ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ ជាទូទៅរាងកាយមនុស្សមានទឹករហូតដល់ ៧០% ហើយនៅពេលមនុស្សមានអាការៈស្រេកទឹកជាសញ្ញាមួយបង្ហាញថា រាងកាយត្រូវការទឹក កំពុងខ្វះជាតិទឹក ឬចាប់ផ្តើមខ្សោះជាតិទឹក។ មួយថ្ងៃទឹកបញ្ចេញពីរាងកាយមនុស្សប្រមាណជាងមួយលីត្រតាមញើស ទឹកនោម និងតាមផ្លូវដង្ហើម។ រដូវក្តៅទឹកសំខាន់សម្រាប់សុខភាពមនុស្សគ្រប់វ័យ។ ដូច្នេះការទទួលទានទឹកឱ្យបានគ្រប់គ្រាន់នៅក្នុងរដូវក្តៅនេះ នឹងជួយដល់សុខភាពបានយ៉ាងច្រើន ព្រមទាំងបញ្ជៀសបានពីជំងឺខ្សោះជាតិទឹកធ្ងន់ធ្ងរ ពិសេសកុមារតូចរស់នៅតាមតំបន់ជនបទ។ នេះបើតាមការបញ្ជាក់របស់អ្នកជំនាញទឹកស្អាតនិងអនាម័យ។
លោកវេជ្ជបណ្ឌិត លន់ សាយតេង ប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទ មានប្រសាសន៍ថា ទទួលទានទឹកបានគ្រប់គ្រាន់ក្នុងបរិមាណជាមធ្យម ១លីត្រកន្លះ នឹងជួយដល់ចលនាបេះដូង និងខួរក្បាលឱ្យដំណើរការបានល្អប្រសើរ។ លើសពីនេះសមាសភាពទឹកនឹងជួយចិញ្ចឹមកោសិកា ឬរក្សាលំនឹងប្រតិកម្មគីមីក្នុងខ្លួនមនុស្ស ជួយដល់សុខភាពស្បែក និងរាងកាយបានយ៉ាងល្អ។
ទឹកបញ្ចេញចោលជាតិពុល និងកាកសំណល់ភាគច្រើនចេញពីរាងកាយរបស់យើង ! ប្រសិនបើរាងកាយរបស់យើងខ្វះទឹក បេះដូងរបស់យើងត្រូវប្រឹងប្រែងធ្វើការបន្ថែមទៀត នោះអាចបណ្តាលឱ្យមានបញ្ហាសុខភាពធ្ងន់ធ្ងរ“។
លោកវេជ្ជបណ្ឌិត លន់ សាយតេង
លោក ហង់ ហ៊ីប៊ុណ្ណា អ្នកឯកទេសទឹកស្អាត និងអនាម័យរបស់អង្គការភ្លែនអន្តរជាតិកម្ពុជា មានប្រសាសន៍ថា រដូវក្តៅទឹកស្អាតចាំបាច់បំផុតសម្រាប់កុមារ។ កុមារនឹងមានបញ្ហាសុខភាពធ្ងន់ធ្ងរ ប្រសិនបើពួកគេខ្វះជាតិទឹក ឬទទួលទានទឹកមិនគ្រប់គ្រាន់។ ទឹកស្អាតទាមទារឱ្យឪពុកម្តាយនឹងអាណាព្យាបាលរៀបចំទុកដាក់ទឹកឱ្យបានត្រឹមត្រូវ និងធានាថាទាំងនោះជាមានសុវត្ថិភាព។
លោក ហង់ ហ៊ីប៊ុណ្ណា អ្នកឯកទេសទឹកស្អាត និងអនាម័យរបស់អង្គការភ្លែនអន្តរជាតិកម្ពុជា ជាមួយក្រុមការងារ។ 
លោក ហង់ ហ៊ីប៊ុណ្ណា អ្នកឯកទេសទឹកស្អាត និងអនាម័យរបស់អង្គការភ្លែនអន្តរជាតិកម្ពុជា
