ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ សារព័ត៌មានត្រូវបានគេចាត់ទុកថាជាអ្នកនាំពាក្យយ៉ាងសំខាន់ពីប្រជាជនទៅអ្នកដឹកនាំ និងអ្នកដឹកនាំមកប្រជាជន។ បន្ថែមពីលើនេះ សារព័ត៌មានដែលមានវិជ្ជាជីវៈត្រឹមត្រូវក៏អាចជួយកសាងសមត្ថភាពក្នុងការគិតពិចារណា បង្កើនចំណេះដឹង និងគុណភាពនៃការរស់នៅដល់ប្រជាជនបានយ៉ាងល្អផងដែរ។ តើសារព័ត៌មានមានឥទ្ធិពលជាវិជ្ជមានបែបណាខ្លះលើផ្នែកអប់រំ?
ឯកឧត្តម មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យនៃក្រសួងព័ត៌មាន បានមានប្រសាន៍ថា វិស័យព័ត៌មានបានចូលរួមចំណែកយ៉ាងច្រើនលើការអប់រំប្រជាជនតាមរយៈប្រព័ន្ធ និងរបៀបផ្សព្វផ្សាយរបស់ខ្លួនទៅកាន់ប្រជាជន។ តាមរយៈសារព័ត៌មាន ប្រជាជនអាចនឹងយល់ដឹងកាន់តែច្រើនពីការអប់រំ ទាំងក្នុងប្រព័ន្ធ និងក្រៅប្រព័ន្ធ។ ចំណេះដឹងទាំងអស់នេះ អាចជាប្រភពមិនអាចខ្វះបានដើម្បីបំពេញបន្ថែម ឬជំរុញឱ្យប្រជាជនអភិវឌ្ឍសមត្ថភាពការងារ និងមុខរបរផ្ទាល់ខ្លួនបានកាន់តែប្រសើរ។
ឯកឧត្តមបានបន្ថែមទៀតថា សារព័ត៌មានក៏ជាច្រកក្នុងការបង្ហាញសារអប់រំយ៉ាងសំខាន់ពីថ្នាក់ដឹកនាំ ឬអ្នកជំនាញទៅកាន់ប្រជាជនតាមរយៈអត្ថបទអប់រំ ដែលជំរុញឱ្យប្រជាជនចេះអភិវឌ្ឍន៍បំណិនជីវិត ស្វែងយល់ពីបទពិសោធន៍ជាក់ស្តែងពីអ្នកជំនាញ និងចំណេះដឹងនានាផ្នែកវិជ្ជាជីវៈដែលសង្គមត្រូវការ។ ក្រៅពីនេះ តាមរយៈសារព័ត៌មានអាចនឹងបំផុសឱ្យប្រជាជនចូលរួមកាន់តែសកម្មក្នុងសកម្មភាពដោះស្រាយបញ្ហារួមរបស់សង្គមដូចជា យុទ្ធនាការប្រឆាំងជំងឺអេដស៍ ចូលរួមប្រយុទ្ធប្រឆាំងគ្រឿងញៀន ការជួញដូរមនុស្ស និងអំពើហិង្សាក្នុងសង្គមជាដើម។
ទន្ទឹមនឹងគ្នានោះដែរ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន និងជាសាស្ត្រាចារ្យផ្នែកសារព័ត៌មាននៅសាកលវិទ្យាល័យភូមិន្ទភ្នំពេញបានមានប្រសាសន៍ថា សារព័ត៌មានគឺជាអ្នកដកស្រង់យកនូវបញ្ហា និងតថភាពក្នុងសង្គមដើម្បីលាតត្រដាងតាមរយៈប្រព័ន្ធផ្សព្វផ្សាយរបស់ខ្លួន។ តថភាពទាំងអស់នោះបានភ្ជាប់មកជាមួយនឹងចំណេះដឹងមិនអាចខ្វះបានសម្រាប់ទុកជាបទពិសោធដល់មនុស្សទូទៅដែលជាអ្នកទទួលព័ត៌មាន ឬអាចជាឯកសារយោងសម្រាប់អ្នកសិក្សានានាដែលចង់ស្វែងយល់ពីផ្នែកទាំងអស់នោះ។
ឯកឧត្តម ឆាយ សុផល បានបន្ថែមថា ក្រៅពីផ្តល់ដំណឹងដល់សាធារណជន សារព័ត៌មានមានតួនាទីជួយទៅដល់សង្គមតាមរយៈការជំរុញមនុស្សឱ្យចេះគិតគិត វិនិច្ឆ័យ និងជំរុញឱ្យប្រជាជនចេះរស់នៅជាមួយផ្នត់គំនិតវិជ្ជមាន។
លោក សរ សុវណ្ណា ជាអ្នកសារព័ត៌មានឯករាជ្យ (Freelance Reporter) មួយរូបបានថ្លែងថា សារព័ត៌មានជាអ្នកនាំពាក្យយ៉ាងសំខាន់ទៅមនុស្សទូទៅប្របកដោយការអប់រំ មានភាពថ្លៃថ្លូរ និងច្បាស់លាស់។ វាជាការចងសម្ព័ន្ធគ្នារវាងការអប់រំ និងការផ្សព្វផ្សាយព័ត៌មានឱ្យសមប្រកបដោយសច្ចៈភាព និងស្ថេរភាពក្នុងសង្គមផងដែរ។
លោក សួរ សុខលី បុគ្គលិកនៅក្រុមហ៊ុនមួយកន្លែងបាននិយាយថា ក្នុងនាមជាអ្នកទទួលព័ត៌មានមួយរូប លោកយល់ថាសារព័ត៌មានជាកន្លែងដែលផ្តល់ចំណេះដឹងយ៉ាងសំបូរបែប។ ជាទូទៅមនុស្សដែលទទួលបានព័ត៌មានល្អៗច្រើន តែងតែជាអ្នកដែលមានការគិតពិចារណាស៊ីជម្រៅ និងមានការវិនិច្ឆ័យល្អមុននឹងធ្វើសកម្មភាពណាមួយ។ លោកថាបើគ្មានវិស័យព័ត៌មានទេ មនុស្សគ្រប់គ្នាប្រហែលជាមិនអាចស្គាល់ភាពជឿនលឿន ឬដឹងពីដំណឹង និងហេតុការណ៍នានានៅក្នុងសង្គមនោះទេ។ លោកបញ្ជាក់ផងថា ព័ត៌មានជាផ្នែកមួយយ៉ាងសំខាន់ក្នុងការអប់រំប្រជាជនឱ្យបានយល់ដឹងពីការប្រែប្រួលនៃដំណើររបស់សង្គម ហើយត្រៀមខ្លួនឱ្យស្របទៅតាមស្ថានភាពរបស់សង្គម។ ក្រៅពីនេះការចូលរួមចំណែកពីសារព័ត៌មាន អាចនឹងបង្កភាពងាយស្រួលដល់ក្រសួងអប់រំ ដើម្បីស្វែងយល់ពីស្ថានភាពទូទៅរបស់សិស្សានុសិស្សដែលកំពុងសិក្សា និងប្រជាជនផងដែរ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ Global Korea Scholarship (GKS-G) ឆ្នាំ២០២៦ កំពុងជ្រើសរើសនិស្សិតអន្តរជាតិ២ពាន់នាក់
