រដ្ឋមន្ត្រី ក្រសួងបរិស្ថាន ៖ “វិទ្យាសាស្ត្របរិស្ថាន” ជាជំនាញចាំបាច់សម្រាប់ប្រទេសកម្ពុជា - AMS EDUCATION

រដ្ឋមន្ត្រី ក្រសួងបរិស្ថាន ៖ “វិទ្យាសាស្ត្របរិស្ថាន” ជាជំនាញចាំបាច់សម្រាប់ប្រទេសកម្ពុជា :

ភ្នំពេញ៖ មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំ លើកទី16 (ថ្ងៃទីមួយ) បានប្រព្រឹត្តទៅតាមប្រព័ន្ធអនឡាញក្រោមប្រធានបទ “វិទ្យាសាស្ត្របរិស្ថាន” ។ ឯកឧត្តម សាយ សំអាល់ រដ្ឋមន្ត្រី ក្រសួងបរិស្ថាន មានប្រសាសន៍ថា កម្ពុជាត្រូវការអ្នកជំនាញវិទ្យាសាស្ត្របរិស្ថានដើម្បីធ្វើការងារលើកកម្ពស់បរិស្ថាន។ ស្របគ្នានេះការបណ្តុះបណ្តាលជំនាញវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ឱ្យបានទូលំទូលាយ ជាមូលដ្ឋាននៃការកសាងធនធានមនុស្សដែលមានជំនាញ វិទ្យាសាស្ត្របរិស្ថាន ។

ឯកឧត្តមរដ្ឋមន្ត្រីក្រសួងបរិស្ថាន មានប្រសាសន៍ថា ៖

“ក្នុងបរិបទដែលពិភពលោកកំពុងយកចិត្តទុកដាក់លើការប្រែប្រួលអាកាសធាតុ ការគាំពារបរិស្ថាន ការអភិវឌ្ឍន៍ជីវៈចម្រុះ និងការអភិវឌ្ឍប្រកបដោយចីរភាព ជាបញ្ហាប្រឈមរួមរបស់មនុស្សជាតិ កម្ពុជាត្រូវការចាំបាច់នូវអ្នកជំនាញផ្នែកប្រែប្រួលអាកាសធាតុ ការអភិវឌ្ឍន៍បៃតង ថាមពលស្អាត កិច្ចគាំពារបរិស្ថាន និងការអភិវឌ្ឍន៍ធនធានធម្មជាតិ និងជីវចម្រុះ…”។
– ឯកឧត្តម សាយ សំអាល់

ទន្ទឹមគ្នានេះ ឯកឧត្តមរដ្ឋមន្ត្រីក៏បានបញ្ជាក់ដែរថា ការកសាងធនធានមនុស្សផ្នែកវិទ្យាសាស្រ្តនិងបច្ចេកវិទ្យានឹងជួយជំរុញការអភិវឌ្ឍន៍សេដ្ឋកិច្ចសង្គមលើមាគ៌ាមួយដែលមានចីរភាព និងមាននិរន្តរភាពសម្រាប់បរិស្ថាន ដើម្បីការរស់នៅប្រកបដោយចីរភាពរបស់ប្រជាពលរដ្ឋកម្ពុជាគ្រប់រូបនិងមនុស្សគ្រប់ជំនាន់។

“ការអប់រំ STEM ពោលគឺវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា និងការអប់រំ STEAM ដាក់បញ្ចូលសិល្បៈជាផ្នែកមួយនៃការអប់រំសំដៅលើការលើកកម្ពស់បទពិសោធន៍ និងការរស់នៅប្រចាំថ្ងៃ ពិតជាចាំបាច់និងមានសារៈសំខាន់បំផុតសម្រាប់កម្ពុជាយើង ដើម្បីអភិវឌ្ឍន៍កំណើនសេដ្ឋកិច្ចនិងការងារអភិវឌ្ឍន៍សង្គមជាតិ…។ ស្របពេលកម្ពុជាទទួលបានដំណក់ប្រេងលើកដំបូង ការអប់រំវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ពិតជាសំខាន់ជាងពេលណាៗទាំងអស់”។

ចំណែកឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ការអប់រំ STEM មានសារៈសំខាន់គ្រប់វិស័យស្របតាមកាវិវឌ្ឍនយ៉ាងឆាប់រហ័សនៅក្នុងពិភពលោក។ ឯកឧត្ដមបណ្ឌិតសភាចារ្យរដ្ឋមន្ត្រីបានបន្តថា នៅកម្ពុជាកម្លាំងចលករការងារជាមួយនឹងជំនាញ STEM រួមចំណែកយ៉ាងពេញលេញទៅលើការអភិវឌ្ឍន៍កំណើនសេដ្ឋកិច្ច ដែលក្រសួងអប់រំកំពុងយកចិត្តទុកដាក់លើជំនាញទាំងនេះ។

ក្រសួងបរិស្ថាន វិទ្យាសាស្ត្របរិស្ថាន ហង់ជួន ណារ៉ុន — ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ក្នុងមហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំ លើកទី16 ឆ្នាំ 2021។

