ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡាប្រកាសដំណឹងជ្រើសរើសនិស្សិតសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគូបាចំនួន០១កន្លែងសម្រាប់ឆ្នាំសិក្សា២០២៣-២០២៤ ។ បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សា និងការស្នាក់នៅ ចំណែកសំបុត្រយន្តហោះបេក្ខជនចំណាយដោយខ្លួនឯង ។
លក្ខខណ្ឌនៃការចុះឈ្មោះសម្រាប់បេក្ខជនទាំង២ភេទរួមមាន មានសញ្ជាតិខ្មែរ, មានអាយុក្រោម២៥ឆ្នាំ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ មានសុខភាពល្អទាំងកាយសម្បទា និងសតិបញ្ញា ។
កាលបរិច្ឆេទសម្រាប់ប្រឡងនឹងព្រឹត្តិនៅថ្ងៃទី ៣០ ខែកក្កដា ឆ្នាំ២០២៣ លើវិញ្ញាសាប្រលង២មុខរួមមាន គណិតវិទ្យា ១ម៉ោង៣០នាទី និងភាសាអង់គ្លេស ១ម៉ោង៣០នាទី ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមភ្ជាប់ជាមួយឯកសារចាំបាច់ដូចជា បង្កាន់ដៃទទួលពាក្យប្រឡង០១ច្បាប់, ពាក្យសុំអាហារូបករណ៍០១ច្បាប់, ជីវប្រវត្តិសង្ខេប០១ច្បាប់(មានគំរូ) រូបថត៤x៦ចំនួន៤សន្លឹក(ផ្ទៃខាងក្រោយពណ៌ស ថតថ្មី) ។ លើសពីនេះ សញ្ញាបត្រមធ្យមសិក្សាទុតិយភូមិ ០១ច្បាប់(ច្បាប់ចម្លង និងភ្ជាប់ជាមួយច្បាប់ដើមដើម្បីពិនិត្យ និងផ្ទៀងផ្ទាត់) លិខិតបញ្ជាក់ពីអង្គភាពចំពោះបេក្ខជនជាមន្ត្រីរាជការ ។ ជាមួយគ្នានេះ បេក្ខជនត្រូវមានវិញ្ញាបនបត្រពិនិត្យកាយសម្បទា និងជំងឺអេដស៍ និងលិខិតថ្កោលទោស បំពេញក្រោយប្រឡងជាប់ ។
សម្រាប់បេក្ខជនដែលមានបំណងក្នុងការដាក់ពាក្យសូមទាក់ទងទៅទទួលពាក្យចាប់ពីថ្ងៃផ្សាយដំណឹងនេះរហូតដល់ថ្ងៃទី១៩ ខែកក្កដា ឆ្នាំ២០២៣នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមានអាសយដ្ឋាន អគាលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ(ខាងកើតទូរទស្សន៍អប្សរាប្រហែល៥០ម៉ែត្រ)៕
