ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មូលនិធិអង្គការសហប្រជាជាតិដើម្បីកុមារប្រចាំកម្ពុជា (Unicief Cambodia) សហការជាមួយក្រសួងអប់រំ យុវជន និងកីឡា និងស្ថាប័នពាក់ព័ន្ធចែករំលែកសកម្មភាពទាំងប្រាំមួយ ដែលនឹងអាចក្លាយជាទម្លាប់អនុវត្តប្រចាំថ្ងៃ ដើម្បីសុខភាពផ្លូវកាយ និងផ្លូវចិត្តល្អប្រសើរ។
១. ទទួលទានទឹកឱ្យបាន ២លីត្រ ៖ ទឹកជាសារធាតុសំខាន់សម្រាប់ទ្រទ្រង់រាងកាយ ជាពិសេសមួយរយៈនេះដែលធាតុអាកាសចាប់ផ្ដើមកើនកម្ដៅ សារជាតិនៅក្នុងខ្លួនក៏អាចបាត់បង់។ ដើម្បីបន្សាំខ្លួនជាមួយសីតុណ្ហភាពក្ដៅនេះ សម្រាប់មនុស្សធំពេញវ័យ គួរផឹកទឹកឱ្យបានយ៉ាងហោចណាស់ពីរលីត្រក្នុងមួយថ្ងៃ។
២. និយាយ ឬទាក់ទងទៅកាន់មិត្តភក្ដិ ឬមនុស្សជាទីស្រលាញ់ ៖ ទំនាក់ទំនងជារឿងសំខាន់ណាស់។ និយាយទាក់ទងទៅកាន់មិត្តភក្ដិ ឬមនុស្សជាទីស្រលាញ់ អាចជួយរឹតចំណងមិត្តភាព ក៏ដូចជាសេចក្ដីស្រលាញ់រវាងភាគីទាំងសងខាង។ មិនត្រឹមតែប៉ុណ្ណោះ ក៏អាចជួយដល់ផ្លូវចិត្ត ផ្លូវអារម្មណ៍ឱ្យបានកាន់តែប្រសើរផងដែរ។
៣. កំណត់ពេលលេងទូរស័ព្ទត្រឹមមួយម៉ោង ៖ ការលេងទូរស័ព្ទជារឿងល្អ ដែលអាចកាត់បន្ថយការអផ្សុក ក៏ដូចជាអាចបង្កើនចំណេះដឹង។ តែការចំណាយពេលច្រើនម៉ោងពេកលេងទូរស័ព្ទ អាចបង្កជាបញ្ហាផ្សេងៗដែលអាចប៉ះពាល់ដល់សុខភាព ដូចជាស្រវាំងភ្នែក ឬចុករោយដៃជាដើម។ ដូច្នេះក្នុងមួយថ្ងៃគួរកាត់បន្ថយពេលលេងទូរស័ព្ទមកនៅត្រឹមតែមួយម៉ោងទើបល្អ។
៤. ទទួលទានបន្លែ និងផ្លែឈើ ៖ បន្លែ និងផ្លែឈើមានផ្ទុកជាតិវីតាមីនផ្សេងៗដែលជំនួយដល់ការលូតលាស់សរីរាង្គកាយ។ មិនថាស្ថិតក្នុងវ័យណា ការទទួលទានបន្លែ និងផ្លែឈើផ្ដល់អត្ថប្រយោជន៍ដល់មិនត្រឹមតែសុខភាពផ្លូវកាយ សុខភាពផ្លូវចិត្ត ហើយអាចជួយដល់សុខភាពសម្រស់ផងដែរ។
៥. គេងឱ្យបានប្រាំបីម៉ោង ៖ គេងគ្រប់គ្រាន់ធ្វើឱ្យមនុស្សមានកម្លាំងកាយ និងមានស្មារតីបំពេញភារកិច្ចផ្សេងៗប្រចាំថ្ងៃ ដូចជាការសិក្សា និងការងារជាដើម។ គេងគ្រប់គ្រាន់ជំនួយជាពិសេសដល់សុខភាពខួរក្បាល ជួយឱ្យមានការចងចាំល្អ ការគិតបានឆាប់រហ័ស និងបង្កើនភាពច្នៃប្រឌិតបានថ្មីៗ។
៦. ហាត់ប្រាណយ៉ាងហោចណាស់បាន ២០នាទីក្នុងមួយថ្ងៃ ៖ ការហាត់ប្រាណមិនត្រឹមតែធ្វើឱ្យមានរូបរាងស្អាត ឬជួយដល់ការសម្រកគីឡូប៉ុណ្ណោះទេ តែថែមទាំងជួយឱ្យសាច់ដុំដំណើរការល្អ សម្រួលការធ្វើចលនាក្នុងបេះដូង និងសរសៃរឈាម អាចធ្វើឱ្យឆ្អឹងលូតលាស់រឹងមាំ និងអាចជួយបំបាត់ភាពស្រ្តេសផងដែរ។
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
