ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ រូបភាពគំនូរតុក្កតាឌីជីថលតំណាងឱ្យមនុស្សអមដោយឈ្មោះផ្សេងៗ កំពុងទទួលប្រជាប្រិយភាពនិងបានបង្ហោះជាច្រើនលើបណ្ដាញសង្គមហ្វេសប៊ុកនៅកម្ពុជា។ រូបគំនូរដែលយកលំនាំសិល្បៈគំនូរបុរាណទាំងនោះទទួលបានការគាំទ្រខ្លាំង ចាប់តាំងពីថ្ងៃដំបូងនៃពិធីបុណ្យចូលឆ្នាំប្រពៃណីជាតិខ្មែរកន្លងទៅថ្មីៗនេះ។ គំនូរតុក្កតាឌីជីថល បង្កើតឡើងដោយក្រុមអ្នករចនារូបភាពឈ្មោះ “ក្រែងមានឈ្មោះខ្ញុំ” ក្នុងគោលបំណងចែករំលែកក្ដីស្រឡាញ់ដោយផ្សារភ្ជាប់វប្បធម៌ជាតិ។
លោក គីម ពៅមិថុនា ជាអ្នកផ្ដួមផ្ដើមគំនិតបង្កើតស្នាដៃសិល្បៈគំនូរឌីជីថលនេះ បាននិយាយថា ការបង្កើតស្នាដៃសិល្បៈគំនូរផ្សព្វផ្សាយលើឌីជីថលនៅពេលនេះ ចង់ឱ្យប្រជាជនខ្មែរយករូបតុក្កតាផ្ទាល់ខ្លួនទៅប្រើប្រាស់ដោយភ្ជាប់និងសិល្បៈនិងវប្បធម៌ខ្មែរ ព្រមទាំងចៀសវាងការភ័ណ្ឌច្រឡំផ្សេងៗ។
លោក គីម ពៅមិថុនា បន្ថែមទៀតថា
“ការរចនារូបភាពដោយយកម៉ូតសម្លៀកបំពាក់ខ្មែរដាក់ឱ្យតួអង្គនីមួយៗ ជាចំណែកលើកតម្កើងវប្បធម៌ខ្មែរ និងចូលរួមផ្សព្វផ្សាយឱ្យបានទូលំទូលាយ ពេលនោះយុវជនខ្មែរស្គាល់កាន់តែច្បាស់វប្បធម៌របស់យើង”
ក្រុមរចនារូបភាព “ក្រែងមានឈ្មោះខ្ញុំ” បានប្រើសមត្ថភាពរបស់ខ្លួនដោយភ្ជាប់នឹងម៉ូតសម្លៀកបំពាក់ខ្មែរស្អាតពីបុរាណគូរឡើងវិញ។
នេះជាការបញ្ជាក់របស់លោក គីម ពៅមិថុនា
“អំឡុងពេលគូររូបតុក្កតាទាំងនេះ ខ្ញុំជួបការលំបាកច្រើនដោយសារតែគូរគំនូរក្នុងពេលដែលគេបិទខ្ទប់ (Lockdown) នៅតែក្នុងបន្ទប់ដែលធ្វើឱ្យមានសម្ពាធ ជាពិសេសប៉ះពាល់អារម្មណ៍ខ្លះដែរ។ ខ្ញុំត្រូវធ្វើវាឱ្យទាន់ពេលចែករំលែក ដើម្បីទាញប្រជាជនឱ្យមកគាំទ្រ”
ការបង្ហាញគំនូរនេះមានចំនួនបីវគ្គ ដែលវគ្គទី១ គូរអំពីបុរសទាំងអស់ក្នុងឈុតប្រាំផ្សេងៗគ្នា រួមមានល្ខោនស្បែកធំ ល្ខោនខោលហនុមាន ល្ខោនខោលយក្សា ល្ខោនបាសាក់ខ្មែរ និងសិល្បៈចាប៉ីដងវែង។ ចំណែកវគ្គទី២ ជាឈុតសម្លៀកបំពាក់ប្រពៃណីរបស់នារីៗចំនួន ១០ឈុតក្នុងសម័យកាលខុសៗគ្នា។ ចុងក្រោយ បង្ហោះរូបភាពចែកចាយរួមបញ្ចូលគ្នាចំនួន ១៥ឈុត ទាំងឈុតបុរសនិងឈុតស្រ្ដី។
គួររំលឹកថា ការគូរគំនូរតុក្កតានេះឡើងគឺដើម្បីផ្ដល់ជាសារលើកទឹកចិត្ត និងបង្ហាញពីវប្បធម៌ខ្មែរ ហើយក្រុមអ្នកផលិតសង្ឃឹមថា ប្រជាជនខ្មែរនឹងពេញចិត្ត ព្រមទាំងគាំទ្រការខិតខំនេះ ព្រមទាំងចូលរួមថែរក្សា និងផ្សព្វផ្សាយវប្បធម៌ខ្មែរបានទូលំទូលាយ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
រដ្ឋមន្រ្តីក្រសួងព័ត៌មាន ណែនាំសិស្សានុសិស្សជឿតែព័ត៌មានមកពីប្រភពផ្លូវការ កុំចែករំលែកព័ត៌មានក្លែងក្លាយ នាំឱ្យអន្តរាយដល់សង្គម
ការវិវត្ត នៃការប្រើប្រាស់បច្ចេកវិទ្យាបញ្ញាសិប្បនិម្មិត (AI) នៅក្នុងការអប់រំ
យុទ្ធនាការ «៥៦០០រៀល» ជួយកុមារនៅជំរំភៀសសឹក ក្នុងខេត្តបន្ទាយមានជ័យ និងខេត្តព្រះវិហារ
ស្វែងយល់ពីអត្ថប្រយោជន៍ និងគុណវិបត្តិ របស់ដំណាប់ខ្ញី (Ginger Chews)
ឱកាសសម្រាប់សិស្សនិស្សិតកម្ពុជា បន្តការសិក្សាថ្នាក់ឧត្តមសិក្សានៅប្រទេសចិន តាមរយៈអាហារូបករណ៍ China-ASEAN Digital Academy
សម្តេចធិបតី ហ៊ុន ម៉ាណែត ៖ ការអនុវត្តកាតព្វកិច្ចយោធា គឺជាការវិនិយោគលើស្មារតីស្នេហាជាតិ និងជាមោទនភាពរបស់យុវជន
សាលារៀនទូទាំងរាជធានីភ្នំពេញសម្រេចបន្តរៀនផ្ទាល់ មិនប្ដូរទៅអនឡាញ ទោះមានវិបត្តិសាំងឡើងថ្លៃ
សាកលវិទ្យាល័យជាតិមានជ័យ ចាប់ដៃជាមួយវិទ្យាល័យទាំង៣០ក្នុងខេត្តបន្ទាយមានជ័យ ជំរុញការអភិវឌ្ឍមូលធនមនុស្ស
អាហារូបករណ៍ ទៅសិក្សានៅ University of Bath ប្រទេសអង់គ្លេស
ឈប់គ្រាន់តែរៀនដើម្បីចាំ ៖ គន្លឹះរៀនឱ្យពូកែ និងយល់ឱ្យស៊ីជម្រៅក្នុងសម័យឌីជីថល
កម្មវិធីពិសេសរបស់ AMS EDUCATION
ព័ត៌មានសង្ខេប