ព័ត៌មានអាហារូបករណ៍, ព្រឹត្តិការណ៍
• 10/02/2026
រដ្ឋាភិបាលនៃសាធារណរដ្ឋកូរ៉េ បានប្រកាសជាផ្លូវការនូវការផ្តល់អាហារូបករណ៍ថ្នាក់ក្រោយឧត្តមសិក្សា Global Korea Scholarship (GKS-G) សម្រាប់ឆ្នាំ ២០២៦ ដើម្បីផ្តល់ឱកាសដល់និស្សិតអន្តរជាតិសរុបចំនួន ២,០០០ នាក់
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ SIIT ប្រទេសថៃ ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 01/03/2023
វិទ្យាស្ថានបច្ចេកវិទ្យាអន្តរជាតិ Sirindhorn ឬហៅកាត់ថា SIIT បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ...
អាហារូបករណ៍ថ្នាក់បណ្ឌិត-អនុបណ្ឌិតពីកម្មវិធី MSIS Lap នៅសាកលវិទ្យាល័យជាតិ Chungbuk
ព័ត៌មានអាហារូបករណ៍, ព្រឹត្តិការណ៍
• 04/04/2024
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship ...
អាហារូបករណ៍ថ្នាក់បរិញ្ញាបត្ររងនៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 07/02/2025
តាមរយៈគម្រោងជំនាញសម្រាប់ការប្រកួតប្រជែង (S4C) វិទ្យាស្ថានជាតិសហគ្រិនភាព និងនវានុវត្តន៍ (NIEI) ប្រកាសជ្រើសរើសសិស្សចូលរៀនអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) សម្រាប់ជំនាញវិស្វកម្មអគ្គិសនី...
វិទ្យាស្ថានពហុបច្ចេកទេសភូមិភាគតេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់ថ្នាក់សញ្ញាបត្រជាន់ខ្ពស់បច្ចេកទេស
ព័ត៌មានអាហារូបករណ៍, ព្រឹត្តិការណ៍
• 03/10/2025
នៅក្នុងឆ្នាំសិក្សា២០២៥-២០២៦នេះ វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការផ្តល់អាហារូបករណ៍រហូតដល់ ៨៧០កន្លែង សម្រាប់ថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 29/04/2025
មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេសក្នុងការសិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...
ឱកាសសិក្សាអាហារូបករណ៍សិក្សាវគ្គខ្លីពី World Health Organization តាមរយៈ Online
ព័ត៌មានអាហារូបករណ៍, ព្រឹត្តិការណ៍
• 05/06/2024
តាមរយៈ OpenWHO អង្គការសុខភាពពិភពលោកផ្ដល់វគ្គសិក្សាតាម Internet ដោយឥតគិតថ្លៃសម្រាប់សិស្សនិស្សិតអន្តរជាតិទូទាំងពិភពលោក។ វគ្គ...
ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែងសម្រាប់៤២ជំនាញ
ព័ត៌មានអាហារូបករណ៍, ព្រឹត្តិការណ៍
• 07/10/2024
ជាឱកាសល្អសម្រាប់ការសិក្សាជំនាញវិជ្ជាជីវៈចំពោះយុវជន យុវនារី ដែលបោះបង់ការសិក្សា ឬមិនមានលទ្ធភាពបន្តការសិក្សាឱ្យសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែង។ ការសិក្សាផ្ដល់ជូនក្រោមកម្មវិធីសិក្សា TVET ១,៥លាន
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 20/01/2025
កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...
កម្មវិធីពិសេសរបស់ AMS EDUCATION
ព័ត៌មានសង្ខេប
