ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជំងឺដាច់សរសៃឈាមខួរក្បាល បណ្តាលមកពីសម្ពាធឈាមខ្ពស់គ្រប់គ្រងមិនបានល្អ :
សុខភាព៖ ក្រុមវេជ្ជបណ្ឌិតជំនាញផ្នែកវេជ្ជសាស្ត្រប្រសាទសាស្ត្រនៃមន្ទីរពេទ្យកាល់ម៉ែត បានឱ្យដឹងថា ជំងឺដាច់សរសៃឈាមខួរក្បាល អាចបណ្តាលមកពីជំងឺលើសឈាម គួបផ្សំនឹងកត្តាមួយចំនួនទៀតដូចជា ជំងឺទឹកនោមផ្អែម ការពិសារស្រា និងជក់បារីច្រើន។ ជំងឺដាច់សរសៃឈាមខួរក្បាល សំដៅការដាច់សរសៃឈាមខួរក្បាលដោយឯកឯង ដែលបណ្តាលមកពីសម្ពាធឈាមឡើងខ្ពស់ភ្លាមៗគ្រប់គ្រងមិនបានល្អ នាំឱ្យមានឈាមកកនៅក្នុងខួរក្បាល។
តាមការចុះផ្សាយលើទំព័រហ្វេសប៊ុកមន្ទីរពេទ្យកាលម៉ែតបានឱ្យដឹងថា ផលវិបាកនៃការដាច់សរសៃឈាមខួរក្បាលធ្វើឱ្យអ្នកជំងឺមានពិការភាពដោយសារខ្វះឈាមទៅចិញ្ចឹមខួរក្បាលនៅជុំវិញតំបន់នោះដោយការសង្កត់នៃដុំឈាម។ ជំងឺនេះអាចបង្កគ្រោះថ្នាក់ដល់ជីវិតភ្លាមៗ ឬពេលវេលាណាមួយ បើដុំឈាមមានទំហំធំកើនឡើងសម្ពាធឈាមក្នុងខួរក្បាល។
ចំណែករោគសញ្ញានៃជំងឺនេះ រួមមានឈឺក្បាលខ្លាំង (ភ្លាមៗ) មានសភាពខ្សោយនៃការកំរើកសាច់ដុំ (ទន់មួយចំហៀងខ្លួន ដៃ ជើង ឬមុខ) ពេលខ្លះអ្នកជំងឺវង្វេងស្មារតី ឬសន្លប់ក៏មាន។
មន្ទីរពេទ្យបានបញ្ជាក់ថា មូលហេតុនៃជំងឺដាច់សរសៃឈាមខួរក្បាលភាគច្រើនបណ្តាលមកពីជំងឺលើសឈាម (60-70%) គួបផ្សំនឹងកត្តាមួយចំនួនទៀតដូចជា ជំងឺទឹកនោមផ្អែម ការពិសារស្រា និងបារីច្រើន។
ការធ្វើរោគវិនិច្ឆ័យដើម្បីបញ្ជាក់ឱ្យដឹងថា មានជំងឺដាច់សរសៃឈាមក្នុងខួរក្បាល ឬក៏អត់ តម្រូវឱ្យធ្វើ CT Scan ខួរក្បាល ហើយវាអាចបញ្ជាក់ពីទីតាំង និងទំហំនៃដុំឈាមកក ដើម្បីគ្រូពេទ្យងាយស្រួលជ្រើសរើសវិធីសាស្ត្រព្យាបាល។
