម្រោងបញ្ចូលបច្ចេកវិទ្យាទៅក្នុងកម្មវិធីសិក្សាមធ្យមសិក្សាទូទៅនិងឧត្តមសិក្សា។ ក្រសួងប្រៃសណីយ៍នឹងធ្វើការជាមួយក្រសួងអប់រំ យុវជន និងកីឡា ដើម្បីបង្កើតផែនការលើកកម្ពស់អក្ខរកម្មឌីជីថល”
ឯកឧត្តម ជា វ៉ាន់ដេត
ឯកឧត្តមបានបញ្ជាក់ថា ក្រសួងប្រៃសណីយ៍ នឹងជំរុញឱ្យនិស្សិតពិចារណាជ្រើសរើសរៀនបច្ចេកវិទ្យាឌីជីថល បើទោះពួកគេកំពុងសិក្សាជំនាញផ្សេងទៀតក៏ដោយ ក្នុងគោលបំណងបំពេញចំណេះដឹងជាមូលដ្ឋាននៃការទំនាក់ទំនងនិងព័ត៌មានវិទ្យាឌីជីថល ដើម្បីត្រៀមខ្លួនចូលរួមក្នុងការអភិវឌ្ឍសេដ្ឋកិច្ចនិងសង្គម និងត្រៀមខ្លួនសម្រាប់បដិវត្តឧស្សាហកម្មជំនាន់ទី ៤។
អគ្គលេខាធិការនិងអ្នកនាំពាក្យរបស់ក្រសួងអប់រំ យុវជន និងកីឡា បានមានប្រសាន៍ផងដែរថា៖
“ក្រសួងអប់រំ យុវជន និងកីឡា ស្វាគមន៍កិច្ចសហការវិជ្ជមានពីសំណាក់ក្រសួង-ស្ថាប័ន និងគ្រប់ភាគីពាក់ព័ន្ធក្នុងការលើកកម្ពស់ការអប់រំតាមបែបឌីជីថល ដែលស្របនឹងផែនការយុទ្ធសាស្ត្រវិស័យអប់រំ២០១៩-២០២៣ ដើម្បីឆ្លើយតបនឹងសេដ្ឋកិច្ចឌីជីថលកម្ពុជារបស់រាជរដ្ឋាភិបាល”
ឯកឧត្តម រស់ សុវាចា
ឯកឧត្តម រស់ សុវាចា បានបន្ថែមថា ដំណើរឆ្ពោះទៅឆ្នាំ២០៣០ ក្រសួងអប់រំប្តេជ្ញាសម្រេចឱ្យបានគោលដៅអភិវឌ្ឍន៍ប្រកបដោយចីរភាពទី៤ ស្តីពីការអប់រំ ដោយឈរលើគោលការណ៍ គុណភាព សមធម៌ បរិយាបន្ន ការសិក្សាពេញមួយជីវិត និងទាំងអស់គ្នា។
គួររំលឹកផងដែរថា ទន្ទឹមនឹងការចុះកិច្ចព្រមព្រៀងខាងលើ កាលពីរសៀលថ្ងៃទី១៦ ខែមីនាកន្លងទៅ ប្រៃសណីយ៍និងទូរគមនាគមន៍ចុះហត្ថលេខាលើកិច្ចព្រមព្រៀងភាពជាដៃគូមួយទៀតរវាងក្រសួងប្រៃសណីយ៍និងក្រុមហ៊ុន Brite Digital ជាតំណាងក្រុមហ៊ុនម៉ៃក្រូសូហ្វប្រចាំកម្ពុជា ដែលមានលោកស្រី LEON Lorida-Sereipheap នាយកគ្រប់គ្រងជាតំណាង។ កិច្ចព្រមព្រៀងនេះ ផ្តោតសំខាន់លើកិច្ចសហប្រតិបត្តិការរវាងក្រសួងប្រៃសណីយ៍និងទូរគមនាគមន៍ និងក្រុមហ៊ុន Brite Digital ក្នុងការអភិវឌ្ឍសូហ្វវែរ “កម្មវិធីវាយអត្ថបទជាអក្សរខ្មែររហ័ស” (Khmer Fastype Tool) ដើម្បីសម្រួលដល់ការសរសេរអត្ថបទជាភាសាខ្មែរក្នុងសូហ្វវែររដ្ឋបាលរបស់ម៉ៃក្រូសូហ្វ (Microsoft Office)៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ហេតុអ្វីនិស្សិត DMC ភាគច្រើនងាកទៅរកវិស័យផ្សេងៗ ជំនួសឱ្យការងារក្នុងស្ថាប័នសារព័ត៌មាន?
