ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
និស្សិតដែលមានសិទ្ធក្នុងការដាក់ពាក្យស្នើសុំអាហារូបករណ៍សាច់ប្រាក់ ជានិស្សិតដែលសិក្សានៅក្នុងដេប៉ាតឺម៉ង់មួយចំនួនដូចជា ដេប៉ាតឺម៉ង់អភិវឌ្ឍសហគមន៍ ដេប៉ាតឺម៉ង់អភិវឌ្ឍសេដ្ឋកិច្ច ដេប៉ាតឺម៉ង់វិទ្យាសាស្ត្រកុំព្យូទ័រ ដេប៉ាតឺម៉ង់គ្រប់គ្រងពាណិជ្ជកម្មអន្តរជាតិ និង ដេប៉ាតឺម៉ង់គណិតវិទ្យា។ ជាមួយគ្នានេះ បេក្ខជន ជានិស្សិតឆ្នាំទី២ ទី៣ ឬទី៤ នៃឆ្នាំសិក្សា២០២៤-២០២៥ ត្រូវមានពិន្ទុសិក្សាអប្បបរមា GPA ៣.០០ឡើងទៅ ជានិស្សិតដែលមិនកំពុងទទួលបានអាហារូបករណ៍ពីស្ថាប័នផ្សេងៗទៀត លើកលែងតែអាហារូបករណ៍ផ្ដល់ដោយក្រសួងអប់រំ យុវជន និងកីឡា។
និស្សិតដែលជាប់អាហារូបករណ៍ នឹងទទួលបាន អាហារូបករណ៍ជាទឹកប្រាក់ចំនួន៥០០ដុល្លារអាមេរិក សម្រាប់ម្នាក់ក្នុងមួយឆ្នាំសិក្សា និងឱកាសបម្រើការងារជាបុគ្គលិកពេញសិទ្ធនៅ ធនាគារ អ៊ូរី រយៈពេលពីរឆ្នាំបន្ទាប់ពីបញ្ជប់ការសិក្សា។
បេក្ខជនដែលមានចំណាប់អារម្មណ៍ក្នុងការដាក់ពាក្យ ត្រូវភ្ជាប់ជាមួយ ជីវប្រវត្តិសង្ខេប ១ច្បាប់ សំណេរអំពីចំណាប់អារម្មណ៍របស់និស្សិតចំពោះអាហារូបករណ៍ ធនាគារ អ៊ូរី ១ច្បាប់, ព្រឹត្តិបត្រពិន្ទុដែលមានបញ្ជាក់រាល់ឆមាស (ច្បាប់ដើម) ១ច្បាប់ ឬកាតនិស្សិត (ថតចម្លង) ១ច្បាប់ និងឯកសារបញ្ជាក់កម្រិតភាសាអង់គ្លេស១ច្បាប់ (បើមាន)។ គួរបញ្ជាក់ថា ឯកសារទាំងអស់ ត្រូវធ្វើឡើងជាភាសាអង់គ្លេស។
និស្សិតអាចទៅដាក់ពាក្យស្នើសុំអាហារូបករណ៍នៅការិយាល័យទំនាក់ទំនងអន្តរជាតិ ដោយភ្ជាប់ជាមួយសំណៅឯកសារដែលបានបញ្ជាក់ខាងលើ (ច្បាប់ដើម) ចាប់ពីថ្ងៃផ្សាយដំណឹងរហូតដល់ ថ្ងៃទី៣១ ខែមីនា ឆ្នាំ២០២៥ វេលាម៉ោង ១១:០០ព្រឹក។ សម្រាប់ព័ត៌មានលម្អិតសូមទាក់ទងទៅកាន់ការិយាល័យទំនាក់ទំនងអន្តរជាតិ តាមរយៈ តេឡេក្រាម https://t.me/iro_ruppរៀងរាល់ម៉ោងធ្វើការ៕