វិធីព្យាបាលជំងឺដាច់សរសៃឈាមខួរក្បាលមានពីររបៀប។ ទីមួយព្យាបាលដោយការប្រើថ្នាំ (មិនវះកាត់) និងទីពីរ ព្យាបាលដោយការវះកាត់។ ការព្យាបាលដោយប្រើថ្នាំ ដើម្បីគ្រប់គ្រងសម្ពាធឈាមឱ្យបានត្រឹមត្រូវ និងតាមដានជាប់លាប់ជាប្រចាំ ប្រើប្រាស់ថ្នាំបន្ថយការឈឺចាប់ រួមទាំងការសម្រាកនិងដាក់ក្បាលខ្ពស់ 30ដឺក្រេ។ ចំណែកការព្យាបាលដោយការវះកាត់ គោលបំណងយកឈាមចេញ ដើម្បីបន្ថយសម្ពាធតឹងណែននៅក្នុងក្បាលជួយជីវិតអ្នកជំងឺ។
មន្ទីរពេទ្យកាល់ម៉ែតបានឱ្យដឹងថា បច្ចុប្បន្ននេះ មន្ទីរពេទ្យមានក្រុមការងារចម្រុះគ្រូពេទ្យឯកទេសផ្នែកវេជ្ជសាស្ត្រប្រសាទសាស្ត្រ និងឯកទេសវះកាត់ខួរក្បាល កំពុងទទួលពិគ្រោះ និងព្យាបាលវះកាត់គ្រប់ករណី ដើម្បីព្យាយាមសង្គ្រោះអាយុជីវិតអ្នកជំងឺ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
ក្រសួងអប់រំ អនុម័តដាក់ឱ្យប្រើប្រាស់សៀវភៅណែនាំប្រតិបត្តិស្ដីពីការបង្រៀនសម្របតាមសមត្ថភាពសិស្ស (PTOM) ដើម្បីជួយសិស្សរៀនយឺត
ពីសំឡេងយុវជនដើម្បីសន្តិសុខទឹក ឆ្ពោះទៅកិច្ចប្រជុំអង្គការសហប្រជាជាតិ និងការជំរុញសមភាពទឹកស្អាត
រត់យឺតៗ ឬ Slow Jogging ត្រឹម ១០ នាទី ជួយផ្លាស់ប្តូរទាំងសុខភាពផ្លូវកាយ និងផ្លូវចិត្ត
ឱកាសសិក្សា! អាហារូបករណ៍ អ.ម.ត ១០៣៣ កន្លែង នៅគ្រឹះស្ថានឧត្តមសិក្សា ១៤ សម្រាប់ឆ្នាំសិក្សា ២០២៦-២០២៧
អង្គការ OECD ៖ ការរីកចម្រើន PISA របស់កម្ពុជា មិនត្រឹមតែជាតួលេខ ប៉ុន្តែជាភស្តុតាងនៃវឌ្ឍនភាពប្រព័ន្ធអប់រំ
រដ្ឋមន្ត្រីអប់រំ ៖ គុណភាពគ្រូ គឺជាបេះដូងនៃការធ្វើកំណែទម្រង់វិស័យអប់រំ
ជីវភាពខ្វះខាតមិនមែនជាឧបសគ្គ! យុវសិស្ស អេង សុជាតិ តស៊ូរៀនសូត្ររហូតដណ្តើមបាននិទ្ទេស A និងកំពុងបន្តក្តីស្រមៃជាគ្រូបង្រៀនគណិតវិទ្យា
WFP បន្តផ្តល់អាហារដល់កុមារជាង ១៨០០នាក់ ដែលកំពុងផ្លាស់ទីលំនៅនៅព្រះវិហារ
វិន័យទាំង ៤ ដើម្បីផ្តោតលើភាពចាំបាច់ និងរំដោះខ្លួនពីភាពរវល់គ្មានន័យ
ឯកឧត្តមបណ្ឌិតសភាចារ្យ ហង់ជួន ណារ៉ុន ផ្តល់អាហារូបករណ៍ ១០០% និងឱកាសការងារចំនួន ១០កន្លែង សិក្សានៅសាកលវិទ្យាល័យបូណាម៉ារី (BMU)
កម្មវិធីពិសេសរបស់ AMS EDUCATION
ព័ត៌មានសង្ខេប