តាមការស្រាវជ្រាវនឹងរបាយការណ៍ដែលខ្ញុំធ្លាប់ទទួលបានឃើញថា បញ្ហាខ្សោះជាតិទឹកនេះប៉ះពាល់ខ្លាំងមែនទែនដល់សុខភាពកុមារ ដូចយើងដឹងហើយកុមារអាចនឹងមានបញ្ហាក្តៅខ្លួនក្រហល់ក្រហាយ (សីតុណ្ហភាពលើ ៣៩អង្សារសេ) បែកញើសច្រើន ចុកពោះ ស្បែកស្ងួត ក្អួតចង្អោរ រាករុស កុមារដួលឬជីបចរដើរញាប់ខ្សោយកម្លាំង ហើយខ្វះជាតិទឹកនេះអាចឱ្យកុមារខ្លះមានបញ្ហាក្រិសក្រិន គ្រុនពោះរៀន មានជំងឺសើរស្បែក ! ប្រសិនបើធ្ងន់ធ្ងរនឹងអាចប៉ះពាល់ដល់អាយុជីវិតកុមារ
លោក ហង់ ហ៊ីប៊ុណ្ណា
លោក ហង់ ហ៊ីប៊ុណ្ណា មានប្រសាសន៍បន្តថា ម្តាយឪពុកគួរឱ្យការទទួលទានទឹកឱ្យបានគ្រប់គ្រាន់ ឱ្យកុមារលេងក្នុងម្លប់ក្រោមដើមឈើ ឬក្នុងផ្ទះ ងូតទឹកឱ្យបានញឹកញាប់ ជូតកន្សែងត្រជាក់លើរាងកាយកុមារឱ្យសព្វ ចៀសវាងឱ្យកុមារផឹកទឹកផ្អែម និងស្លៀកពាក់សម្លៀកបំពាក់ស្តើងៗ ដែលមានពណ៌ស្រាលដល់កុមារ។ ករណីកុមារមានបញ្ហាសុខភាពធ្ងន់ធ្ងរត្រូវបញ្ចូលទៅមណ្ឌលសុខភាព ឬមន្ទីរពេទ្យជាបន្ទាន់។ ចំណែកលោកវេជ្ជបណ្ឌិត លន់ សាយតេង មានប្រសាសន៍ថា ទម្លាប់ទទួលទឹកគ្រប់គ្រាន់ជួយដល់សុខភាព ប៉ុន្តែប្រជាពលរដ្ឋគួរមានទម្លាប់ទទួលទានទឹកស្អាត និងទឹកមានសុវត្ថិភាពទើបជាការប្រសើរ។
ត្រង់នេះខ្ញុំសុំបញ្ជាក់បន្តិច ប្រជាពលរដ្ឋយើងត្រូវគិតពីប្រភពទឹកដែលគាត់ប្រើប្រាស់ផង ជួនកាលប្រភពទឹកយើងល្អតែយើងចេះមិនថែទាំក៏អាចប៉ះពាល់ដល់សុខភាពផឹកដែរ ! នៅជនបទយើងតំបន់ខ្លះខ្សត់ទឹករដូវប្រាំង តែបងប្អូនយើងខ្លះមានទឹកប្រើហើយបែរជាមិនចេះទុកដាក់ទឹក ដូចជាកន្លែងទុកដាក់ទឹកមិនស្អាត មិនដាំទឹក មិនរៀបចំឱ្យអនាម័យជាដើម អាហ្នឹងក៏ជាបញ្ហាលំបាកឬខ្វះទឹកស្អាតសម្រាប់ទទួលទានដែរ
លោកវេជ្ជបណ្ឌិត លន់ សាយតេង
គួររំលឹងដែរថា ជារឿងៗក្រសួងសុខាភិបាលតែងរំលឹកនិងផ្តល់ព័ត៌មានទៅកាន់ប្រជាពលរដ្ឋអំពីគ្រោះថ្នាក់សុខភាព បណ្តាលមកពីកង្វះជាតិទឹកក្នុងរាងកាយនៅរដូវក្តៅ។ រដូវក្តៅនេះ មនុស្សចាស់ កុមារ ស្ត្រីមានផ្ទៃពោះ អ្នកមានជំងឺរ៉ាំរៃ អ្នកមានពិការភាព និងប្រជាពលរដ្ឋរស់នៅតំបន់ខ្សត់ប្រភពទឹក ត្រូវបានចាត់ទុកជាជនងាយរងគ្រោះក្នុងបញ្ហាទឹកស្អាតនិងអនាម័យ។
