ស្ត្រេសរ៉ាំរ៉ៃ បណ្ដាលឱ្យមានបញ្ហាសុខភាពផ្លូវកាយ និងផ្លូវចិត្តធ្ងន់ធ្ងរ

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

បញ្ហាស្ត្រេសរ៉ាំរ៉ៃ គឺជាអារម្មណ៍តានតឹងខ្លាំង ដែលអូសបន្លាយយូរ អាចជះឥទ្ធិពលអវិជ្ជមានដល់ជីវិតប្រចាំថ្ងៃរបស់មនុស្ស។ ភាពតានតឹងរ៉ាំរ៉ៃអាចបណ្ដាលឱ្យមានការផ្លាស់ប្ដូរអារម្មណ៍ ពិបាកគេង និងជំងឺរាងកាយ។ ការតានតឹងរយៈពេលខ្លី គឺជារឿងធម្មតានៃជីវិតប្រចាំថ្ងៃ ប៉ុន្តែនៅពេលដែលអារម្មណ៍ទាំងនេះក្លាយទៅជារ៉ាំរ៉ៃ វាអាចប៉ះពាល់ដល់សុខភាពធ្ងន់ធ្ងរ។

តើស្ត្រេសរ៉ាំរ៉ៃគឺជាអ្វី?

ភាពតានតឹង ឬស្ត្រេសរ៉ាំរ៉ៃ គឺជាការឆ្លើយតបជីវសាស្ត្រចំពោះស្ថានភាពដែលទាមទារពីមនុស្សម្នាក់លើសពីសមត្ថភាពគេ។ វាបណ្ដាលឱ្យរាងកាយបញ្ចេញអរម៉ូន ដូចជា ករទីសូល និងអាដ្រេណាលីន។ អរម៉ូនទាំងនេះ ជួយរាងកាយ ដើម្បីត្រៀមធ្វើសកម្មភាព ដូចជា បង្កើនចង្វាក់បេះដូង និងចង្វាក់ដង្ហើម។ នៅពេលស្ថានភាពនេះ កើតឡើង វេជ្ជបណ្ឌិតអាចពណ៌នាបុគ្គល ដែលជួបស្ថានភាពនេះថា ស្ថិតក្នុងស្ថានភាពប្រុងប្រយ័ត្នខ្ពស់ ឬមានភាពស្រ៊ើបស្រាលខ្លាំង។

កត្តាជាច្រើន អាចបង្កឱ្យមានការឆ្លើយតបភាពតានតឹង រួមទាំងស្ថានភាពគ្រោះថ្នាក់ ឬបណ្ដាលឱ្យមានសម្ពាធផ្លូវចិត្ត ដូចជា ថ្ងៃផុតកំណត់ការងារ ការប្រឡង និងព្រឹត្តិការណ៍កីឡាជាដើម។

ឥទ្ធិពលនៃភាពតានតឹងមកលើរាងកាយ មិនមានរយៈពេលយូរប៉ុន្មានទេ។ យ៉ាងណាក៏ដោយ មនុស្សមួយចំនួនយល់ថា ខ្លួនពួកគេស្ថិតក្នុងស្ថាភាពប្រុងប្រយ័ត្ន ឬតានតឹងខ្ពស់បំផុត បណ្ដាលមកពីកត្តាចម្បងបី រួមមាន ការងារដែលមានសម្ពាធខ្ពស់ ភាពតានតឹងផ្នែកហិរញ្ញវត្ថុ និងវិបត្តិទំនាក់ទំនង។

រោគសញ្ញានៃភាពតានតឹងរ៉ាំរ៉ៃ

ភាពតានតឹងរ៉ាំរ៉ៃអាចប៉ះពាល់ដល់រាងកាយទាំងមូល។ វាអាចស្ដែងឡើង តាមរយៈរោគសញ្ញាផ្លូវកាយ និងផ្លូវចិត្តមួយចំនួន ដែលអាចធ្វើឱ្យការងារប្រចាំថ្ងៃពិបាកនឹងសម្រេចបានទៅដោយរលូន។ ប្រភេទ និងស្ថានភាពរោគសញ្ញា ប្រែប្រួលទៅតាមស្ថានភាពរបស់មនុស្សម្នាក់ៗ រួមមាន ឆាប់ខឹង អស់កម្លាំង ឈឺក្បាល ពិបាកផ្ដោតអារម្មណ៍ ការគិតច្របូកច្របល់ ពិបាកគេង ក្រពះពិបាករំលាយអាហារ មានអារម្មណ៍អស់សង្ឃឹម បាត់បង់សមត្ថភាពគ្រប់គ្រងខ្លួនឯង ឱ្យតម្លៃខ្លួនឯងទាប បាត់បង់ចំណង់ផ្លូវភេទ ភ័យ និងឧស្សាហ៍ព្រួយបារម្ភពីការឆ្លងរោគ ឬកើតជំងឺ។