ក្រុមបេក្ខជនមកពីសាកលវិទ្យាល័យវិទ្យាសាស្រ្តសុខាភិបាល ជាប់ជ័យលាភីលេខ១ ក្នុងវគ្គផ្តាច់ព្រ័ត្រ នៃការប្រកួតវោហារស័ព្ទជាក្រុម ស្ដីពី ”ឥទ្ធិពលនៃគ្រឿងស្រវឹង”
ឥណ្ឌាជាមជ្ឈមណ្ឌលអប់រំលំដាប់សកល, រដ្ឋមន្រ្តីអប់រំប្រាប់និស្សិតកម្ពុជាប្រឹងប្រែងក្រេបជញ្ជក់ចំណេះដឹង ត្រឡប់មកអភិវឌ្ឍជាតិ
កម្ពុជាប្រាប់ពិភពលោកពីការរងផលប៉ះពាល់របស់កុមារក្នុងជម្លោះព្រំដែនថៃ-កម្ពុជា និងអំពាវនាវឱ្យពង្រឹងការការពារតាមច្បាប់អន្តរជាតិជាបន្ទាន់
រក្សាសុខភាព និងជៀសវាងខ្សោះជាតិទឹកពីក្នុងខ្លួន ៖ ស្វែងយល់ពីបន្លែ និងផ្លែឈើ ៥ ប្រភេទ ដែលសម្បូរទៅដោយជាតិទឹកខ្ពស់
ឱកាសសម្រាប់សិស្សវិទ្យាល័យ! កម្មវិធី «ក្លឹបសហគ្រិនវិទ្យាល័យ» បើកទទួលពាក្យ ដើម្បីបណ្តុះជំនាញអាជីវកម្ម និងភាពជាអ្នកដឹកនាំតាមអនឡាញ
ឯកឧត្តមសន្តិបណ្ឌិត នេត សាវឿន ជំរុញឱ្យយុវជនប្រើប្រាស់បច្ចេកវិទ្យា និងភាពច្នៃប្រឌិត ដើម្បីចូលរួមប្រយុទ្ធប្រឆាំងគ្រឿងញៀន
កម្ពុជាដាក់ឱ្យអនុវត្តកម្មវិធីថ្នាក់ជាតិ «ក្មេងស្រីដឹកនាំ» ឆ្នាំ២០២៦-២០៣០ ដើម្បីបណ្តុះអ្នកដឹកនាំស្រ្តីជំនាន់ក្រោយ
អ្នកជំនាញសង្គម ៖ អ្នកបង្កើតមាតិកា គួរគិតឱ្យបានគ្រប់ជ្រុងជ្រោយមុនបញ្ចេញមតិលើបណ្ដាញសង្គម
ការងារ ៣០ ប្រភេទនៅអាមេរិក មិនទាមទារបរិញ្ញាបត្រ តែមានឱកាសទទួលបានប្រាក់ខែខ្ពស់រហូតជិត១០ម៉ឺនដុល្លារក្នុងមួយឆ្នាំ
កម្មវិធីពិសេសរបស់ AMS EDUCATION
ព័ត៌មានសង្ខេប