សូមបញ្ជាក់ថា តួលេខមួយរបស់អង្គការសុខភាពពិភពលោក បានបង្ហាញថា រៀងរាល់ឆ្នាំមានមនុស្សស្លាប់យ៉ាងហោចប្រាំបីសែនពីម៉ឺននាក់ ដោយសារតែជំងឺរាករូស ព្រោះគ្មានទឹកស្អាតទទួលទាន។ ក្នុងចំណោមអ្នកស្លាប់នេះ មានប្រមាណបីសែននាក់ជាកុមារអាយុក្រោមប្រាំឆ្នាំ។ កង្វះអនាម័យដោយការគ្មានទឹកជាប្រភពបញ្ហាច្រើនយ៉ាង ជាពិសេសសម្រាប់មនុស្សស្រី។ គ្មានបន្ទប់ទឹក គ្មានទឹកប្រើ ក្មេងស្រីដែលពេញវ័យមានរដូវ ត្រូវបង្ខំចិត្តមិនទៅសាលារៀនទេ។ ទារកដែលទើបនឹងកើតប្រមាណមួយលាននាក់ស្លាប់ជារៀងរាល់ឆ្នាំ ដោយសារស្ត្រីជាម្តាយខ្វះអនាម័យនៅពេលឆ្លងទន្លេ។ ទាំងអស់នេះជាផលលំបាកដោយសារតែការខ្វះទឹកស្អាត៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
តិចនិកថែសុខភាពក្នុងវ័យ ៣០ ឆ្នាំ ដើម្បីកុំឱ្យស្ដាយក្រោយពេលដល់អាយុ ៧០ឆ្នាំ
សហភាពអឺរ៉ុបផ្តល់អាហារូបករណ៍ពេញថ្លៃ ៣០កន្លែង លើជំនាញវិស័យទឹក ទៅសិក្សានៅសាកលវិទ្យាល័យក្នុងតំបន់អឺរ៉ុប
OCIC និង WCCI សហការបង្កើតសាកលវិទ្យាល័យបច្ចេកវិទ្យាអាកាសចរណ៍ដំបូងបង្អស់នៅកម្ពុជា
កម្ពុជា-អាមេរិក បន្តជំរុញឱកាសសិក្សា និងអភិវឌ្ឍជំនាញយុវជននៅសហរដ្ឋអាមេរិក
កម្ពុជាជំរុញការកាត់បន្ថយសំណល់ និងការពារបរិស្ថាន ដើម្បីពង្រឹងភាពស្អាត និងភាពបៃតង
ទិវាមនុស្សចាស់! សម្តេចធិបតីអំពាវនាវដល់គ្រប់គ្រួសារ បន្តពង្រឹងសីលធម៌ អប់រំកូនចៅឱ្យចេះគោរពមាតាបិតា ជីដូនជីតា និងព្រឹទ្ធាចារ្យ
រូបមន្តបែងចែកកញ្ចប់សន្សំ ៤ យ៉ាង ដើម្បីកសាងគ្រឹះហិរញ្ញវត្ថុរឹងមាំសម្រាប់យុវជន
សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ
ជនរងគ្រោះពីអំពើហិង្សាផ្លូវភេទសម័យខ្មែរក្រហម ២៣៥នាក់ នៅខេត្តកំពត ទទួលបានសំណងក្រៅប្រព័ន្ធតុលាការ ដើម្បីស្តារជីវភាព និងសេចក្តីថ្លៃថ្នូរ
គម្រោង «PassKru» ជួយសម្រួលការស្វែងរកឯកសារប្រឡងគ្រូ ជាប់លេខ១ ក្នុងកម្មវិធី Next Gen Engagement Program Batch III
កម្មវិធីពិសេសរបស់ AMS EDUCATION
ព័ត៌មានសង្ខេប