ឥទិ្ធពលមកលើសុខភាពផ្លូវកាយ ដែលបណ្ដាលមកពីស្ត្រេសរ៉ាំរ៉ៃ

ភាពតានតឹងរ៉ាំរ៉ៃប៉ះពាល់ដល់ខួរក្បាល និងប្រព័ន្ធភាពស៊ាំ។ បណ្ដាញសរសៃប្រសាទខួរក្បាល ជាពិសេសក្នុង Cortex ផ្នែកខាងមុខអាចចុះខ្សោយ។ ភាពតានតឹង រយៈពេលវែង ឬស្ត្រេសរ៉ាំរ៉ៃ អាចរួមចំណែកដល់ការវិវត្តនៃជំងឺផ្លូវកាយ និងផ្លូវចិត្តជាច្រើនរួមមាន ជំងឺបេះដូង សម្ពាធឈាមខ្ពស់ ជំងឺទឹកនោមផ្អែម ភាពធាត់ អស់កម្លាំងរ៉ាំរ៉ៃ អសមត្ថភាពផ្លូវភេទ ជំងឺក្រពះពោះវៀន ការឆ្លងមេរោគផ្លូវដង្ហើម ជំងឺអូតូអ៊ុយមីន (autoimmune diseases) ជំងឺបាក់ទឹកចិត្ត និងបញ្ហាថប់បារម្ភ។

ការគ្រប់គ្រង និងព្យាបាលជំងឺស្ត្រេសរ៉ាំរ៉ៃ

ដើម្បីគ្រប់គ្រងភាពតានតឹងរ៉ាំរ៉ៃ អ្នកមានបញ្ហា អាចអនុវត្តវិធីសាស្ត្រមួយចំនួន ដូចជា សិក្សាពីសញ្ញា និងរោគសញ្ញានៃភាពតានតឹង, និយាយជាមួយមិត្តភក្តិ និងក្រុមគ្រួសារ ដើម្បីស្វែងរកការគាំទ្រ, ចៀសវៀង ឬកាត់បន្ថយធ្វើកិច្ចការ ឬនៅក្នុងបរិយាកាស ដែលបណ្ដាលឱ្យស្ត្រេស, ធ្វើលំហាត់ប្រាណទៀងទាត់, ធ្វើសម្មាធិ, គេងទៀងម៉ោង កាត់បន្ថយការទទួលទានកាហ្វេអ៊ីន និងសរសេរកំណត់ហេតុប្រចាំថ្ងៃ។

ប្រសិនបើអ្នកកំពុងប្រឈមនឹងភាពតានតឹងរ៉ាំរ៉ៃ វាជារឿងសំខាន់ ដែលអ្នកមានបញ្ហា ត្រូវទៅជួបអ្នកជំនាញផ្នែកថែទាំសុខភាព និងអ្នកចិត្តសាស្ត្រ ដើម្បីពិគ្រោះយោបល់ ទទួលបានការគាំទ្រ និងព្យាបាល៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិបណ្ដុះបណ្ដាលបច្ចេកទេសឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 18/09/2025

វិទ្យាស្ថានជាតិបណ្ដុះបណ្ដាលបច្ចេកទេស (NTTI) ផ្ដល់អាហារូបករណ៍ថ្នាក់បរិញ្ញាបត្រ និងកម្រិតសញ្ញាបត្រជាន់ខ្ពស់បច្ចេកទេស ចំនួន១០កន្លែង ក្រោមការឧបត្ថម្ភ និងគាំទ្រពី ឯកឧត្ដមអភិសន្តិបណ្ឌិត ស សុខា និង លោកជំទាវ កែ សួនសុភី ឆ្នាំសិក្សា២០២៥-២០២៦។

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

អាហារូបករណ៍ក្រោយឧត្តមសិក្សា​ជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់

ព័ត៌មានអាហារូបករណ៍, ព្រឹត្តិការណ៍

• 07/02/2025

កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍​ថ្នាក់ក្រោយ​ឧត្តមសិក្សា​ចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យ​សាធារណៈ និងឯកជន) លើមុខជំនាញពាក់ព័ន្ធ​នឹង​ការ​ប្រែប្រួលអាកាសធាតុ...

ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 17/06/2026

សាកលវិទ្យាល័យ RMIT នៃប្រទេស​អូស្រ្តាលី បានប្រកាស​ពីការ​ផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...

ឱកាសសិក្សាអាហារូបករណ៍ថ្នាក់ឧត្ដមសិក្សាចំនួន៣០កន្លែងពីរដ្ឋាភិបាលហុងគ្រី ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 20/11/2023

ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូន...

វិទ្យាស្ថានពហុបច្ចេកទេស​ខេត្តកោះកុង ផ្តល់អាហារូបករណ៍សិក្សា​ជំនាញ​ឥតគិតថ្លៃ ព្រមទាំងផ្តល់ជូនកន្លែងស្នាក់នៅ

ព័ត៌មានអាហារូបករណ៍, ព្រឹត្តិការណ៍

• 07/07/2025

វិទ្យាស្ថាន​ពហុបច្ចេកទេស​ខេត្តកោះកុង បានប្រកាស​ផ្តល់អាហារូបករណ៍ ១០០% ដល់យុវជន ពលករចំណាកស្រុក ក៏​ដូចជា​ប្រជាពលរដ្ឋទូទៅ​ដែល​ចង់ទទួលបានជំនាញ ដើម្បីប្រកប​របរចិញ្ចឹមជីវិត និង​ធ្វើការងារ​នៅ​តាម​សហគ្រាស​ឧស្សាហកម្ម​នានា។

អាហារូបករណ៍សម្រាប់និស្សិតកម្ពុជា ទៅ​បន្តការ​សិក្សា​នៅ​ប្រទេស​ហុងគ្រី ៣០កន្លែង សម្រាប់ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/11/2024

ក្រោមកម្មវិធី​អាហារូបករណ៍ Stipendium Hungaricum Programme របស់រដ្ឋាភិបាល នៃ​ប្រទេស​ហុងគ្រី នឹងផ្តល់អាហារូបករណ៍​ចំនួន ៣០កន្លែង​ដល់និស្សិត​កម្ពុជា ដើម្បី​បន្ត​ការ​សិក្សា​នៅ​តាម​សាកលវិទ្យាល័យ​នានា​ក្នុង​ប្រទេស​ហុងគ្រី...

បណ្ឌិត្យសភានគរបាលកម្ពុជា ជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់វិទ្យាសាស្ត្រនគរបាល ជំនាន់ទី១៣

ព័ត៌មានអាហារូបករណ៍, ព្រឹត្តិការណ៍

• 10/03/2025

បណ្ឌិតសភានគរបាលកម្ពុជា នៃក្រសួងមហាផ្ទៃ ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ វិទ្យាសាស្ត្រនគរបាល ជំនាន់ទី១៣ សិក្សារយៈពេល២ឆ្នាំ។ ការសិក្សាផ្ដោតលើជំនាញចំនួន២ គឺ ជំនាញស៊ើបអង្កេតព្រហ្មទណ្ឌ ជំនាញគ្រប់គ្រង...

វិទ្យាស្ថានពហុបច្ចេកទេស​ខេត្តពោធិ៍សាត់ ផ្តល់ការ​សិក្សា​ជំនាញឥតគិតថ្លៃ ចំនួន៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 09/09/2024

វិទ្យាស្ថាន​ពហុបច្ចេកទេស​ខេត្តពោធិ៍សាត់ ប្រកាស​ជ្រើសរើស​យុវជន យុវនារី ដែល​មក​ពី​គ្រួសារ​ក្រីក្រ និង​គ្រួសារ​ងាយរងហានិភ័យ​ឱ្យ​ចូលរៀន​ជំនាញវិជ្ជាជីវៈ និង​បច្ចេកទេស កម្រិតសញ្ញាបត្រ​បច្ចេកទេស និង​វិជ្ជាជីវៈ១ (C1) ចំនួន៣០០កន្លែង​ដោយ​ឥតគិតថ្លៃ។