“ក្រសួងអប់រំ យុវជន និងកីឡា បាននិងបន្តអភិវឌ្ឍសមត្ថភាពគ្រូបង្រៀន ពង្រឹងការអប់រំស្ទែម ព្រមទាំងដាក់បញ្ចូលគមនាគមន៍ព័ត៌មានវិទ្យានិងបច្ចេកវិទ្យានៅតាមសាលារៀន ក្រោមប្រធានបទត្រៀមខ្លួនដើម្បីអនាគត។ មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំ លើកទី16 នឹងល្បងសមត្ថភាពយុវជនកម្ពុជាឱ្យចេះប្រើប្រាស់ជំនាញ STEM ដើម្បីត្រៀមលក្ខណៈសម្រាប់អនាគត”
– ប្រសាសន៍ឯកឧត្ដមបណ្ឌិតសភាចារ្យ ហង់ជួន ណារ៉ុន។

សូមជម្រាបថា វិទ្យាសាស្រ្តបរិស្ថាន ជាវិស័យមួយដែលមានមុខងារជាច្រើនរួមបញ្ចូលគ្នានិយាយពីទំនាក់ទំនងសកម្មភាពរបស់មនុស្សនិងបញ្ហាបរិស្ថាន។ ឧទាហរណ៍ជាក់ស្តែង តើមនុស្សអាចប្រើប្រាស់ធនធានធម្មជាតិដូចជាទឹក ដី រុក្ខជាតិដោយរបៀបណា ហើយសកម្មភាពទាំងនោះប៉ះពាល់អ្វីខ្លះដល់បរិស្ថាន? ទន្ទឹមគ្នានេះក៏មានសិក្សាអំពីបញ្ហាបរិស្ថានផ្សេងៗតែមនុស្សកំពុងជួបប្រទះ ដែលភាគច្រើនបង្កឡើងដោយសកម្មភាពរបស់មនុស្ស ដូចជាការកើនកម្ដៅផែនដី បញ្ហាភ្លៀងអាស៊ីត ការបាត់បង់ព្រៃឈើ និងបញ្ហាប្រឈមជាច្រើនទៀត។

គួរបញ្ជាក់ថា មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំ លើកទី16 ឆ្នាំ 2021 ប្រព្រឹត្តទៅរយៈពេលប្រាំថ្ងៃ ចាប់ពីថ្ងៃទី 25 – 29 ខែមករា ក្រោមប្រធានបទ “ត្រៀមខ្លួនដើម្បីអនាគត” ដើម្បីផ្ដល់ឱកាសឱ្យសិស្សានុសិស្សទូទាំងប្រទេសស្វែងយល់បន្ថែមអំពីប្រធានបទនានាកំពុងកើតមាននៅក្នុងពិភពលោក។ កម្មវិធីនេះរៀបចំឡើងដោយអង្គការមហោស្រពពិព័រណ៍កម្ពុជា និងអង្គការ STEAM Cambodia ក្រោមកិច្ចសហការពីក្រសួងអប់រំ យុវជន និងកីឡា និងគាំទ្រពីក្រសួងបរិស្ថាន៕

AMS EDUCATION

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

ជួយអូនផង!!

ប្រាក់

ចុចទទួល

ឥឡូវនេះ!!

របាយការណ៍សំខាន់

មើលទាំងអស់ ➧

ព័ត៌មានទូទៅ

មើលទាំងអស់ ➧

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ក្រសួងអប់រំរឹតបន្តឹងការធានាគុណភាពការសិក្សាថ្នាក់បណ្ឌិត ដើម្បីលើកកម្ពស់តម្លៃសញ្ញាបត្រ

08/10/2026

ក្រសួងអប់រំ យុវជន និងកីឡា ជំរុញការពង្រឹងយន្តការត្រួតពិនិត្យគុណភាព និងស្តង់ដារនិក្ខេបបទថ្នាក់បណ្ឌិត ដើម្បីលើកកម្ពស់គុណភាពសញ្ញាបត្របណ្ឌិតនៅកម្ពុជា

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

សម្តេចធិបតីផ្តល់អនុសាសន៍គន្លឹះ៥ចំណុច ដើម្បីលើកកម្ពស់គុណភាពអប់រំ និងបណ្តុះបណ្តាលវិជ្ជាជីវៈ នៅកម្ពុជា ឆ្លើយតបនឹងទីផ្សារការងារសម័យឌីជីថល

08/10/2026

សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានផ្តល់អនុសាសន៍គន្លឹះ៥ចំណុច ដើម្បីលើកកម្ពស់គុណភាពអប់រំ

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

មហោស្រពអក្សរសិល្ប៍ខ្មែរឆ្នាំនេះ នឹងប្រារព្ធធ្វើឡើងនៅខេត្តព្រៃវែង ក្រោមប្រធានបទ «ដំណើរអក្សរសិល្ប៍»

08/10/2026

មហោស្រពអក្សរសិល្ប៍ខ្មែរឆ្នាំនេះ ពោលគឺលើកទី៨ នឹងប្រារព្ធធ្វើឡើងក្រោមប្រធានបទ «ដំណើរអក្សរសិល្ប៍» ដែលមានរយៈពេល៣ថ្ងៃ គឺចាប់ពីថ្ងៃទី២៩, ៣០, ៣១ ខែតុលា ឆ្នាំ២០២៦